Sarnami Hindi - 1997 Edition (NT)

<div class="version vid593 iso6393hns" data-vid="593" data-iso6393="hns">
 <div class="book bkMAT">
 <div class="chapter ch17" data-usfm="MAT.17">
 <div class="label">17</div><div class="s">Jiesoe ke tjamkaai</div><div class="r">(Markas 9:2-13; Loekaas 9:28-36)</div><div class="p"> 1Tjhau dien baad Jiesoe Petras aur Jaakobas aur okar bhaai Johaanas ke leike ek oetja pahaar par gail djaaha koi na raha. 2Tab hoewa par oesabke aakhie ke saamne okar soerat badale lagal. Okar tjehera djaise soeroedj tjamke lagal, aur okar kapra bhie ekdam oeddjar tjamke lagal. 3Tab oesab Mosas aur Elia ke dekhies aur oesab Jiesoe se batiaat raha. 4Tab Petras Jiesoe se bolies: &#8222;Prabhoe djie, bhale hamlog hia baatie. Djab toe maang tab ham tien marai banaai, ekgo tor khaat, ekgo Mosas khaat aur ekgo Elia khaat.&#8221;</div><div class="p"> 5Tab batiaite me ek oeddjar tjamkat baadar aaike oesabke tjhaai leis. Tab baadar me se ek aawaadj soenaail. Koi bolies: &#8222;Ie hamaar pjaara Beta hai aur oe hamme parsand hai. Okar baat soen.&#8221; 6Djab tjela log soenies tab dar ke maare moehe ke bhale djamien par gier gail. 7Tab Jiesoe aaike oesabke tjhoeis aur bolies: &#8222;Oeth aur na dera.&#8221; 8Tab oesab taakies aur khaalie Jiesoe ke dekhies.</div><div class="s">Elia aur Johaanas ke biese me</div><div class="p"> 9Djab Jiesoe aapan tieno tjela ke saath pahaar par se oetarat raha tab oesabse bolies: &#8222;Djaun toelog aadj dekhle hai, oe koi se na boliehe djab talak iensaan ke Beta maut me se na djie oethaawal djaai.&#8221; 10Tab tjela log poetjhies: &#8222;Dharam ke parhal logan kaise bol sake hai kie Kriest ke aawe se pahiele Parmeswar ke sanesia Elia phier se aaiga?&#8221; 11Tab oe bolies: &#8222;Ha, Elia pahiele aaiga manai logan ke Parmeswar se ek kare khaatien. 12Aur ham toelogse boliela kie oe aai tjoekal hai. Bakie manai logan okar baat na maanies. Oesabhan oke sataais djaise oelog maangies. Aisane oesab iensaan ke Beta ke bhie dher doekh deiga.&#8221; 13Tab tjela log samadjh gail kie Jiesoe ie sab baat Johaanas dopoe kare waala ke biese me bolies hai.</div><div class="s">Jiesoe kaise ek miergie ke bemaria ke attjha karies</div><div class="r">(Markas 9:14-29; Loekaas 9:37-43a)</div><div class="p"> 14Djab Jiesoe aapan tjela log ke saath pahaar par se oetaral tab djhoend me se ekgo aadmie okar paas aaike aapan gaathie par gier paral 15aur bolies: &#8222;Prabhoe djie, hamaar beta ke daaja kar! Oke miergie ke bemaarie hai aur okar haal bahoet kharaab hai. Oe hardam aagie aur paanie me giere hai. 16Ham oke tor tjela log ke paas legailie, bakie oesab oke na attjha kar paais.&#8221; 17Tab oe bolies: &#8222;Ie tem ke manai log ketana be-bieswaasie aur kharaab log hai! Ham kab lek toelogke paas rahab? Aur ham kab lek toelogke kam-bieswaas sahab?&#8221; Oe bolies: &#8222;Oe larka ke hia laaw.&#8221; 18Tab oe bhoet ke daaties. Bhoet niekar gail, aur larka toerant attjha hoi gail.</div><div class="p"> 19Ekare baad djab tjela log Jiesoe ke sanghe akele raha, tab poetjhies: &#8222;Hamlog bhoet ke kaahe ke na niekaar pailie?&#8221; 20Tab oe bolies: &#8222;Toelogke bieswaas bahoet tjhota hai, ohie se toelog na kar paile. Ham toelogse satj boliela kie djab toelogke bieswaas sarso ke bia ghat tjhota rahat, tab toelog ie pahaar se bol sakte kie: &#8216;Hia se hoewa dja!&#8217; aur oe tjal djaat. Toelog sab tjiedj kar sakte.&#8221; 21Aur oe bhie bolies: &#8222;Toelog ie rakam bhoet log ke khaalie niekaar sakiehe djab toelog praatna kariehe aur bhoekha rahiehe.&#8221;</div><div class="s">Jiesoe doesara dafe aapan maut ke biese me bataais</div><div class="r">(Markas 9:30-32; Loekaas 9:43b-45)</div><div class="p"> 22Jiesoe aapan tjela log ke saath Gaalielea ke diehaat me raha. Tab oe bolies kie: &#8222;Iensaan ke Beta manai ke haath me saupal djaaiga 23aur oelog oke maar dhaarie. Tab tiesara dien oe djie oethaawal djaaiga.&#8221; Tab tjela log ie baat soenke bahoet oedaas hoi gail.</div><div class="s">Djoetie ke paisa Parmeswar ke mahal khaatien</div><div class="p"> 24Djab oesab Kaapernaum sahar me pahoetjal tab hoewa ke djoetie bharwaawe waalan Petras ke paas aaike poetjhies: &#8222;Tor maastar Parmeswar ke mahal ke djoetie bhariega kie na?&#8221; 25Tab Petras bolies: &#8222;Ha, djaroer.&#8221;</div><div class="p">Djaise Petras ghare pahoetjal oisane Jiesoe ose poetjhies: &#8222;Siemon, toe ka sotje hai, doenia ke raadja logan paisa pardesie logan se maange hai kie aapan betwan se?&#8221; 26Tab Petras bolies: &#8222;Pardesie logan se.&#8221; Tab oe bolies: &#8222;Thiek. Ekar matlab hai kie betwan ke djoetie ke paisa na bhare ke parie. 27Tabbo hamlog ie paisa bharab. Hamlog na maangiela kie bharwaawe waalan ghoermoesaai. Toe samoendar ke paas dja aur katia lagaaw. Tab pahiela matjharie ke moeh me toe ek tjaanie ke paisa paihe. Ie paisa leike hamlog doeno miela khaatien Parmeswar ke mahal ke djoetie bhar de.&#8221;</div>
 </div>
 </div>
</div>

