Popularni biblijski stihovi iz LITANGA 4

Podijeli

Niiva wakakoli vulahi, ngano ndakakuvugiliriyi, navuzwa kigira umali kokora vudamanu, ugwiyi mu vwoni. Uvwoni vulakwamiiha, navuzwa ivi kuduuka uvuguuti.”

Sezu yivula mwana muyaayi na yamugulika lieta lilie Enosi. Kutura ing'inga yene yeyo, avandu vatanga lisigamira lieta litakatifu lia Yahova.

Maku Yahova yateva Kaini, “Amwavo woovo Habili aveeye hayi?” Naye yativura, “Inzi si manyi mba. Inzi mbeeye mulindi wa mwavo wange?”

Maku Yahova yateva, “Kigira ki umali kokora kindu kidamanu yiki? Amasahi ga amwavo woovo gwaniraa ku inzi kutura kumalova kuli mwoyo gulangiliraa kutunga kisaalia.

Navuzwa Yahova yavolera Kaini, “Si gaveeye ndio mba. Niiva mundu woosi alakwita, ndavanza kisaalia kuye haali saba.” Kunangwa Yahova yavika kimanyiru ku Kaini kwiganihiza mundu woosi umunyoola avuli kumwita.