Popularni biblijski stihovi iz ཡོ་ཧ་ནཱན་ལེའུ་ 3

Podijeli

ག་ཅི་སྨོ་ཟེར་བ་ཅིན་ དཀོན་མཆོག་གིས་ག་ཅི་དེས་ཅིག་བྱམས་པ་མཛད་དེ་ ཁོ་རང་གི་སྲས་གཅིགཔ་དེ་ འཛམ་བུ་གླིང་གི་མི་ཚུ་གི་དོན་ལུ་གནང་ནུག་ འདི་འབདཝ་ལས་ སྲས་ལུ་དད་པ་བསྐྱེད་མི་གཅིག་ཡང་ མེདཔ་མ་ཐལ་བར་ ཁོང་ག་ར་གིས་ཚེ་མཐའ་མེདཔ་ཐོབ་ནི་ཨིན།

ག་ཅི་སྨོ་ཟེར་བ་ཅིན་ དཀོན་མཆོག་གིས་ཁོ་རའི་སྲས་ལུ་ འཛམ་བུ་གླིང་ནང་གཏང་གནང་བའི་རྒྱུ་མཚན་དེ་ འཛམ་བུ་གླིང་གི་མི་ཚུ་ལུ་ཁྲིམས་བཀལ་བའི་དོན་ལུ་མེན་ དེ་འབདཝ་ད་ སྲས་ཀྱི་ཐོག་ལས་སྦེ་ ཁོང་ལུ་སྐྱབས་མཛད་པའི་དོན་ལུ་ཨིན།

ཡེ་ཤུ་གིས་ཁོ་ལུ་ ང་གིས་ཁྱོད་ལུ་དོན་ལས་རང་སླབ་དོ་ ག་ར་འབད་རུང་ལོག་སྟེ་གསརཔ་སྦེ་མ་སྐྱེས་མི་འདི་གིས་ དཀོན་མཆོག་གི་རྒྱལ་སྲིད་མཐོང་མི་ཚུགས་ཟེར་གསུངསམ་ད།

ཁོ་ལུ་དད་པ་བསྐྱེད་མི་ ག་ར་འབད་རུང་འདི་ལུ་ཁྲིམས་མི་བཀལ་ དེ་འབདཝ་ད་ ཁོ་ལུ་དད་པ་མ་བསྐྱེད་མི་དེ་ལུ་ ཧེ་མ་ལས་རང་ཁྲིམས་བཀལ་ཚརཝ་ཨིན་ ག་ཅི་སྨོ་ཟེར་བ་ཅིན་ དེ་གིས་དཀོན་མཆོག་གི་སྲས་གཅིགཔ་གི་མཚན་ལུ་དད་པ་མི་བསྐྱེད་པས།

ཁྲིམས་བཀལ་དགོ་པའི་དོན་དག་འདི་ཨ་ནི་ཨིན་ འོད་ཟེར་འདི་འཛམ་བུ་གླིང་ནང་བྱོན་ཏེ་ཡོད་རུང་ མི་ཚུ་གི་བྱ་བ་སྤྱོད་ལམ་ངན་པ་འབད་ནི་འདི་གིས་ འོད་ཟེར་ལས་ལྷགཔ་སྦེ་ གནག་དུང་ལུ་དགའཝ་ཨིན་མས།

ཁོ་ཨིན་ཅི་མིན་ཅི་གོང་ནས་གོང་དུ་འཕེལ་སྦེ་བྱོན་དགོ་ ང་འདི་ཨིན་ཅི་མིན་ཅི་མར་ཆུང་ཀུ་འགྱོ་དགོ་ཟེར་སླབ་ནུག

ག་ཅི་སྨོ་ཟེར་བ་ཅིན་ ལཱ་ངན་པ་འབད་མི་ག་ར་གིས་འོད་ཟེར་ལུ་ མི་དགའ་ འདི་མ་ཚད་ ཁོང་གིས་འབད་མི་ལཱ་ངན་པ་དེ་ཚུ་ ཕྱི་ཁར་འཐོན་འོང་མནོ་སྟེ་ ཁོང་འོད་ཟེར་གྱི་སྦོ་ལོགས་ཡང་མི་འོང་།

ག་ར་འབད་རུང་ དཀོན་མཆོག་གི་སྲས་ལུ་དད་པ་བསྐྱེད་པ་ཅིན་ འདི་གིས་ཚེ་མཐའ་མེདཔ་ཐོབ་ནི་ཨིན་ དེ་འབདཝ་ད་ སྲས་ལུ་ཆ་མ་བཞག་མི་ཚུ་གིས་ ཚེ་མཐའ་མེདཔ་མི་ཐོབ་ནི་ཨིནམ་མ་ཚད་ དཀོན་མཆོག་གི་ཐུགས་ཁྲོ་བོ་འདི་ ཁོང་གི་གུ་ལུ་ཕོག་སྟེ་སྡོད་འོང་།།

རི་སྟོང་ནང་ མོ་སཱེས་ཀྱི་སྦུལ་ཡར་ལྷོང་དོཝ་བཟུམ་སྦེ་ མི་གི་བུ་ཁོ་ཡང་ཡར་ལྷོང་དགོཔ་ཨིན།

ཡབ་ཀྱིས་སྲས་ལུ་བྱམས་པ་མཛདཔ་ཨིན་ དེ་འབདཝ་ལས་དབང་ཚད་ག་ར་ཁོ་གི་ཕྱག་ལུ་གནང་ཡོད།