Popularni biblijski stihovi iz Matius 7

Podijeli

Yesus bilang lei, “Minta jo pa Tuhan apa tu ngoni pe perlu, nanti Dia mo kase apa tu ngoni da minta. Cari jo pa Dia apa tu ngoni pe perlu, nanti ngoni mo dapa itu dari pa Dia. Batoki jo pa Dia pe pintu for baminta, nanti Dia mo buka akang tu pintu for kase apa tu ngoni da minta.

Soalnya tiap orang yang baminta pa Tuhan, dia mo trima apa tu dia da minta. Kong tiap orang yang cari apa tu de pe perlu pa Tuhan, dia mo dapa itu. Trus tiap orang yang batoki Tuhan pe pintu for baminta, Tuhan mo buka akang pintu kong kase tu dia da minta.

Yesus bilang lei, “Sapa yang da dengar apa tu Kita da se ajar ini kong ja beking, dia itu sama deng tu orang bijaksana yang da se badiri ruma di atas fondasi batu.

Jadi samua tu ngoni suka orang beking pa ngoni, ngoni musti beking bagitu lei pa orang laeng. Soalnya itu no tu de pe isi dari tu atoran-atoran yang ada di kitab Taurat deng tu nabi-nabi pe ajaran.”

Mar tu pintu for dapa tu hidop kekal itu sempit deng de pe jalang lei susa mo iko akang, cuma sadiki tu orang yang iko di situ.”

Yesus bilang lei, “Ngoni maso jo lewat tu pintu yang sempit. Soalnya tu pintu yang lebar mo pigi di tampa for binasa, de pe jalang lebar kong banya orang yang iko di situ.

Jadi biar ngoni pe hati jaha, ngoni tau bakase tu bae pa ngoni pe anak-anak. No apa lei tu ngoni pe Bapa di sorga, Dia pasti mo kase tu bae pa orang-orang yang baminta pa Dia.

Yesus bilang lei, “Ngoni jang hakimi orang laeng, supaya Tuhan lei nyanda hakimi pa ngoni. Soalnya tu cara yang ngoni da pake for hakimi orang, tu cara itu jo tu Tuhan mo pake for hakimi pa ngoni. Kong tu ukuran yang ngoni da pake for ukur pa orang laeng, tu ukuran itu lei tu Tuhan mo pake for se ukur pa ngoni.

Mar sapa tu da dengar apa tu Kita da se ajar ini kong nyanda ja beking, dia itu sama deng tu orang biongo yang da se badiri ruma di atas fondasi paser.

Ngoni pe capat ja tarukira tu orang laeng pe sala yang pe kacili, mar tu ngoni pe sala yang pe basar, ngoni se biar. Ngoni itu bole mo se sama deng tu orang yang da lia tu serbuk kayu pa de pe sudara pe mata, padahal tu balak yang ada pa dia pe mata, dia nyanda dapa lia. Bagimana lei ngoni bole babilang pa ngoni pe sudara bagini, ‘Mari jo kita se kaluar tu serbuk kayu pa ngana pe mata,’ padahal pa ngoni pe mata sandiri ada balak.

Yesus bilang lei, “Ngoni musti hati-hati pa tu nabi-nabi palsu yang datang pa ngoni! Dorang bilang kalu dorang itu nabi, tu orang-orang yang ja kase tau tu Tuhan Allah pe pesan pa orang-orang padahal bukang. Dorang itu pura-pura pangbae sama deng domba, mar sebenarnya dorang itu jaha sama deng tu srigala yang ganas. Ngoni bole mo dapa tau kalu dorang itu butul-butul nabi ato nabi palsu dari apa tu dorang da beking, sama deng dapa tau pohong dari de pe bua. Nyanda mungkin to tu rumpu baduri mo babua anggor ato mo babua ara.

Samua pohong yang bagus de pe bua lei bagus, mar pohong yang nyanda bagus de pe bua lei nyanda bagus.

Nyanda mungkin tu pohong yang bagus kong de pe bua nyanda bagus, ato nyanda mungkin tu pohong yang nyanda bagus kong de pe bua bagus.

Tu pohong yang babua nyanda bagus, mo dapa potong kong bakar.