Популарни библијски стихови из Mat 5

Share

Lɛ ɔnɔnɔ ɔ́ʋisu kani xe izɛkɔ yɛ kpɛ kasɔʋi ese e. Boŋu i, bizɛkɔ yɛ ɛsu lifune kɔ ekle aki ɔnɔ kakaa ní kepea mɛ ɛ. Nite ke mlaki tɔ mlɔ kaniɛ okle ɔki banima, atɔ biamɔ mlɔ eboe gbã na, kɔ bɛkpɔ̀ mlɔ Ɔka yɛ ní lifunu ne e.

“Mlalɛ ŋwisi kani aki kelea mɛ. Ɔma gi bɛtsa ní lito aʋa ɛ, óʋikpo o.

Isami iku banama gi ba ina nɛ mɛ idra ɛ, lɛ ese linu si ba biaze ní Aya aŋu na mɛ ɛ!

Isami iku banama gi bɛpɛ si beze ní Aya yɛ kude gyɔgyɔ aʋa ɛ. lɛ ese linu si Aya aaki si biakè.

Pɔ̀ mɛɛsi mlɔ abla a si: mlalɔ mlɔ ahwafianɛ ma lɛ mlapɛ Aya ligbã aki banama gi bɛyɔ kedu ní mlɔ su i.

“Isami iku banama gi bɛmɔ e gyesi si Ɔfuɛfuɛ nɔ mɛ kigagla kíma ní ba awla, lɛ ese linu si lifunu ne Kaʋaŋaa ɛ, ba kanɛ kenu.”

Isami iku banama gi bizɛpɛ kusuyɔ ɛ, lɛ ese linu si Aya aaxwa ba si yɛ bebi i.

Isami iku banama gi bɛwa awowoe la ɛ, lɛ ese linu si Aya aayɔ ba ina a.

Isami iku banama su gi bɛyɔ kedu ní Aya yɛ liboe le aʋa kubitɛɔ loso o, lɛ ese linu si ba kanɛ kenu Aya yɛ kaʋaŋaa a.

Isami iku banama gi bizedi banɔ dzedze ba asigaga la ɛ, lɛ ese linu si Aya aadi ba asigaga a.

“Isami iku mlo xegi banima beekpini mlo, loo bɛyɔ kedu ní mlɔ su, aloo bɛsɛ asia zimizi ɛkpɛ mlɔ awla gi mlalɛ ní mɛ kude loso o. Mlamɔ isami lɛ ese linu si bɛbla liʋɛ ʋidi itɔ ɛplɛ ki mlɔ ní lifunu ne. Kiliɛ gi bɛyɔ kedu ya ní mlɔ su i, nite ke lize ɛki Aya yɛ beboedoplɛ ba ní kanaa mɛ ɛ.

“Isami iku banama gi bɛbubɔ isu ya ɛ, ba kaŋasea kiaze kesea petee.

“Yesu apani si, “Mlalɛ ŋwisi kumwɛ ki kelea pɔ́. Pɔ̀ xegi ɔgyi nɔ eblo ní kɔ mɛ ɛ, batrátani ɔgyi nɔ kudzini ikpɛ ní kɔ mɛ tɔ ɔ. Kúpɛ ɛki kididɔ tɔ ɔ. Nite si biakyi ko bali kɔ banima bɛga ní kɔ aʋa ɛ.

Mlaki si mlɔ kizezee me kiflɔ ŋwisi kiliɛ gi mlɔ Ɔka yɛ ní lifunu ne aflɔ kinɛ ɛ.

Mlɔ kiboedoe ko kize si, ‘Ee’ aloo ‘Oo’. Liboe kakaa gi mlapani lɛ ya kede e, lidɔ ní Ozimizi ye klɔ ɔ.

“Mleenu gi bɛpani si, ‘Xegi wɔyaʋi ɔnutɔ kimbi i, linu si bayaʋi wɔ kiniɛ kyɛ.’ Lɛ ɛ, xegi wɔvini ɔnutɔ line e, biavini wɔ lini nɛ kyɛ. Pɔ̀ mɛɛsi mlɔ abla si mlakíʋi kuwle aki ɔnɔnɔ ɔ. Xe ɔnutɔ ábɔ wɔ bidɔ ní ɔŋawla lɔ kutu yɔ mɛ ɛ, ki tɔ ɔbɔ wɔ ní kaʋaa kuni yɔ mɛ kyɛ.

Lɛ loso e, xe wɔ kaŋaa mɛ kimbi ye kiaki si wɔata kese e, bu ke tuʋe e! Liapɛ ki wɔ si lila wɔ kapɛatɔ sani si tɔ bakɔ wɔ ɔnɔse lo petee aŋwia kpɛ kifu monimoni ye me e. Lɛ ɛ, xegi wɔ ɔŋawla lɔ aaki si wɔata kese e, tsa lɔ tuʋe. Liapɛ ɛki wɔ si lila wɔ kapɛatɔ sani si tɔ bakɔ wɔ ɔnɔse lo petee aŋwia kpɛ kifu monimoni ye me e.