Popularni biblijski stihovi iz Roca 23

Podijeli

Nazapa Zeso Imehiza uati tarrari: —Abi, pouadenipa ouaza ssamoqquiri naza oua inanazoqque-maneraha peperriua. Arri ocasserani ouarraro manaconipe pouadeniza tinana-rrerana, onarraro −narrari Zeso. Nazapa isso teppeppedeni Zesocca eterotoui siba bedeniza coro coro quenarrari, —Pocca etero nerrecorrarizana torraniuarrine? −quenaza. Narraro sibaza ittomemanazapa pocca etero pouadeniza orrari orrari narizarraro.

Manaco Zeso pouaza uati tarrari: —Parrissehera tiaza uati onarraro. Arri rridapana ouazama memeuarricca zama bicaniuarri timadiniuarrine −narrari.

Nazapa Zesoza uati tarrari: —Zeso, ticca cacaueheuarri bacco tineza ouaza teti uatoma nana −narrari.

Marri narrarissa naza ssonouarri Zesopa rrazirema uati tarrari: —Abi, ticca cacaueheza orrapomaniuarrine, onarraro −nazapa Zeso uatiarrari.

Ssono Totati Tonanissa nani quequenanauiuarri bacco tomoremanazapa aua porimacossaniza que tauiuarrine Zeso coba izanemanarrari. Coba izanemanaha rricazapa acca icanamacosse-manarrari. Arra botirridede rarra, madirra inanazoqquemana narrarideni naco coba izanemanarizarrari. Aua porimacossani onihiza, onihiza narizemanarrari. Ouahapa Zeso que taui uinori nauatoniuarri, ouahapa Zeso que taui uinori ssamouarri quenarrari.

Marri orrari uariri naza zama nemanehe tozizini narraro. Zizi zanaporrarope marri 3 bacco tarraro. Marri tozizizapa Deoza dada toqquima oza imeni bodiuarricca uauacossa etero sibabotepe Deorrine sseo naronarraro, carobe narraro.

Nazapa isso teppeppe tamine Zeso cacauadepa zama tozizini nani qqui, Zeso uatiaui qqui tazapa: —Deo bica taui, deni torraui! −narrari. Poua attipa: —Parrissa, arrarrari maqquiderrepa bica taui. Uima cappirarrari −narrari.