Popularni biblijski stihovi iz HLIMI 39

Podijeli

Bajegɔ Nyɛʔɛlɛ li dá bo wí ni. Yrɛbɛ à pi na noʔo wi kyɛʔɛ na. Wi dáa gori wa wi kafɔlɔ Ejipite klo woo naŋa wi go kiì ni.

Wi kyɛʔɛ yrɛbɛ pì bɛfu wi da pí kan Josɛfu wiì ma. Wi ìn dàá yraʔa kà hanri fɔ mà gâ laʔa wi hro limi na. Àʔa hin bo Josɛfu wi dá bo najɛkmaʔa ceŋge.

Kaso go lagwɔ wɔ̀ɔ wi tɛnŋɛ wi po kaso fɛɛ pè bɛfu pe lagwɔ. Bee pe dá bo wa kaso ni we, yraʔa kì bɛfu ga pe dáa hanri, à pe naʔa nyu wiì kan.

Josɛfu wi kafɔlɔ wi lama à mi gban wi na ceŋge. Wɔ̀ɔ wi wa wa kaso nî wa deʔe ga na klo fɔlɔ wi kasofɛɛ pe dáa gori tonmoo ge. Josɛfu wɔ̀ɔ ko wa kaso nî. Bajegɔ Nyɛʔɛlɛ li dá bo Josɛfu nì, à liʔi hanri, wɔ̀ɔ na kaso lagwɔ glanʔa ceŋge.

Ki kaʔa ke kruʔu ma, Josɛfu wi kafɔlɔ wi cɔ wɔ̀ɔ wi nyɛʔɛ kan wí na mòo wele mà yo: «Ta ban ma ba syɛn ná ni.» Wɔ̀ɔ kí ce màʔa yo wi kafɔlɔ wi cɔ ma mà yo: «Welé, domi pa mì gâ bo naʔa kɔ go ni ge, na kafɔlɔ woò na yraʔa kà hanri adi. Wí ma wi kyɛʔɛ yrɛbɛ pì bɛfu le na kyɛʔɛ ni. Hɛn wà wo naʔa ki go ga ni bì bo wi kpɔʔɔ mà toro domi na we. Woò na ceʔe ná ma yraʔa kà na fɔ mo nigbe, mɛjɛn má nyɛ wi cɔ. Paʔa bo mɛlɛ bí gban bí ki tipeʔe ga ki nyoʔo hanri bí kapeʔe hanri Nyɛʔɛlɛ na le?»

Wlɛʔɛ kà na wɔ̀ɔ bâ je wa go ni jango bì wi tunŋu kɔ ge. Go hɛɛn wà nigbe ìn dà bo wa. Cɛlɛ wɔ̀ɔ wí co dreʔe na mòo po: «Ma syɛ̀n ná ni!» Josɛfu wɔ̀ɔ dreʔe fara màʔa yaʔa wa cɛlɛ wi kyɛʔɛ ni mà fɛ mà nyini dala na.