Popularni biblijski stihovi iz Lucas 6

Podijeli

Heneklewachaxya psoko wane hix-koxa henekachatko wane pso. Waneya wan-hixatshinephi tsru potuko yoptotatshinephi, tsru potuko. Hakot-haniklexyawak-pso henekko. Klu tshinanu yahotapi hixa hyahotapre, walako hyahoxika.

Waneko pixka rixa yineru. Yineru kihleru raj-koxa rimrexyalu kihleru, kihlekakalu kochpakjexikowakaya. Yineru hektutu hichinikanretatshri, rimretawakle hektutu, hektutkaka wane hkochpakjexya. Namtshi yanumaxyalu hix-potu raji hajeru.

Seyni hichinikanna hmukchikhihlenutjene. Kihleru hkamhinna, henekan-koxna wanna mwenutaklene. Waneya peneklewaxya hapnutpatka tsru potpako. Tsru Potuko Tenhohne hajeru whenenephi. Klu tshinanu kchinikanurni Hoyakalu poyahnu mtshinaklene tshinanu hiyrun-koxa hektutu kamhatshine tshinanu.

Kchinikanurunephi, Hirtshi Hoyakalu pixka kchinikanurni hixa tshinanu.

— Hi hjihyehirewatanu waneya Hoyakalu koxa hi hikolukanuwnakakanhi hixa. Hi hikolukanuwjixanru satu waneya hix-koxa hi hikolukanuwnakakko. Hi hichinikanru rektunna waneya hix-koxa hi hichinikanret-hektunutko.

— Seyni wla ntshinhi hixa njemjenhi: Hi hahnanutanru hahnanutjeru. Kihlewaka hkamhinna hahnanutjene. Kihlewaka hanjiyehitanna hipuktshi hanjiyehitjene. Hiyrun-koxa hanjihohneyehitanna hyotnetjene.

Hanukta paluk-hixletko yine tshinanuya, waneko pixka pixanna wanna.

Satu yineru himpakhojixinipyi, pa sreta hoji koxa pumpakjixachatanu. Capa pkonjeru pimkal-koxa hi ptshipexinri. Peneklewatanu klunerukta panjitka, katuktako hanjixinri. Hiyrun-koxa pimwaleru konkoklunu hi psatkakjixanru.

— Hahmuna kihleru hi hektu sahiplu. Hiyrun-koxa hahmuna hektutu hi kihle sahiplu.

Klu tshinanu ptowru hixatshri hahmuna pejnu rimathetka hisahi tshinanu, ho kihle sahruhe ho hektutra. Klu tshinanu hi kawchipiri chehi hjijrujiko figo sahi. Hiyrun-koxa hi kawchipiri chehi hjijrujiko uva-ji.