Popularni biblijski stihovi iz Luke 17

Podijeli

Ada kaliva againe gigahe gigayo, “Au umidi be unana. Uvetumaganeku fa'ina ubwaina.”

Ada ka'i aiyeta sa'eyana againe yana koyona seveni agaimiya ada kadu tova seveni agaimiya, gina'elayewayewa ginagahegahe higa vaita yana koyona wadavenuwauluyena, au gilubodami be yana koyona wadavenuwauluyena.”

Tu kaliva sa'eyana agaidiya yana yamumu gi'ita-yo au Yesu againe giyewana, agona lakahina Yaubada gihawadavadavana. Au Yesu agene gi'ibo'ula-mo'a be givesiuleyena. Hida kaliva au kwanamiSameliya badi miYuda hivenibainedi amanadi.

Medema fa'ina taumiyao wana'itave'avimi. Ada ka'i tobohiyami ginahuluva koyona, au wanadakeyena be ka'i nuwana gina'avilana, au kadu yana koyona wanavenuwauluyena.

Bana Yesu gigahe gigayo, “Tovedawodawowo teni matatabudi gasiveyawadi. Tu hai kaliva naeni himimiyami? Gavadi-yo bana hida keke kwanamiIsileli anakaibe giyewa-yo Yaubada gihawadavadavani?”

Ada Kaiwabu gigayo, “Ka'i yami vetumagana ana tubuga vaita masitada nafona kabikabi'ona tu gikabukabu lakahina amine, au amifaiweya hida aihala againe wanagahe wanagayo, Tauni unahabu be unana lehageya unamidi, au bonami gidavenogalena.

Gava kaliva keke Iya agaikuya ginahawahegeni tu taunaga yana miyami babiya ginanuwenuwena, medema yawaina ginanuhegena. Atu gava kaliva yawaina alikeya gihawahegena, medema yawai-vagahina ginanuhagana.

Kadu'e Yesu ana tomuliya agaidiya gigahe gigayo, “Makewa'e koyona ana abavebe'u moya'aina ginalakayemu tu hoiyoi bana kaliva koyona againe gina'aladibidibiyedi-ma vita lakahina ginanuhagana! Ka'i kuga vita-mo'ena bana odone hidaluhifona be lehageya hidahegehobuyeni-yo gida'alika, au gidalubodana be gidamadu'alika-yo keke anafaiweya tamo kaliva kowakowana koyona againe ginavebe'uni-yo matahiwadi lakahina Yaubada nimane ginanuhagani.

Boi tuwai-mo'ena Nowa yana toveya kaliva vevine himiyamiyabaubau, a'a hi'au'a bwai hiyuyu hinaginagi hivenavenagi, au yadi havivila tulina tulina hinunauwena tu Nowa waka againe giyage aiyetai-nadi. Giyage tu mala gituwa be moya'aidi gituwa'afufudi. Meda anafaiweya Iya Tohobu'ela yaku yewa'ela ana toveya kaliva vevine hinadewadewa.