Popularni biblijski stihovi iz KINAWANSAYAN 14

Podijeli

Royohon no o Kinorohingan, it Asawat Kopio, i minanahak diya' do kamanangan do suminaap di pisangod nu!” ka. Om onuwai noddi di Abram i Milkisidik do sompihopod do koinsanai di dapu' di nigitan dau, i naahau kawagu dau do mantad id pisangod.

Om i Milkisidik, i raja' do Salim, om it imam po do mogobi-obi' do Kinorohingan dit Asawat Kopio, nga' minigit nogi' do roti om waig dot anggur do patahakon di Abram. Om barakatai no di Milkisidik i Abram do poingkaa, “Pokionuon ku o Kinorohingan, it Asawat Kopio, i minomonsoi do tawan om pomogunan, do mamarakat di Abram!

Om boros ka di Abram do suminimbar, “Sumumpa' oku no dot id toguang do TUHAN, i Kinorohingan, it Asawat Kopio, i minomonsoi do tawan om pomogunan, dot ongoiso' piya nga' a' oku i' manganu di diya' mantad do songonuon. Banang-banang piya ko' tali-tali do kasut nga' a' oku i' manganu. Om a' ko indo milo do momoros dot, ‘Iyoho' o pinapakaya' di Abram,’ ka.