Popularni biblijski stihovi iz Tigidali Nai Gagalama Nigali Side 24

Podijeli

Agai tama tiwai gedu haluasa po wali, “Yaweo, eno genuai bidi Abrahamgo God, nago eno sę megi wiegi yai ilao,” wai. “Nago te eno genuai bidi dali megi dwagi yai tau sabo sę emainogo eyu, tama ena tau mao.

Te eno wegi ogwa me deli dali te tiwai po waibao, ‘Ae, nago genuai botol aiyaba munama, te ena wę dwasianu tuaio,’ po waibao. Tama agai te po olama, ‘Nage te wę tuao, tama te eno nago kamel dabe me te wę mawaibao,’ tama obaso da, teda eno homugo nago sę bidi Aisakgo sabo we te tama da po waibao. Tama te tiwai pedalubaso da, teda eno koneyu, nago te eno genuai bidi dali dąų wali tau sabo po te mu tama usu nubao po waibao,” te tiwai gedu haluasa po wai.

Tama Aisakgo Rebeka te aga ugwa beba odasa pelama, tama agai aga salio. Aisakgo te Rebeka godolo mu elama, tama aga homu wiegi yai ma yali. Polobadu te aga ida isibaso, tama aga homu dene eyu, homu sęgę elaluai dao.

Tama Rebekabolo wiegi yai sę pedalumainu eyu, augwaligo te tiwai wai, “Abe, dena homugo te nage umabo bidi mugo ida pedelaibao. Te nago wąį hani augwaligo te augwa boi bidi aiyaba elaluama, tama augwaligo hanu dabe somainao” te po wai.

Nago te Yawego nogide te po bomo yai po dąų wao, te dagalu de tǫ dali sigo God dao, te tama tibaso, nago eno ogwago we te Kenan tomode we dabe me te noma sigio, te ena e bidibo tǫde. Nage te eno page buluba ma begasa pelama, tama ena hani tomode digi te we me deli gegelama, tama aga noma selama, tama eno ogwa Aisakgo somainu yao,” wali.