Popularni biblijski stihovi iz JUAN 14

Podijeli

Thak sonqotan qoykichis, thak-kayniytan qoykichis, manan runakunaq qosqanta hinachu chaytaqa qoykichis. Ama sonqoykichispi musphaychischu, amataq manchapakuychispaschu.

Jesustaq payta nirqan: —Ñoqan kani ñanpas, cheqaq-kaypas, kawsay qoqpas. Pipas ñoqallantapunin Yayamanqa chayanqa.

Jesusmi nirqan: —Ama sonqoykichispi musphaychischu, Diosman hap'ipakuychis, ñoqamanpas hap'ipakullaychistaq.

ichaqa kallpachaq Santo Espiritutan Yaya kachamunqa sutiypi, paymi tukuy imaymanata yachachisunkichis, yuyarichisunkichistaqmi tukuy imaymanata qankunaman nisqaytapas.

Pipas kamachikuyniykunata yachaspa hunt'aqmi munakuwaqniyqa, munakuwaqniytaqa Yayaypas munakunqan, ñoqapas payta munakuspaymi payman reqsichikusaq, nispa.

Ñoqan Yayata rogakusaq, paymi huk kallpachaqta kachamusunkichis, qankunawan wiñaypaq kashananpaq. Chayqa Diospa cheqaq-kayninta rikuchiq Santo Espiritun, paytan kay pacha runakunaqa mana chaskiyta atinkuchu, payta mana rikuspa mana reqsisqankurayku. Qankunan ichaqa payta reqsinkichis, qankunawan kashasqanrayku, qankunapitaqmi kashanqa.

Imatapas sutiypi mañakuqtiykichisqa ruwasaqmi, ñoqa hawa Yaya hatunchasqa kananpaq. Imatapas sutiypi mañakuwaqtiykichisqa ñoqan ruwasaq, nispa.

Munakuwaspaykichisqa kamachikuyniykunata hunt'aychis.

Yayaypa wasinpiqa askha wasikunan kashan, mana chay hina kaqtinqa ñan niykichismanña karqan. Chhaynaqa risaqmi qankunapaq wasita wakichimuq.

Rispay wasita qankunapaq wakichimuspaymi kutimusaq, hinaspan pusakapusqaykichis, maypichus ñoqa kashani chayllapitaq qankunapas kashanaykichispaq.

Hinan Tomasqa Jesusta nirqan: —Señorníy, manan yachaykuchu maymanchus rishasqaykitaqa, ¿imaynatataq ñantari reqsiykuman? nispa.