Popularni biblijski stihovi iz Genesis 13

Podijeli

Sabap kat paꞌari-ari ngaytung ayun nga ipagpalawag kut imu, ibgay kuytung muꞌsa it imu, subliyen it anak-inapuꞌ mu seked it maꞌlay.

Pagkapaꞌugad ni Lot, piyakisugidan sit AMPUꞌANG DIYUS si Abram. Maat ya, “Garing situt pagtataꞌidan mu ngaytu, ipabeyeng-beyeng muy mata mu. Ayun kat lebatan, ayun kat sedpan, ayun duꞌut sur baw ayun duꞌut nurti i pabeyeng-beyengan mut mata mu.

Talagang buwaten ku nga subuk kapu-kaput lugtaꞌ i kadakel it mga tungtung-inapuꞌ mu. In beteꞌ may magkabilang it kapu-kapu, ta mabilang nagay mga anak-inapuꞌ mu.

Aypaꞌ iyan atnakayti, inupakat ni Abram si Lot. Maat ya, “Esa-esa ga, in mapakay it imu, ega magayen kuy kapagraraꞌet ta nga duwa. Subung naga i mga manigꞌeper it ayep ta, ega gasiꞌ ireg ku nga magraꞌe-raꞌeten sira, ka daꞌta nagꞌugaling taw.

Ega naꞌlay piyurun siꞌ ni Abram i balay ya ngayti ka napanaw siꞌ. Duꞌun i piyaꞌabutan yat kakakayuwan ni Mamre nga duꞌut Hebron. Pagꞌabut ya duꞌun, nagbuwat siꞌ it papangantengan it ipagsamba duꞌun it AMPUꞌANG DIYUS.

Nanlawag-lawag si Lot, nalawag ya i kalayawat daranasan it Jordan nga garing sikaytiꞌen seked it duꞌun nat Zoar. Paꞌari-aring ayun may danum. Talagang maluꞌgum nga paglawagen, subung nat kalulwakan it AMPUꞌANG DIYUS nga duꞌut Eden, baw banwa ngayting Egipto, sabap kat iting timpu, ega paꞌ riyanggaꞌ it AMPUꞌANG DIYUS i mga siyudad it Sodoma baw Gomorra.