Popularni biblijski stihovi iz Jònə 17

Podijeli

Tsoʼò a ghobə ngɨ̀rə̀ pobə̂ pòŋə̀ ndàŋə̀ a ndzùmə̀ ànwùə̀ nɨ a pòŋə̀nə nzhyə̂ o; àshwəŋnə̀ o â pə nkǔŋə nkuŋə.

Nɨ̀chyə̂mbyə̂ nɨ à ghoŋə̀nə nɨ nkuŋə̀ à chyə̂ la lo pànə̀ zhyə̂ lo wə̀ la ndàʼà Nẅùə̀ nɨ à pənə nkǔŋə nkuŋə, nkɨ nzhyə̂ a Yěsû Kristù nɨ wə̀ tsàanə.

“Ka m̀mə nchàʼtə̀ mə̀ a Nẅùə̀ pə mbə̀ʼə pobə ndàʼà, ngwa nkɨ nchàʼtə̀ a Nẅùə̀ àtwuə̀ pyə̀ pa nɨ pɨ nùŋə̀nə ntɨŋmə̀ ɨ̀ghobə aŋunə mɨ̀ŋə̀ ndàŋə̀ a ndzùmə̀ àshwəŋnə̀ àzobə. Ngwə̀ ndoonə̀ ambo ghò Tǎ lo, wə̀ ghɨ̀rə̀ pobə̂ pə taʼà ŋwùə̀, tsaʼnə pùu kɨnə mbə taʼà ŋwùə̀. Ghɨ̀rə̀ lo pobə̂ pwuutə̀ mbə taʼà ŋwùə̀ pə̀ənə̀ pɨ pobə mbə̀ʼə pànə̀ pɨ àtwuə̀ ɨ̀shyə̂ pyiimə̀ lo à lə̀ twuumə̀ ghò ntwuumə̀ mə̀.

Ka m̀mə nchàʼtə̀ mə̀ a Nẅùə̀ la lo wə̀ fuukə̀ a ghobə amwuə àtwuə̀ ɨ̀shyə̂ ghə, ngwə̀ ǹchàʼtə̀ la lo wə̀ pyamnə̀ a ghobə mbə̀ʼə ŋònə̀ tɨ̀pòŋə̀ wa a ghɨ̀rə̀ ànwùə̀ aŋunə pobə.

Ndə̀ kɨ ŋŋâ àghuʼtə̀ za nɨ wə̀ lə̀ ŋânə ambo mɨ̀ŋə̀ la ambo pobə lo pobə̂ pə taʼà ŋwùə̀ tsaʼnə pùu kɨnə mbə taʼà ŋwùə̀ la. Ghɨ̀rə̀ lo pobə̂ pwuutə̀ pəə pɨ pobə tsaʼnə ndə̀ kɨnə mbwuutə̀ pùu mbə taʼà ŋwùə̀ mbə̀ʼə pànə̀ pɨ àtwuə̀ ɨ̀shyə̂ zəənə̀ lo à lə̀ twuumə̀ ghò ntwuumə̀ mə̀, ntyiʼə̀ nkòŋə̀ a ghobə tsaʼnə wə̀ kòŋə̀nə mə̀.