Popularni biblijski stihovi iz Yohane 14

Podijeli

Ni unambwe namurea, ni unambwe lwakwa nankuniinga. Na miniingie yakwa ikee sha miniingie ya isanga ndi. Manya ngoo tanu titataṛaake ana mutawarwa wweṛei!

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Yesu kaia vanalosho vamwi: Manya mutavaṛikwa ni irima! Kusuraniń na Iṛuva, nań mushikusure!

Kake ito Mwelekia, akee Mumuyo Nsongori, Nde anrumaa na irina lyakwa ye amuloshaa kyoose na imukumburusa kyoose nndemuia.

Nndu awara mavavaso akwa na yaindia ito yye nndu ashikundie. Na nndu ashikundie niń, ito akundwaa vVaava wakwa. Na akwaa nniń ninkundaa na inkworusa na bata.

Nań nterevaa Nde nae amuniingaa ntirishi ungi, amu akaa andu emwi neeni kyeeri kilungani. Nto Mumuyo ulya arie mboni ta dede, ulya isanga litamakii iwwaria, fulya litallolie ana litamwishi. Ini mwammanya, fulya akaa kwanu, nae eefo mirimiń yanu.

Na kindo kyoose mukiterevaa mukuvavie nań nkitanaa, amu Nde aṅiniswa andu emwi na Mwana. Na kwakooya mwatereva kindo mwikuvavaa nań nkitanaa.

Kwakooya mushikundie, mwindie mavavaso akwa.

Numbeń ya Vaava wakwa fiifo firembo fiingi fa ikaa. Kifo kitaare kikai kuri, niimuiaa: Neenda nndemusongosia firembo.

Na alli nkee yenda nndemusongosia firembo da. Kake nuuyaa lingi nshemukurika kwakwa, mundekaa alya niń nkai.

Llyo Toma amwia: Nndumi, tiishi alya kukee yenda ndi. Na shia timanyamanyaa are?