Popularni biblijski stihovi iz GÉNESIS 3

Podijeli

Warmisti uka quqan achupan manqt'añatakisa, yatiñanïñatakisa sumätap uñkatäna. Ukhamasti jupax mä achu apaqasin manq'antäna. Ukatsti chachaparurakiw churäna, jupasti manq'antarakïnwa.

Diosasti taqi laq'unak lurkatayna uka taypinxa, asirux taqi uka laq'unakat sipan wali sallqänwa, ukatsti warmirux akham sasaw jiskt'äna: —¿Ukhamasti Diosax sapxtamti: “Janiw kawkïri quqan achunakapsa manq'apxätati” sasa?

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Warmirusti sarakïnwa: —Wawachaskäta ukkhasti wali t'aqhisiñampiw ususïta. Ukampis chachamampix wawanïñ munaskakïtawa, jupasti jumaruw apnaqätam —sasa.

Sapüru manq'añamsti jump'imampiw jikxatäta, ukax jiwañamkamäniwa, laq'ata luratäkta uka laq'ar kuttañamkama, laq'ätawa, laq'arurakiw tukxäta —sasa.

Chacharusti sarakïnwa: —Warmimar ist'atam layku, ukhamarak “Janiw manq'ätati” sisksma uka quqan achupat manq'atamatxa, jichhax jucham laykuw uraqix ñanqhachatäni; taqi jakawimanxa, wali ch'am tukusaw manq'añam achuyasïta.

Ukat Diosax jiskt'äna: —¿Khitirak q'alalätaw sistamsti? ¿Janiw manq'ätati sisksma uka quqan achupatti manq'taxa? —sasa.

Edén chiqat chachampiru warmimpiru jaqunukusinsti, Diosax uka chiqat inti jalsu tuqirux querubines sat chhiqhaninak usküna, ukansti mä aqkir espada uchäna, ukaw taqi tuqit muytarakïna, ukhamat jan khitis jakañ quqar jak'achasiñapataki.

Chachasti warmiparux Eva sutimpiw uchäna, jupan taqi jakirinakan taykapätap layku.