Popularni biblijski stihovi iz maṯa 5

Podijeli

na gwiji gwate gwoudeije lambə nuəḏɩje kɩḏi ganu ŋun ŋiro amen no, namɩni lugele kalo ge ḏoɽəḏa ga, kani ŋwuloɽa ga wei lun lɩjo gidəno. ouwɩricil bure gwalo ŋwoɽa ga dino gi jei ganu jeḏi liji, kani alaŋu ŋɩru ŋalo ŋun ŋiŋir albuḏi babaŋ gwalo gwun gwaṯɩje kanyin.

nyalro bure gweḏi gɩḏilio. amɩrɩgen ye yuṯinu gi lɩrgwom elo ŋate yəṯi ŋɩma, yalbiḏɩni no.

ḏimoreḏa ḏaje lagin lun ləṯi dugwor diŋir gworki, gi gwune laje laŋu eloŋu.

ḏimoreḏa ḏaje lagin lun liṯɩlo jaŋu na oudo lɩbunyu ŋuɽuna ŋiŋir, gi gwune lape.

namɩni nyi gweiceijɩno, aṯanyaləmɩnyi lun lɩkiḏiḏianyale, nyuməḏəṯɩjo eloŋu gwan luŋa lun laṯajɩnḏagɩɽini

ḏimoreḏa ḏaje lagin lun lɩtieno kwuɽɩwə, gi gwune naləṯi ŋelɩnya ŋeḏi kanyin.

ḏimoreḏa ḏaje lagin lun laṯɩgele ḏouwɩɽida, gi gwune laṯɩleico nyaɽe nyeḏi elo.

ḏimoreḏa ḏaje lagin lun laṯɩrone, na laje ləṯi ḏɩmoɽa ganu.

ḏimoreḏa ḏaje lagin lun laṯilɩnḏagɩɽini gwan ŋuɽun ŋun ŋiŋir, gi gwune ləṯi ŋelinya ŋeḏi kanyin.

ḏimoreḏa ḏaje lagin lun liro lino, gi gwune nalbuje ŋino.

ḏimoreḏa ḏaje lagalo da lɩmajilo nalmajɩnḏagɩɽini, nalmajɩnugɩḏi ŋuɽun ŋe ŋun ŋiro kajakaja gwan nyi. diliḏil ganu gworki, gi gwune nyaləṯi gala giŋir gworki kanyin, na ŋiro dino nalḏagɩɽini ḏi nebɩŋa lun lɩwiḏi gwerre lagalo.

ḏimoreḏa ḏaje lagin lun lɩtieno gi lulo lagin, gi gwune laɽenyeḏa kɩḏilio.

nyalro ŋwuco ŋweḏi gɩḏilio, namɩni ḏa ŋwuco ŋumaicɩwe na galakwe ŋanyaləjɩco mɩna alaɽuwe alḏɩnye? na ŋate ŋiŋir ŋɩru ŋədi no, namɩni ŋalɩdoije ga kwɩnyəm ŋani liji wewelelo.

na ŋiro dino duḏɩl nyaŋa muma, gi gwune baba gwalo gwun gwaṯɩje kanyin gwiro muma.

nyamɩni ouwɩrico ŋuɽuna ŋalo alro i i, na awe awe. na ŋun ŋalbaḏaice ŋeno ŋeḏi ŋu gwun gwɩki.

nyaldiŋɩnu ŋarɩline, wəɽeico nanu gei gei, na lɩŋaḏ lɩŋaḏ. namɩni nyi gweiceijɩno, aṯanyagwiɽəḏiḏia ganu gwun gwɩki no, namɩni gwun gwaŋamɩɽi kɩrel guŋa ŋun ŋiro diŋir, wɩrlijo gun gɩṯanu dino.

na ḏa gei guŋa ŋun ŋiro ḏiŋir ŋɩmaŋobɩlkejo, weləḏi ga ŋaguwini lugwuŋa, gi gwune gwiŋir lugwuŋa nuai getɩdo gi gwune aŋan aŋɩnu yuŋa wei wini jenam. na ḏa ḏi ḏuŋa ḏun ḏiro ḏiŋir ḏiməŋobɩlkejo, uɽəḏi ga ŋaḏuwɩni lugwuŋa, gi gwune gwiŋir lugwuŋa nuai ḏetɩdo gi gwune aŋan aŋɩnu yuŋa wei wini jenam.