Popularni biblijski stihovi iz Luka 17

Podijeli

Ɗa u danai vuma va, “Ɗenga̱ vu wala. Uneki u ka̱ɗu u nu u potsokpo wu ta̱.”

U yaꞋanka wu baci unushi ali kucindere a kanna ke te, ɗa kpamu u bonoi wa̱ nu ali kucindere, n u danai, ‘N shika̱ ta̱ unushi,’ cinukpaka yi.”

Vuza te vi le, ana we enei u potso ta̱, ɗa u bonoi wa̱ ni, n u cikpai Ka̱shile n ka̱la̱ka̱tsu ka̱u. U kuɗa̱ngi e kelime ke Yesu, ɗa u cikpai ni kpamu, a̱yi ta na vuma vu Samariya ɗa.

Saka ka̱ci ka̱ nu. “Vuza nu u yaꞋan baci unushi, dansuka yi. U shika̱ baci unushi, cinukpaka yi u ɗa.

Ɗa Yesu we ecei, “A̱ɗa̱ uma kupa ɗa i potsoi ba? Te uma kuci tamkpamu i?

Ɗa wu ushuki, “Yi baci n uneki u ka̱ɗu ko kenu ci icuꞋu i musta,† vi ta̱ a kufuɗa va dana maɗanga mo korondo ma nam pa, ‘Muɗa̱, ka̱ta̱ va bana vi shikpa̱ ka̱ci ka̱ nu a mala.’ Maɗanga ma mi ta̱ ta na a kupanaka wu.

Vuza na de dem wi a kuciga wuma u ni, wi ta̱ a kunamba u ɗa. Vuza na kpamu u iwain u ɗa, wi ta̱ a̱ kuciya̱ u ɗa.

Yesu u danai mukumitoni n ni, “Ili i na i tsu zuwa uma a yaꞋan unushi, mayun ɗa i ta̱wa̱. Amma atakaci i ta̱ a kuvana vuza na u tsu zuwa i ɗa i yaꞋan. Wi ta̱ a kulaꞋa a shiyaka yi n kutali e kuɗeku, ka̱ta̱ a vakangi a mala u kuwa̱ punu, an wa zuwa muku n wawaꞋa n nam pa n yaꞋan unushi.

“Tsu na ili i yaꞋin a ayin a̱ Nuhu ta kpamu i kuyaꞋan nannai a ayin a Maku ma Vuma. Uma a kulyaꞋa n o soꞋi n a yaꞋin yolo, ali a kubana a ayin a na Nuhu u uwai a kpantsu. Ɗa ta na mini ma̱ ta̱wa̱i, ɗa mu unai le ra̱ka̱.