Popularni biblijski stihovi iz 1Mos. 22

Podijeli

Oniakenangan si Abraham kudduat nenda, “Si TUHAN masipatarek apa simagulai.” Teret kineiget rakua sirimanua, “Ka uddut leleuNia, si TUHAN masipatarek apa simagulai.”

Kuanangan Taikamanua, “Kenan le ka laggai Moria pasamba si Ishak, togam sisasara, simakiliu baga samba panguruatnakenia sedda sibailiu buluakenan sirarak ka sara leleu sinausauKu katubum.”

“Bui nubesiki toga nenda ele bui nugalai apa pa' katubunia,” ngangan TUHAN kapaneiteiat malaika nenda. “Kineneiget Akuagaian, masuru' samba mareddet le ekeu katubukKu. Kalulut ta'nukera nuake togam sisasara nenda katubukKu.”

Aleginangannia si Abraham, “Taikamanua le geti masitatarekngake togat biribiri nenda.” Lepa riuriuakerangan rapuenung rudda.

Kupanukani le geti ekeu simariuriu samba kugalai le muntogatnu kele igit panyanyat ka manua samba igit ngai ka be'bet koat. Sapunuteteunu geti rakalaake le saggakdra. Sangamberi bangsa ka polak ratiddou le geti katubukKu bule Kusukatnake sia, kele leuet Kupanukani sapunuteteunu, kalulut anureddetnan poi perentaKu.”

Piga pa' tetere tusabau sibonangan Taikamanua nuntut bagat Abraham. Pasogainangan Taikamanau, “Abraham!” Lepa aleginangan si Abraham, “Oi, TUHAN.”

Tapoi mugerei le malaikat TUHAN barania ka manua katubunia, “Abraham, Abraham!” Aleginangan si Abraham, “Oi, TUHAN.”

Pusoganangan Malaikat TUHAN sikaruania kai Abraham, “Kuanangan si TUHAN: Musuppa le Aku ka oningKu, kalulut anugalaian poi pagalaiat nene samba ta'anukera masiake togam sisasara nenda katubukKu

Kele arasege ka kudduat sukuat Taikamanua katubunia. Rioakenangan si Abraham sara kudduat pasibuluat samba pagalaknangan loina nenda ka uddutnia. Iageti kabenangan si Ishak, togania nenda samba galakngakenangannia ka kudduat pasibuluat, ka uddut loina siruruakenennia nenda.