Popularni biblijski stihovi iz Matta 24

Podijeli

Ɗimikur kwa yatə dzə ku pama nji, nacha gwa'atə nyida tsəu kwa ɗa shishi'u nya ta nji. Kəl ja, ndə nda tə səsə'uti tsa'a yatə udiya, cho uya mbəɗa.

Ya kəl nja bəzə Mafakə Mənakə nə təlkur huɗamələm ku dəhə dunəya ka ga nja ngati. Kəl udiya jwamər bəji kwa shili.

Hya kwa ngatə nja kwa pa ana nja kwa pə ɓwanyar pa, ngwa hya da ləvər wa. Tuku ngə sə'ingə kwa ɗa, kəl ja, batəbatər bəji da taa ɗa gwadagə wa.

Vanya hə'i kwa pa na vanya hə'i, ka təl ka təl tsəu kwa pa kərnənda, huɓa kwa tla, ana hə'i kwa dzədzə tə mbwa pampaməu. Kəl ja, dəhə sə'ingə wi tangərmar ɓwaɓwatər ɓəlakərya tanyi nga.

Huɗamələm na hə'i kwa zhazha, kəl ja, ɓwanya ɗa da kwa zhazhə pa'a wa.

Nji ɗang kwa nda shili ku tləm ɗa, nda kwa na ‘Naya nə Kəristi!’ Əngə nda kwa shandə nyi kər nə nji ɗanghəu.

“Ətsəu njo səya hi njo ɗa məndza'u nahi, ana njo tsəya hi. Ətsəu njo ngya hi mada amani ku dunəya, aka nahi njir nəu ɗa. Aku bəji nga, nji ɗang kwa sha tanda tsa jirikur, nda kwa tləɗa dza, nda kwa ngyar kərnənda. Njir mətakər gəzhi kwa nda shili ɗanghəu, nda kwa shandənyi kər nə nji ɗanghəu.

Ngə Yesu tə wum nə nda, “Gəla ma tsa madawa da shandə hi kər.

Aka əngə ja, nahi tsəu hya ɓatlətə kərnəhi, aka Zər Ndə kwa shili tə bəji nda pa'a kəra hya har ti.

“Aka əngə ja, hya ngya na ɓəla aka a da hya zəndə pəchi nda Tlakən hi kwa shili tə wa.

“A ndə da zəndə pəchi ndara sakanda sə'ingə kwa ɗa wa, mada chama Hyel i, ndara Zər, kəl nda Ada zhang tanyi.

Aka Kəristi nə gəzhi ana njir mətakər gəzhi kwa chabiyadza, nda kwa shili mər wawa'ar səshinshin ana sər muniya ka ga nda shandənyi kər nə nji, ma'a nji ɗəmɗəm nə Hyel, macha kwa nau nda.

Bəji nda Zər Ndə kwa ɓəla shili ti, kwa ɗa tang wi bəjir Nuhu. Aku bəji nda təvi mandza nda, nji kwa səma ana sa, shili ka mahi'i kwa hədza, tsa'a tə bəji nda Nuhu tə gwatanyi ku param nda Hyel tə nar nyi cha ɓatlətə nda, dəhə ka ənga, a da nda zəndə sənda kwa ɗa wa, kəl sakanda mandza tə shili ga kwafənda nda ɓyatəu. Tang wi ngə tsəu kwa ɗa atə bəjir shilir Zər Ndəu.