Popularni biblijski stihovi iz Mateo 16

Podijeli

Nazapa Zeso poua uatimade iaza denima uati uati tarrari: —Arri “Zesocca madirra iquerrenana” tiquenezape tiadeni touini tiquenanicca toui tetideni rrimemanarri. Ouazara dameraqquiri tiquenarri. Madirra tiadeniza: “Aua porimacossaniza tizoqquerri” quenaza naco: “Rrehe, ozoqqueni bica tani. Zeso onebo-rraraui” titizanapomana nana, onarraro.

Rridapanape tia onipe “Pedoro” onarraro. (Ettizape: Siba, inarraro.) Tiape otauimari mari ticanabaqquizapa ouaza parrissa quenarrarideni touapirizauitoui. Nezape otauimariza quequeriqquimana nauiuarrinecca torrarizaniuarrine. Narraro otauimariza quequeriqquimana nauiccapa dacorarraro, pina sibassa narraro. Amossi naniuarrine ssamo tarraro. Zoqquehecca dacorehe naqui otauimariza quequeriqquimana nauicca inarricaniuarrine parrire-rrerarraro.

Pedoro, occa dacorehe tiaza onananitoui, tetti dacoraniuarrine. Narrarope pina Deocca cacauehecca totoqquezimacca pipico (chave) tiaza da ocanarrarossa nanitoui. Madirra otauimari mari ticanabaqquiza parrissa quenazapa Deocca cacaueheza toquerrenauitoui. Pina Deocca cacauehecca totoqquezima pouadeniza ticanauabarrarossa nanitoui. Tetti dacorarrarorrine naqui arrirraro namicca uimaza: “Rrehe, bica tani” tezape Deo memeuarri madirrari naco: “Rrehe, bica tani” nauitoui. Neraha uima onihiza: “Narrarope poni, bica terrerani” tezape Deo memeuarri madirrari naco: “Poni, bica terrerani” nauitoui −nade Zeso.

Tiadenipe ticcadeni madie ouaza teccoremanezape madirra tiadeni tonarricabaqqui-manaraha camittehe rriquerreranicca ticarrimana-zanaponitoui. Naraha madirra ouahapa pocca madie ouaza eccoccozape, pina arrirraro namiza madizanapouiuarrine touinira nazapa narraripa zoqqueuitoui. Zoqquezapa camittehe rriquerreranicca carri-rrarauitoui –nade Zeso.

—Madirra naco arrirraro namicca biquehe touini madiza, arrirraro zamacca uima deni torranicca touini madiza naco bazima pouaza torraraha Deotoui narrarazapa niza poua zoqqueza rrororoni rriquerreranicca zori tarrarauitoui. Nazapa poua carrirraricca bazima ponima torranitoui. Pouapa poua carrirrariccaza camittehe rriquerreranicca mitta inaniuarrine ssamo tani.

Nazapa Zeso iaza uati tarrari: —Neraha tiadenizape nerrecorrari orrani? −nade. Naraha manaco Pedoro uati tarrari: —Tiape Cristo-Mesia tirrani. Deo camitta tarrari Bedi tirrani −nade.

Nazapa Pedoroza Zeso attipa: —Rrehe Simao, tiape Zouaocca erredeni tirrarraro. Deopa tiaza uima bicani inanarraro. Arri otauimari nauato tinarrarope madirrarrine rrerani. Occa Abi memeuarri madirrarina otauimari Cristo-Mesia orrani tiaza auato inanarraro.