Popularni biblijski stihovi iz Yuána 15

Podijeli

Yú he ˈgór, itín hí kolmo. Máá ye gaa yíéđuo-, yú gaa yíéđuoká, súmmo higissa. Itín hí ye gaa líítaka, it hé níínní hí uˈdaká mán.

Ye gaa yíéđía, yú hí gaa yíéđia. Kolmit hé tákámle ma higisiny, ˈgórle ki taalka, in higita. Itín hí ye ma ki ˈgiinyka, it ma higisiny.

Har hí ye gaa iđa-, ˈdeenychú hí gaa ijoka, hé hí feˈdeká heetíe, haí aargiˈda.

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Gielmit máálle sídhle sheelle ˈdú sillieká, hé gielmit níínní guđo-, hí a mé iđoká mán.

Mu kolm ye ki ˈgie-, saano hí ma gaa higisinyká ali hai gaa muura, kolm saano hí gaa higissoká íín in hollo hol ki nannaa, giri saano hí hát ˈdabaanká gaa higissoká.

Hemuritchú hééllá: Hát yú hí gielallá itín úba hol geelnedhíe.

Itin saano burnayká hí gáá higisso-, hí lalichú ká iđaka, hé kinaallá in ˈJaachú ˈdúúw shigia.

Aalé Yíésu kieye, Yú he ˈgór ˈdúwaká. ˈJaachú he máá ˈguor ootoloká.

Máá ye ma gaa iđinyká, he hát kolmit gaalí lay-, gogoyyeká. Kolm hatallóóllá hollo gaalí hol ˈdú shuguna, ˈjiet ha gaalí ki lalama, hai ˈdunnuma.

Yáá hí hééllá geey, giri geer gaa meenchú hí gaa yíéđianno-, geer gaa meenkícho ˈduuwayoká.

Hát yú hemuumurit ˈJaachú ki yaal-, mú gielmitle gaa ijóóllá, itín har hí hemuumuritchú ki taalka, gielmitchú haí gaa yíéđianna.

Hé yú hí kí mureká hééllá: Hol geelnedhíe, Yíésu hí gáál yie.

Itín hí lésallá gálle kátaka, les hát hí léká gálle onnônyka hé hí giel. Itín ˈdaa giri hí gál lesalloká muuniny-, yú hí waaˈde-, hí lésallá gíl sug ki haycheká in les gálle hí neb.