Популарни библијски стихови из Bambata Pai 6

Share

Yekova ki birí tiko wa ko afu aboro ku auru kpotosende, ngbaduko ki niimi aima.

Yekova ki bi he ya ga aboro gbegberẽpai adu ni bakere he gbe auru kpotosende, na gu biapai dunduko nga ga berã du kpotoyo yo, si adu ni kina gbigbita ha kindi.

Ono Noa abi undahe be Yekova.

Agi yo re nangia angbatunga Noa. Noa adu ni ruru boro, ki du ziazia dagba arika ngbatungako; Noa anata na Mbori.

Yekova ki ya, “Mi abá tungayo auru kpotosende, nga agu aboro mi afu yo, aboro na anya dunduko na agu agbiro nagbe tira sande na azire ari, bambiko mi birí tire wa mi afu yo.”

Si ki ta du wa gere, ho aboro atona ka nge ni auru kpotosende, ki batika adegude, awiri Mbori abi agu awiri aboro nangia ade ya i angbaki angbaka bangirise; i ki rogo ade dagba yo dunduko wa i akpi nyemu he. Yekova ki ya, “Torore asó nga vura na aboro kindi te, bambiko kina borose nga yo a, ono garãyo nikadu nga 120.” Ti gu rago re diangbadiangba aboro adu auru kpotosende, fuo gure a, ho awiri Mbori ara ni na agu awiri aboro nga ade, i ki batika agude fu yo. I ki du ni agu airanyaka nangia abaworimo mbata.

Were Noa ki mangi wo; wa Mbori arugu ko na ni, kina wo ko amangi he dũ.

Mbori ki ya fu Noa, “Digida rago da bangire tipa unga ahe dunduko; bambiko kpotosende hi be zuu mbiko yo; mo ngére, mi abá tungayo na kpotosende a.

Mo mángi kurungba rogo gu ngua nga gofera, mo ki kparaka vuru kurungba yo ni abambu, mo ki dika vuruhe yo na kpotoho ni baro.

Mbori ki bi kpotosende, mo ngere, si agberẽ agberã; bambiko aboro dunduko aima gbarasa gayo apai auru kpotosende.

Mo ki rogodi ngbatunga unga ahe dunduko fuo ro ni ba ue ngba rikaha ku kurungba yo, ya si nye ni ungaha na mo kindi. Ami ki du nga abara na anara.