Popularni biblijski stihovi iz Juão 12

Podijeli

Awa upuraki ixe arama urikute usu serakakuera uiku arama kuri haikuwaa upe kua upurakiwaa ixe arama, asui sepaya urespetari kuri ae.

Awa ugustari sikuesawa ukanyemu kuri isui sikuesawa, maa awa tiugustari sikuesawa kua mundu upe uwasemu kuri sikuesawa mundu tiwa upawa kiti.

Supiwa hambeu penye arama: —Tirame umanu kua awati karusu uwariwaa iwi upe uiku yepenyu, maa umanu rame uriku kuri siyapiri iya.

Hayuiri kua mundu kiti maye kua turi yawe tiarama aintauiku pitunawasuwaa upe panye kuaita uxariwaita aintapia serese.

Awa usendu kua senyenga tirame uruyari ae tikuri hambeu puxi sese, nyãse tihayuiri hambeu arama puxi aintarese kuaita mundu puraita, maa hayuiri hamukaturu arama ainta.

Asui Maria upisika meiu litru sakuenawaa serawaa nardu sipiwasuwaa ae, asui uyusena ae Jesus ipi rese, asui umutikanga ipi iawa irumu, asui aintaupuderi aintausetuna kua sakuenawaa panye uka upe.

Asui aintaumunuka kaa asui aintausu suaxara, asui aintausasemu kirimbawa aintaunyee: —Uzana, purangawaa kua uriwaa yaneruixawa rera rese, kua Israelitaita ruixawa.

Asui Jesus usuaxara ainta, unyee: —Usikana sangawa aintaumee arama ixupe arama purangawaa turusu kua unaseriwaa umaa kua mundu.