Popularni biblijski stihovi iz యోహాను 21

Podijeli

జేఁవ్ అన్నిమ్ కెర కేడయ్‍లి పడ్తొ, సీమోను పేతురుక యేసు బుకారా, ఇదిల్ దూరి కడన, జోక ఇసి మెలన్. “ఓ సీమోను, యోహానుచొ పుత్తుసి, ఇన్నెచి కంట అంక తుయి ఒగ్గర్ ప్రేమ కెర్తసి గే?” మెన పుసిలన్. పుసిలె, పేతురు “ఒయ్యి, ప్రబు, ఆఁవ్ తుక ప్రేమ కెర్తిసి తుయి జాన్సి” మెలన్. యేసు జోక “దస్సి జలె, విలువ జల మెండ పిల్లల్‍క చెంగిల్ అన్నిమ్ గొవుడు దొర్కు కెర్తె తతి రితి తా!” మెన సంగిలన్. పడ్తొ అన్నెక్ సుట్టు, “ఓ సీమోను, యోహానుచొ పుత్తుసి, అంక ప్రేమ కెర్తసి గే?” మెన పుసిలన్. పుసిలె, పేతురు జోక అన్నె, “ఒయ్యి, ప్రబు, ఆఁవ్ తుక ప్రేమ కెర్తిసి తుయి జాన్సి” మెన సంగిలన్. యేసు జోక అన్నె, “దస్సి జలె, విలువ జల మెండల్‍క చెంగిల్ రకిత్ రితి తుయి దెకితె తా!” మెన సంగిలన్. తెదొడి అన్నెక్ సుట్టు కి, పేతురుక యేసు పుసిలన్. “ఓ సీమోను, యోహానుచొ పుత్తుసి, అంక ప్రేమ కెర్తసి గే?” మెన అన్నె పుసితికయ్, ‘అంక ప్రేమ కెర్తసి గె?’ మెన యేసు పుసిలిసి అప్పె తివ్వెర్ జలి రిసొ, పేతురు మెన్సు ఒగ్గర్ దుకుమ్ జలన్, చి “ప్రబు, తుయి ఎత్కి జాన్సి. ఆఁవ్ తుక ప్రేమ కెర్తిసి తుయి దెకితసి!” మెన అన్నె సంగిలన్, చి యేసు జోక “విలువ జల మెండల్‍క సరి జతి అన్నిమ్ దొర్కు కెర్లి రితి తుయి తా.

“తుక ఆఁవ్ అన్నె కిచ్చొ కచితుమ్ సంగితసి మెలె, తుయి ఉబెడొబోద తిలి పొది, తుకయ్ తూయి తెయార్ కెరన, ఇస్టుమ్ అయ్‍లి రితి బుల్తె తిలది, గని తుయి మంత్రొ జలె పొది కీసి జస్తె మెలె, తుచ అత్తొ చంపొ కెర్తె, చి వేర సుదొ తుక తెయార్ కెరెదె. చి తుయి ఇస్టుమ్ నెంజిలిస్‍తె తుక వయ నెయెదె” మెన పేతురుక యేసు సంగిలన్.

యేసు, జలె, జోవయింక కిచ్చొ సంగిలన్ మెలె, “దోనిచి ఉజెతొ పక్కయ్ వల గల, చి దొర్కు జవుల!” మెన కేక్ గలన్, చి జో సంగిల్ రితి జయ్యి పక్క వల గలిల. గలిలె, ఎత్తివాట్ మొస్స బెర తిలి రిసొ వల కడుక నెతిర్ల.

“ఆఁవ్ మొస్స దెరుక గెతసి” మెన సీమోను పేతురు సంగ బార్ జంక దెర్తికయ్, తిల సిస్సుల్ “ఆమ్ కి బెద జెమ్‍దె!” మెన సంగిల. జేఁవ్ ఎత్కిజిన్ బార్ జా, జోవయించి దోనితె వెగ, మొస్స దెరుక గెల. గని జయి రాతి ఎక్కి మొస్సొ కి దెర్తి నాయ్.