Popularni biblijski stihovi iz YOHANES 3

Podijeli

Allah asamot daytinak afaimome. Erarawa Are Andep takakope atetame. Emesare, Andep eemnak ambesemkorommas owe danais baemap apok aemtemas. Are jiinenak atoomemas.

Allah, Andep ara aemansa tapirmi ambirimemome ere, ‘Asamot owe jaos,’ emes atakam basakamtii apok. Ere Andep asamot owe bajortaer are.

Yesusam atakam era ipit akorome. “Atakamnak, owe bare jamnuk bajisames apok aemtas, are Allah aobaomep owe baemeemem asan apok.” Emes atakam aesime.

Allah Andep eemnak ambesemkorommas owe, ‘Tare owe jaos,’ emes atakam basakamtii apok aemum. Me, wan owe, Allah Andep bamesem apok. Erarawa Allah, ‘Era owe, owe jaos,’ emes atakam emesakamtiie.

Emesare, sare ara aemansa tapirmi emedae. Me, owe era aememas pak, ere jirsat pak taka. Erarawa are era jiiti pak jak akot aemomemas. Are era sare jak akot baemomem apok aememas. Erarawa Allah, ‘Era owe, owe jaos,’ emes atakam asakamtiie.

Emesare, Yesus, juas aptamnak ipit baememto. Derarawa, juas apok ipit baemem.” Yohanes emes atakam aesime.

Me pota pak aememas owe takes, era sare bifane afeomememas. Are era sarepu bamaromem apok aememas. Era pota aememas pak baso baem-ombar.

Me Andep eemnak ambesemkorommas owe, jiinenak atoomemas. Me, Andep atakam ji bae apok owe, era jiinenak batoomem apoknak aemmas. Allaham era owe jokoman aemomem.

Emesare, bonaknak ere, Musa, amber era tame apok asan wus oup ataetemeteme. Oweam Asamot Anakot Ajaoreme Ipit oup emes taka atemetetaetopomtemas.

Me Aritipit Andep afaimum. Are pak takes Andep ban ten baemomemkorom atetame.