Популарни библијски стихови из Matayo 5

Share

Kahi awanhu wasikwasa itaa na kuigubika, ninga wakuika muchigwaso, ikuwamulikila wose awoile munyumba. Nheifo ujelu wenu umulike kumwande ya wanhu, uleke wone sinhenda senu si swanu, uleke wamutunye iBaba yenu yowile kulanga.”

Anyeye no ujelu we chilunga. Ikaya isikudaha kifisa inghowa muchitunda muchanhya.

Ibeka awena mimoyo miswanu; Kosoko awo wakwenda wamone Mulungu!

Ibeka wena injala na inghilu ya chelu; Kosoko awene wakwenda wegusigwe!

Ninga niye nikugamba, wendeni awanghondo wenu, muwatasile wakumutendani fibi.

“Ibeka awakiwa mufidoga, Kosoko undewa wa kulanga wawo!

Ibeka awalamusi; Kosoko wakwenda wenangigwe wana we Mulungu!

Ibeka wena usungu; Kosoko wakwenda waholesigwe!

Ibeka awakugaya kwa kugolosa foyakwenda Mulungu; Kosoko undewa wa kulanga wawo!

Ibeka awena ubasi; Kosoko awo wakwenda woneligwe ubasi!

Ibeka anyeye ghona wakwenda wamubeseni na kumugoloselani fibi, na kumulongani, na kumusigani mabuli gehile kwa udasi, kosoko yangu. Sekeleleni na kwanga, kosoko digelo dyenu ikulu kulanga. Kosoko nofowawagolosele fibi awagonesi awawalongolele nyeye.”

Ibeka awaholo; Kosoko awene wakwenda wahale iisi!

“Anyeye no umunyu we chilunga; ninga umunyu unghabanika wogumigwa choni ukolele? Usikunoga ka, isigalila kutagigwa kunje na kujatigwa na wanhu.

Hambiya anyeye mokuwa muliganile fina Baba yenu yowile kulanga foyaliganile.”

Ninga simbuli senu suwe Heye; heye, si nheifo, si nheifo; sose isikupulutisa sikulawa kwa yuya iyehile.”

“Muhulika fina igambigwa, ‘Igiso kwa igiso, na igego kwa igego.’ Ninga niye nikugamba, ‘Munghakikushe ne munhu yehile, ninga imunhu yanghakutowa ifunda yo kulume, mubidusile na ya keli.

Digiso dyako dyo kulume dinghakwambusa ugolose wihi ding'ole uditage kutali nagwe, kosoko yagila ichilungo chako chimwedu chagilile, uleke umutufi wako wose unghatagigwe kumoto uusikusima. No mukono wako wo kulume unghakuhosa ugolose wihi udumule uutage kutali nagwe, kosoko yagila chilungo chako chimwedu chagilile, uleke umutufi wako wose unghatagigwe jehanamu.’”