Popularni biblijski stihovi iz Yóáane 1

Podijeli

miráimanibo yaímma óq-wayuka weqtábámá kéyikainata Áánûqtu yemmá náápaamma yímikaitata wení iyápó aúkáae. maan-íyápó-ánnámá Áánûqtuni wenáwîkaq kéitaae.

maramá tarôq íma urái-tupaama Aagómá mi-kánááráqá máqe-uraitana Aagómá Áánûqtute maa-kááyáqá máqe-uraaye.

maan-ómmá kumayupí tágagiye. kumayupí tágagitana maan-ómmá mú mikákáá akoqnáá-kumayuqa wáiye.

Aagómá waékáimiye. Aagómá aúma wemá pááq uráiye. mararáq kukéna watáiye. ketááráqá kukéna watáiye. mirái-nakoma wení tágama-yataaqa Yóáane netuqyaa-káyúkágáráq aónaraae. Áánûqtuni kímora áanikoni tágama-yataaqa aónaraae. Aagómá aúgaraq-naqa wení tágama-yataaqa aboánôpake akoqnáá matáiye. maaminnâ tágama-yataaqa kaayoné-í-yátááqá ógikaima ôriq umá wáitana ááqibo maami-káayóné-í-yátááqá aati-aatimá paá wáiye.

Aanapó máqte-qtaataqa abarokáq aúkáiye. wenamáárîq máqte-qtataaqa abarokáq íaukaiye. Aagómá áyaqnobake wemá kéqokeq-wamma aúwaraimma yímikaiye. miráipoata paá mááe. kéqokeq-karui-yataaqa tarôq uráiye. miráipoana paá wáiye. Aagómá wenáyaqnobaqa aúwaraimma wáqe-uraitana min-áúwáraímmá waayúkagoni arunóbáqá ómmá tágama wáqe-uraiye.

miráuma aabáyaama Yóáanen-opaqa Îtuma kéitana Yóáane Îtumma aónarena maará téna abarokáq tiráiye: “aónaaro! maannáma Áánûqtuni tipi-típi áráakaa-naqa máiye. wemá maa-márábí-kúmíq-yátááqá kebó-yátáákáráq mamá matuwánéna kukáiye.”

mararáqá Aagómá máqe-uraitana Aanapó maramá Áánûqtu tarôq uráimma aarawaamá Aamá kéiteta íma ítaraae. Aagómá wení waayúkaraq iráimma mi-káyúká weqtábámá íawikaae.

árai-tagainaqa mararáq yínana máqte-kayukaraqa tágaginiye. maannáyaba Áánûqtuni áraimma tágai-yataaqtaba téna tiráiye.

Áánûqtuma Móteti aammá aúmakain-aikaraa aammá yawítíqtukain-aikaraqa ámikaitana káqo-qtataaqa kaayoné umá aati-aatimá wái-yataaqa Îtuma mamé iráiye.