Popularni biblijski stihovi iz LUKAS 9

Podijeli

Lapas aitu, i Yesus notatae hi mian iwi-iwi' anu daagi' i kiijo', “Mian anu mongka'oho' mombatuki Aku, tionyo mongkolilimi anu nu posi palalui, monsimbu salib sansina-sinaa, ka' saja' mombatuki Aku.

Kalana mian anu monggagan mompintoongi kantumuu'annyo, tionyo molapus na kantumuu'annyo. Panyo mian anu mombee' kantumuu'an bau kapalaluan-Ku, aijo' na momposalamat ia.

I Yesus notatae hi mian aijo', “Mian anu montampu'unimo mompajeko, lantas mosiloi i hiku, madi' pantas timbali mian anu palesayamo hi Tumpu.”

Apaa na ka'untungannyo hi toto samian, de songko-songko na dunia aiya ia na tumpunyo, panyo ia mongidei ka' molapus na kantumuu'annyo?

De mian ma'ambang mongakui Aku tiba pangajalan-Ku, Anak nu Mian suele ma'ambang na mongakui mian aijo', de Ia po'ule'mo toka tiba kuasa-Nyo, ka' tiba kuasa nu Tumpu hingga-hinggat kuasa nu to mala-malaikat anu susi'!

I Yesus nontaami, “Pojek ko liangnyo, ka' tomonsi' ko petaanyo, panyo Anak nu Mian madi' ko kamale'annyo.”

Lantas Ia notatae hi anu saja' mombatuki Ia, “Mian anu montalima anak aiya kalana Aku, alati'nyo ia montalimamo Aku. Ka' mian anu montalima Aku, montalimamo Ia anu nonsai mae Aku. Sabab mian anu talalo ise' i totonga' miu, iamo na anu talalo daka'!”