Popularni biblijski stihovi iz Zã 21

Podijeli

Bɛ na wa dɩ baar'a, a Yeezu yel'ɩ a Sɩmʋ̃ Pɩɛr: «Sɩmʋ̃, Zã bidɛb i, fʋ nɔnɛ mɛ̃ na zuo a bɛ ŋa bɩɩ?» Ʋ sɔw: «Ʋ̃ʋ, Sore e, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ péli.» A Yeezu tɩ lɛb'a sowr'ʋ a gb'a ayi sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Ʋ sɔw: «Ʋ̃ʋ, Sore, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Ɩ a ɩ̃ pi-cɩ̃ɩnɛ.» Ʋ tɩ lɛb'a yel a gb'a ata sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Pʋ-sãwna tɩ tɛr'ɩ a Pɩɛr, a Yeezu na tɩ sowr'ʋ a gb'a ata sob ƴãw: «Fʋ nɔnɛ mɛ̃ na a?» Ʋʋ tɩ sɔw na: «Sore e, fʋ bãw nɩ bom za, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ píir.

Yel-mɩŋa sɩza sɩza n'a ɩ̃ yere kʋ̀rɛ fʋ: fʋ na tɩ ɩ pɔlbile a lɛn daar a, fʋ mɩ́ tɩ sɛ n a fʋ kpàwr fʋ tʋɔra cere nɩ be fʋ na bɔbr a. Fʋ̃ʋ wa kor a, fʋ na mɩ́ zɛw nɩ a kpãkpamɛ ɛ́ nɩ-yũo sɛ b a kpàwr, ɛ́ tɛr fʋ cere nɩ ʋlɩ zie nɛ fʋ na bɛ bɔbr a.»

Ʋ yel bɛ: «Nyɩ lɔb a mɩ̃ɛ a gbor dʋrʋ lowr, ɛ́ nyɩ na páw na.» Lɛ n'a bɛ tɩ lɔb a mɩ̃ɛ, ɛ́ bɛ lɛb tʋɔr ʋ tawr yire nɩ ɛ: ʋ tɩ paal'ɩ a zʋ́mɛ́ zuo.

A Sɩmʋ̃ Pɩɛr tɩ yel'ɩ a bɛ zie: «Mãa cere nɩ zʋ́mɛ́ nyɔwfʋ.» Bɛ yel ʋ: «Tɩ mɩ̀ na páw fʋ na cen.» Bɛ tɩ yi na kpɛ a gbor. Ɛcɛ a ʋlɩ tɩ̃ɩsɔw nɛ bɛ bɛ tɩ nyɔw bom za ɩ.