Popularni biblijski stihovi iz Ioanes 15

Podijeli

“Eau la kabili la obu, me amuto la halalagu. Ale pou taku, me eau tai pou tetalao, eia ge vua pepeho. La vuhula mai etato ge vipou baa taro, amuto kama koramulia ge igo sesele la paga isasa.

Ioge, amuto ge pou taku, me eau ge pou tamutou. La vuhula, mai la halala la obu eia kama ogitola oio te la kabili la obulao, eia kama koramulia ge tau la vavuala. Eia mai tai ele soio tamutou, mai amuto kama ge pou taku.

Mai amuto ge pou takue, me la vikararala taku eia ge pou tai tamutou ele, tio amuto ge kaka tavu la paga ale amuto masageao, e Tete ge sugu taro molia mutou.

Amuto kama hilovi tavuau, ouka. Eau moli, eau hilovi tavuti amutou, veia amutou ge taku. Me eau tabariti amutou soio te la igogolu la valolo taku veia amuto ge tuga, amuto ge tau la vavua mutou, me la vavua mutou eia ge tai tola. Tiele mai amuto ge kaka la paga isa te la isagu, e Tete ge abia mutou.

Eala moli mai la tahalo isasa eia ge sugu taroti la mahulila tetala veia ge suli e tabarabaralao, la vulovulo la gilogo isa oukati lou veia ge kara polo ovolale.

Egite la halalagu ale kama tau la vavua giteuo, e Tete ge vali taro egiteu, eala moli egiteu la halalagu ale tau la vavua giteu, eia rauvevei egiteu veia egite ge vua pepeho lou.

Male, la merera taku ale tikumu sesele eia maie veia amuto ge vipuhi tigi sesele, amuto ge vigogo baoli mai ale eau gogoti amutou, eau puhi tataho sesele amutoue.

Mai amuto ge tau usu la vavua mutou, tiele, la isale Tete ge vavava ovolale. Tio amuto ge pou mai la valalua la vimari taku.

Goio, e Iesus vei lou isasa la vikarara la tilovo te la obu la vaen maie “Eiau, eau la kabili la obu sesele, me e Tete, eia e taho la mahuma la obu ele.

Mai isasa eia kama pou takue, tiele e Tete ge pigi galea mai la halala la obu ale egite vali tarotia, eia ge tabuli moli ge magolu, e Tete ge tau vikapopoa ge pigia soio te la havi, eia ge karere.

La vikararala ale, eau veitia mutou ovolae, veia la sagegela taku eia ge pou sesele tamutou ele, veia la sagegela taku tai eia ge volu sesele oilo te la tia mutou la valalua taku.

Mai amuto ge roromuli sesele la merera takue, amuto ge pou oio te la uluva la gilogo taku. Eia mai moli eiaue, eau roromuli sesele la merera tomi te Teteo, eala eau pou seseleti oilo te la gilogo tetalae.

La viputumulila taku eau abi loua mutou, eia maie veia amuto ge vipuhi tigi tataho me egiteu e tabarabara mutou, amuto ge pou tataho te la vigogo baolila sesele.”

Sesele mai amuto ge la tahalo bulalahu moli ale kama roviau, tiele egite la valalua me hatavivile te la maututula ale tilimuli moli la gabutatalala te la vovo, egite ge masaga pepeho amutou ele. Eala moli amuto kama mai egiteu, ouka, eala la valalua me hatavivile te la maututula ge gima sesele amutou, la vuhula amutou isapolo, amutou taku, eau hiloviti amutou taro la vulovulo te la maututula ale kama kokora.