Popularni biblijski stihovi iz Matthai 5

Podijeli

Ahunghmuo myi-ing ama vuo tiyta beke khaakhung buo vayi. Cuorasala myivuona cunglie kha khang yite ingchung bangkhuo kha a khe diy. Cahaa cata nama khena ca cawsaa hmielie kha khe se; tahematapakieca hmangpha nama tuepa kha hmung'a yite vuoruo lie nama Paa ming kha ama pathuosa aa.

Niema ca chuelyi khena tana nama cuo. Tluocung lie tlapa khypuv ca khaapatahmuo pakhuo khu vyi.

A palung a pathepa tie ca thluechiypa tana ama cuo, tahematapakieca Khazing na ama hmung aa.

A dangna kha nangdiy tiyhriepa haata a khingpa ca thluechiypa tana ama cuo, tahematapakieca ama khingna kha patling sapa ama cuo aa.

Cuorasala kama taca hinghaahingta ica chang yi: Nama cariepa tie kha due ungla caa hrisaathieruepa tie cuo khata thlaa chuo tie ung

Thlaapa luota a siy a pasapa tie ca thluechiypa tana ama cuo, tahema-tapakieca vuoruo pena ca iema huopa tana a cuo.

Arena a tuepa tie ca thluechiypa tana ama cuo, tahematapakieca Khazing ta i saata a ta'a yi.

Ngiechi pacuorung pata a caapa tie ca thluechiypa tana ama cuo, tahematapakieca Khazing ta ama hnaa a panguo'a yi.

A dangnapa kawlieta hrisaa-thieruena a angpa ca thluechiypa tana ama cuo, tahematapakieca vuoruo pena ca iema huotana a cuo.

Nangduena a hnyipa tie ca thluechiypa tana ama cuo, tahema-tapakieca Khazing ta iema kha nang a due ra'a yi.

Kama kawlieta cawsaa ta ca pachie yite, ca hrisaathierue yite, a pha lipa a phangphang kha aa hmuo lipa ta aca thawsue kie yi ca thluechiypa tana nama cuo. Nama palung tluo sala nama thaa pha se, tahematapakieca vuoruo lieta nama lawmuo a lesa aa. Hinghaahingtana niema hluo taapa profet tie zaw kha za ese yite ama za hrisaa.

A nang a nepa tie ca thluechiypa tana ama cuo, tahematapakieca alyi ru na ama cu aa.

Niema ca chuelyi paciy tana nama cuo. Cuorasala paciy ca a iena kha a vie kieca tuokhaatama pa-ie sa pakhaa khu pata a cuo aa? Thlahnena a hnyi li tli nakawta thaw pata tlawpuo riypa dyina a cuo tli.

Vuoruo lie a awpa nama Paa a tling pahaata niema zaw a tlingpa cuo ra tie ung.

‘A cuo,’ ‘Cuovyi,’ tapa dyi kha ri tie ung, hingpa laa hingta a hlyipa bangkhuo ca a pha lipapaa'a taata a vawpa tana a cuo.

“Ming cuota ming, haa cuota haa, tapata ama ripa kha nama thyi. Cuorasala ica chang yi: phalina a tuepa kha thlu ri kha ung. Cuorasala cawsaa pakhakha ta na cacuo luo be aca tung kieca, kuo kha luo kha va chawpa vie tie.

Cacuonakaw na cacuo ming ta aca pasue sa kieca, cakhyi la thaw tie; na pangpa palang ta hell luo tlapa laa taca na pangpa chebuo suokhakha naa sungpa ca a pha vie. Na cacuo kuv ta aca pasue sa kieca, te la thaw tie. Na pangpa palang ta hell luo tlapa laa taca kuvphyi suokhakha a sungpa ca a pha vie.