Popularni biblijski stihovi iz मति 12

Podijeli

का नेलाइहेङ दोअ्खा, माजेङका काथा दोअ्का काथा न्यायको दिनाता वाको पाहि-पाहिपा हिसाब पिलि गोयावा। इम्बालाइको दोअ्का काथाहोइ परमेस्वर दोङ इम्बालाइहेङ न्यायको दिनाता दुसिका याते मादुसिका थोहराइयावा।

ओइ बिस हिका पुय्याँको सान्तानगेलाइ भाइका, नेलाइ मारेम्का जेङतेङ बुङ हेसा रेम्का काथा दोअ्लि दोअ्स्वाना? जेदोङ मनता हि, ओदोङ द्‍याङगेलाइ दोअ्खे।

कालाउ आसल द्‍याङ, ताइको मनता हिका आसल काथा भाकारसो आसल काथा दोङ ओल्लेपाखे। खाराब द्‍याङ खाराब दोङ काथा भाकारसो ओल्लेपाखे।

ओदोङ भाअ्सिङ का नेलाइहेङ दोअ्खा, द्‍याङगेलाइको पाका पाप हिसिकालाउ बुङ स्यामा जेनाङ कालाउ परमेस्वरहेङ मारेम्का दोअ्कालाइहेङ बुङ स्यामा जेनाङ, कालाउ पबित्तरो आत्माको बिरोधता मन्दा माताकालाइहेङ मिधुलाउ बुङ परमेस्वर स्यामा माप्याङ।

ओदोङ भाअ्सिङ जेसापा सप्रेका सिङ हिनु वा सप्रेका सेका फल पिखे। कालाउ जेसापा सिङदोङ सप्रेका मान्थुनु सेका बुङ मासप्रेखे। हाइपालिपानु सिङहेङ वाको सेकासो नाल्खे।