Popularni biblijski stihovi iz Luka 7

Podijeli

Achaleka nkukunena nkuti, muno alukundo lwakwe luno wachita achima­nyilo chakulanjizya kuno uluwembu lwakwe lonsi uluvule lwatetelwa. Achaleka wensi wino watetelwa katichi, awino akulanga ali nukulundo lutichi. Ngapano Yesu asimpuka anena umwanachi ati, Uluwembu lwako lwa­tetelwa.

Ukuwa Yesu weni anena umwana­chi ati, Isuwilo lyako lyakutula; pita umutende. A wanachi wano wasuchilizile Yesu

aya ayimilila mupipipipi nu Yesu lwakumanama yakwe, awalila anyesya amanama yakwe Yesu naminsonzi ya­kwe. Ngapano awachumula amanama yakwe Yesu ninyele zyakwe, afyompa amanama, ayapaka namafuta yifungo nunchile.

swinya nanti anenenye ntazipila ukukolela pa­nkolelo pakwe wewe. Ukuwa vwanga izwi tupu umulumendo wane apole. Amuno naninye nemuntu wino nala­sikwa pawukankala wakwe wasongo, swinya indi nivita. Nkula nanena wu­mwi nati, Pita! apita; ndi nanena winji nati, Zanga! ayiza; ndi nanena umuzya wane nati chita choo! achita. Yesu ala wivwa wowonye azunguka; apepetuka anena iwumba lino lyamu­konsile ati, Nsitela ndole isuwilo kulu ndi-lyoo, nanti amwe Israeli-nye!

Pampindinye yoyo Yesu apozya awantu wavule kundwala zyawo, nama­tenda, nimizimu miwipe, aleka nintonko azipochelela icheni aziwalola. Atole­lela wano Yohani watumile ati, Nyokani muye mukalandile Yohani vino mwalola navino mwayivwila; mukati, Intonko zikulola, awalemale wakupita, awamambombombo wakutelefwa, wakutwi wakwivwa, awafwe wakuzyulupulwa, nilandwe zima likuwililwa kuwasaluke.