Popularni biblijski stihovi iz Johana 15

Podijeli

Unene nde kabiki ka vutoṅoni, uńeńe ńe fipagwa. Neke lino je akwikala umwangu neke najune ndikalage umwakwe, ujo je alaveleka imeke indzolofu, pakuva ngana musivedza nanene, apo fyonda fikuvalema.

Uńeńe mwikalage mu mwangu, apo najune ndilikala umweńo juńe. Ndevye ka kilemwa akapagwa ukuveleka ka kene, ngana kasipagilwe pavutoṅoni uvuṅinavo, najuńe ve mulivo, mwilemwa ukuveleka, ngana musivedza umwangu.

Najuńe ngana mwivedza mu mwangu june na ga madzwi gangu nago gavedzage mu mweńu juńe, apo fyonda fye mukelye mulańilika hela, apo swe fyonda filavadzila.

Si je ńeńe je mūńălile unene, hamu, udivahălile june neke ndivahălye ulwa kuta mukahelelage neke mukavelekage imeke neke imeke dzeńo dzikalage.

Asupali umunu umuńa-vwênde, uvulutye kuvwênde vwa munu, je akuvalekela uvûmi vwakwe avajagwe.

Neke tonda utupagwa utwa mwangu, utusiveleka imeke, uto alatupagula; neke utwene tonda, utwiveleka imeke, uto alapatilila, ukuta tongele-dzage vunofu pakuveleka.

Neke ulwene ululagi lwangu, lwe ndikuvalagila, lwe ulu nditigila: mwijendage, ndevye najune ndivendile uńeńe.

Mwe mwene mwe idzukila muńa-ndolo udâda, ngana mwiveleka imeke indzolofu, ngana mwiha-mbuka vańigendwa vangu.

Unene nde kabiki ka vutoṅoni vwa ndakyene. Neke udâda je muńa-kuvulimilila.

Ngana umunu jumwi asivedza umwangu june, apo alatagwa pivala ngita kipagwa, aluma hela, neke apo valamuhola, valamu-sopa kumôto, alapya hela.

Idzi ndivalongye ukuta ulukelo lwangu luvedzage umweńo, ukuta lupedzage ulukelo lweńo.

Ngana mukudzigendela indagi dzangu, apo ve mugenda muvwênde vwangu, ndevye najune ndikudzigendela indagi dza dâda, ndikalile muvwênde vwakwe.

Neke lino idzi ndivala-gilye ukuta mwendanage.

Muka muvedzage va mu-ńi muno, apo ngali ińi jifyendile ifyakwe; jivwene musili va mu-ńi iji, jivwene ndivahălile june ku-ńi, kye jilesile jivasulage ińi.