Popularni biblijski stihovi iz Gɛlaɠaa 2

Podijeli

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Kpɔlɔ ti ŋąą ɓa, tín gɛnɛ̨ ta ə tɔɔ yələi, yɛ hvaŋą kɛnɛ̨ ta a kɛi tɛɛ; bɛlɛ́i ti di kɛ mu, ə naa laahvɛɛ. Hɛnŋaa di yɛɛ di tɛitɛi di mɛ̨i, di hee di nwuɔ̨ yɛ nu nɛ̨n gɛ pələ, yɛ ɓo a nwɔ̨n nən. Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi. Di kɛi Yálá hɛɠɛɛɓo di wɛli yɛ ɓo nu kəlee ɓa. Hvóló kəlee, Ną́mu Yálá ə kɛi laa na nuą ta pɛlɛ ma.

«‹Yálá ə mo yɛ diɛ: Yɛnɛ̨ɛ̨ ɲąą kpɛɛi lɔwai aa kɛi həli, gáá pai nwɔ́ Kilii tɛɛi nu kəlee pɔ, ka lon ɉinąą da ka lon nɛ̨ąą da Yálá nwɔ wɛlɛɛ laa həli, ka wɔ hilɛlɛai diɛ mɛ̨nįɠaa kaa, ɉulɔgoloɠaa diɛ hįi kaa.

Laa na nuą kəlee yee lɔ kɛ gee hu, di yəi hɛnŋąa kəlee pɛlɛɛ gee ɓa. Di kɛi di yəi hɛnŋąa lɔwɔ́tɔɔ, diɛ nwali ɲąąkwɛlɛ di kee lɔwai, yɛ pələi di mąą kpaanŋąa di kɛ la.

Nąąlɔwai, nui a tomą Ną́mu Yálá pɔ pələ, nwun mąą a ɓo.›

Hvóló hu a kpinį, ŋąnin ə kpɔlu yɛ ɲąmą, yili a gbɛa kɛ, Ną́mu nwɔ hvóló mąąwiaa kɛnɛ̨i hvo tɛɠa pa.