Popularni biblijski stihovi iz Matta 5

Podijeli

Fitila huɓɓataake ka hippiree tummude, sey nii ka resee dow jo'inirde fitilaaji, gam ka yaynanoo yimɓe wonɓe nder wuro fuu. Noon haani jayngol mooɗon yaynira yeeso yimɓe, faa ɓe ngi'a kuuɗe booɗɗe ɗe kuwoton, ɓe teddina *Baabiraawo mooɗon gonɗo toon dow asama.

Onon ngoni jayngol duuniyaaru. Ay, si'ire nyiɓaande dow ƴoolde suuɗataako.

Barkaa laatanto laaɓa ɓerɗe'en, gam ɓe ngi'ey Allah.

Barkaa laatanto nanooɓe veelo e ɗomka waɗgo aadilaaku, gam Allah no haarney ɓe.

Ammaa miin emi vi'a on : ngiɗee wanywanyɓe mooɗon, ndo'anee torreyɓe on.

— Barkaa laatanto ɓeen annduɓe no tampuɓe yeeso Allah, gam kamɓe ndonata Laamu ma'ako.

Barkaa laatanto fotnooɓe yimɓe, gam ɓe noddirte ɓiɓɓe Allah !

Barkaa laatanto voyooɓe, gam Allah no de'itiney ɓerɗe maɓɓe.

Barkaa laatanto ɓeen torraaɓe gam huugo goonga, sabu ɓe ndonii laamu Allah.

Barkaa laatanto yurmeteeɓe yimɓe, gam Allah no yurmoto ɓe.

Barkaa laatanto on to yimɓe kuɗii on, torrii on, kaadii on kaadooje kalluɗe gam am. Nanee belɗum, ngamee, sabu laada ɗuuɗka e reenti on toon dow, gam noon ɓe torrirnoo annabo'en aartuɓe on.

Barkaa laatanto leestinɓe ko'e mu''en, gam Allah no hokkey ɓe lesdi ndi o waɗani ɓe alkawal.

— Onon ngoni lamɗam duuniyaaru. Ammaa to ndakam ma'ajam ittake, noye ɗam vo'inirtee ? Ɗam nafataa koo ɗume ! Sey nii ɗam rufee tan, yimɓe njaaɓa ɗam.

Onon, laatee on timmuɓe kama no Baabiraawo mooɗon gonɗo toon dow asama laatorii timmuɗo.

E haani bolle mooɗon laatoo « ee » koo « a'aa », ɗum heƴii. To ɗum ɓurii ɗoon, ɗum ivii gada e *Ceyɗaan.

— On nanii ɗum vi'anooma : « Yitere biyoree yitere, nyiinde biyoree nyiinde. » Ammaa miin, emi vi'a on : to' on mba'ato baɗanɗo on ko halli. To goɗɗo menngake ma haɓawo nyaamo, hokku mo nano maa o menngo.

Gam ma'ajum, to yitere maaɗa nde nyaamo waɗey maa e waɗgo hakke, ɗoof nde, fer to woɗɗi ! Igga cooyaa jokko wo'oto nder ɓanndu maaɗa e nattidaa e jokkule ɓanndu maaɗa fuu nder yiite *jahannama. To junngo maaɗa nyaamo waɗey maa e waɗgo hakke, tay ngo, fer to woɗɗi. Igga cooyaa jokko wo'oto nder ɓanndu maaɗa e nattidaa e jokkule ɓanndu maaɗa fuu nder yiite jahannama.