Popularni biblijski stihovi iz Lukas 5

Podijeli

Dai gokiïrï aidïxi ka kugaitu Suxi aatagidï sai potïtïdai ïgai go Ximuñi, —Xibi gia imitudañi gï soiga barko maigobioma xako kïïga tukabaga go sudagi dai ami abïr surhiga gïn rerediga dai bubaida batopa— itïtïdai.

Daidi Ximuñi potïtïdai aidï, —Aapi tïanïdami, ka ïmo tukagi gïr aaga aatïmï dai mai bubaitu tomarhi ïmoko. Dïï gia ix aapi pokaiti di, bïïxkïrï gï ïïgiadamu aatïmï— itïtïdai. Dai podui ïgai. Sudaïrï surhi ïgai gïn rerediga ïpamu ix dukai aagidi Suxi dai xibi gia mui bui ïgai. Redigadï mai ñako mos ïï mui bubaidakai batopa dai ka sasakimi.

Dïï mos go Suxi dudatai ïkobai busakïiña xakoga ïgiga oidigi dai ami aatagaiña ïgai Ogadï ïmadï.

Dai aanï ïpïan dukai aatabuayi ïmo duduadadami. Mai bapaidiña aanï odami ix makïdï mai soimaaxi ibuadami gïn ïrhidi dai bhaiyoma dibia aanï bapaida iñagaitai ix makïdï kïï maatï sai ïr soimaaxi ibuadami. Bapaidimi aanï sai ïma dukai gïn tïgitokana ïgai tudu— itïtïdai.

Daidi go Ximuñi Piduru ïmadï bïïxkatai ix makïdï ïmadï darakatadai duduadimu. Mai tïtïgaitadai ïgai ixtumaxi gïn tïtïgitoagi nïiditai xïï kïï mui bui ïgai batopa. Dai go Ximuñi totonakïdï kïkiba buidïrï Suxi daidi potïtïdai, —Gin Tïanïdamiga, gin oigïdañi dïï maiti gï agai xi tami gin ïmadï dakagi aapi. Imimudai aapi bhaiyoma tabhaidïrï. Arhiïxi ïr soimaaxi ibuadami aanï di— itïtïdai.

Daidi Suxi ïgai dai aa noraidi ñokidï daidi potïtïdai, —Daiñi, odami ix makïdï mai kokokoñikagi mai aagai duduadadami. ¿Tumaxiïrï soiñana ïmo duduadadami tudu mai kokokatai ïgai? Dïï gia ix makïdï kokokoñikagi ïgai gia aagai soiñi.

Dai ïgai ïmadï go Ximuñi mos bubaitu sosoigadï barko sudagi ugidïrï ukami dai amaxi dagito sosoigadï dai aidï abhiadïrï oidatukïiña ïgai go Suxi.

Daidi ïmo imidagai ïmo arhi kiikiana dakatadai Suxi dai ami dakatadai ïmo kïïrhi ix makïdï kabami oidi lepra bïïxi tukugadïana. Dai tïïgakai ïgai go Suxi sai totonakïdï kïkiba buidïrï dai kuiki asta dïbïrapi ukami arasa ïgai kobadï. Dai daañimi ïgai Suxi sai duadana dai potïtïdai, —Gin Tïanïdmiga, kïïga ixtutuidi aapi xi gin duadiagi pïx ipïrhiadagi— itïtïdai. Dai Suxi taata nobikïdï daidi potïtïdai, —Ipïrhidiana. Duadikami bii— itïtïdai. Dai mos potïi go Suxi bai maigo jii go kokodagai.

Dïï tomaxi Suxi aagidi go kïïrhi sai mai aagaiña ixtumaxi dui bïïxkïrï aagaiña ïgai. Dai go odami bïïx tasai bamioma aagaiña go Suxi aipakoga. Dai sïïrhikïdï mui odami gïn ïmpaidiña aidï xako dakagi ïgai kaïka ïrhiditai aatagidï dai ipïrhiditai ïpï sai duduadana ix makïdï kokoadïkagi.