Популарни библијски стихови из Matta 6

Share

Abi kwerkwereny bupul gidhileo ga Kalo, a dhuŋun dhuŋun dhina dhiŋir; a ŋidi ibiŋa peth ŋajil badhaijo.

Athaji dugor mirejo dhuŋuna dhina dhaji dhila bigunu no; abi bigunu gwaji gwubiŋini ŋida gi dhugor dhuŋun. Lamun lidadho lina lijilai ŋidi ŋina ŋike.

A minoŋ, nyi gwa gwabiŋaijaje, ŋajaici, Athaji dugor mirejo ŋida ŋa dheny a ŋidi ŋa dheye no; a ŋidi ŋa dhil aŋinu yalo gena no. Midhe gwati gwibuthanu ŋidi ŋa dheny, a aŋinu ibuthanu gi ciraŋ ja dhigena?

Abi maŋari gwabiŋaijo Kaloŋa, udhi kiru, ŋaluthe gibura, ŋabiŋaijo Babuŋw gwuŋa nyim; a Babo gwuŋa gwaŋaŋa dabiŋaijo nyim a gwaji gwaŋadhedha mukaafa.

Mathanya abiŋaijo Kaloŋa nyare minoŋ, Babo gwuri gwina gwathije Sama, abrico jiriny juŋa al liji uminyi. Ŋabrico gidhileo guŋa ŋwila, a dhuŋun dhuŋa je kidhila, gwiro ŋinena ŋwunje Sama.

Athijidhedha ŋida ŋa dheny gigina.

Ŋa dhudhani ganu ŋidi ŋike ŋina ŋathanalapai; gwiro ŋinena athana dhudhani ganu ŋidi ŋike ŋina ŋathil liji liter apai daguri.

Athijabrico ana lugejini gi dugor ganu duri no, jibubire ŋidi ganu ŋina ŋike. Gidhila peth guŋa, a ŋoma peth ŋuŋa, a majdh, gwortal. Amiin.

Ada nyaŋa limathi dhudhani ganu ŋidi ŋike ŋina ŋathil liji liter apai dagalo, a Babo gwalo gwina gwathije Sama gwadhudhani ganu ŋidi ŋalo ŋina ŋike ko.

Aŋadhul nyireo nya kabo; nyati nyathikwoi no, a nyati nyathuni no, a nyati nyuthi nyiluŋu no, athilbi Babo gwalo gwina gwathije Sama dhedha ŋida ŋa dheny. Nyaŋa lati liŋiranu gwuleny gi nyira a?

Athaŋa auwadhinu ŋida ŋina ŋiŋiranu mina kidhila, ŋina ŋaji ŋal lodo digiriye i ŋarode, i ŋal luram aji ŋaluni i ŋalapai ŋwuramai no. Ŋa bauwadhini ŋida ŋuŋa Sama, kalo gina gati gan lodo digiriye i ŋarode, i ŋati ŋuthi ŋoma ŋan luram uni alapai ŋwuramai no. A kalo gina gathaŋanauwa ŋida ŋuŋa, a dhugor dhuŋa dhathin je ko.

Kwiji gwetipo gwati gwuthi ŋoma gwupijo lelenya ram ŋiro no, gwaji gwuŋwirini gweta, a gwuŋwuminyi gwiter; i gwaji gwuŋwdima gweta, a gwuŋwirini gwiter. Nyaŋa lati luthi ŋoma laro jadham ja Kalo a ja gidhila no.

Ada Kalo gimathigeta karo momaŋ minoŋ, gina gathije kedho lamun letipo, athibi liji geta kiga bigunu, gati gwoinyadhanu dajidhedha ciraŋa na? nyaŋa lina lati luthi imaan gwoinyadho no.

Abi mathaŋa dhedha lijo ŋida ŋalo lina lati luthi ŋida no, athaŋa abrico dhoi dhuŋa dhina dhiro dhour dhaliŋa dhuŋuna dhina dhapo dhiŋir no. A dhedha gwalo ro nyim; a Babo gwalo gwina gwathaŋa dhuŋuna dhina dhigilibo gwaji gwaŋadhedha mukaafa titir.

Ethadhinul galo athathanya apo ŋiro ŋalo ŋina ŋiŋir gi je ganu ja liji, dil laŋa no; i nyaŋa lati laji labuje mukaafa gwalo di Babo gwalo gwina gwathije Sama no.

A ada nyaŋa limathije jamu, athathanya jo gi je ganu kwudiny, gwiro ŋinena liji lina luthi dhuŋuna ganu ram no; lathije gi je ganu kwudiny minoŋ al liji liŋa darnu lo jamu. Titiganu nyi gwa gwacaijinu, Limapai mukaafa gwegen. A ada ŋa gwimathije jamu, athaŋa bulani ŋela gi lira ganu, ŋuni gi je ganu. A kwiji gweda gwati gwaŋaŋa darnu ŋa gwo jamu no, abi Babo gwalo gwina gwathije girimu; a Babo gwalo gwina gwathijaŋa nyim, gwaji gwaŋa dhedha mukaafa.