Tjhau dien baad Jiesoe Petras aur Jaakobas aur okar bhaai Johaanas ke leike ek oetja pahaar par gail djaaha koi na raha. Tab hoewa par oesabke aakhie ke saamne okar soerat badale lagal. Okar tjehera djaise soeroedj tjamke lagal, aur okar kapra bhie ekdam oeddjar tjamke lagal. Tab oesab Mosas aur Elia ke dekhies aur oesab Jiesoe se batiaat raha. Tab Petras Jiesoe se bolies: „Prabhoe djie, bhale hamlog hia baatie. Djab toe maang tab ham tien marai banaai, ekgo tor khaat, ekgo Mosas khaat aur ekgo Elia khaat.”
Tab batiaite me ek oeddjar tjamkat baadar aaike oesabke tjhaai leis. Tab baadar me se ek aawaadj soenaail. Koi bolies: „Ie hamaar pjaara Beta hai aur oe hamme parsand hai. Okar baat soen.” Djab tjela log soenies tab dar ke maare moehe ke bhale djamien par gier gail. Tab Jiesoe aaike oesabke tjhoeis aur bolies: „Oeth aur na dera.” Tab oesab taakies aur khaalie Jiesoe ke dekhies.

Djab Jiesoe aapan tieno tjela ke saath pahaar par se oetarat raha tab oesabse bolies: „Djaun toelog aadj dekhle hai, oe koi se na boliehe djab talak iensaan ke Beta maut me se na djie oethaawal djaai.” Tab tjela log poetjhies: „Dharam ke parhal logan kaise bol sake hai kie Kriest ke aawe se pahiele Parmeswar ke sanesia Elia phier se aaiga?” Tab oe bolies: „Ha, Elia pahiele aaiga manai logan ke Parmeswar se ek kare khaatien. Aur ham toelogse boliela kie oe aai tjoekal hai. Bakie manai logan okar baat na maanies. Oesabhan oke sataais djaise oelog maangies. Aisane oesab iensaan ke Beta ke bhie dher doekh deiga.” Tab tjela log samadjh gail kie Jiesoe ie sab baat Johaanas dopoe kare waala ke biese me bolies hai.


Djab Jiesoe aapan tjela log ke saath pahaar par se oetaral tab djhoend me se ekgo aadmie okar paas aaike aapan gaathie par gier paral aur bolies: „Prabhoe djie, hamaar beta ke daaja kar! Oke miergie ke bemaarie hai aur okar haal bahoet kharaab hai. Oe hardam aagie aur paanie me giere hai. Ham oke tor tjela log ke paas legailie, bakie oesab oke na attjha kar paais.” Tab oe bolies: „Ie tem ke manai log ketana be-bieswaasie aur kharaab log hai! Ham kab lek toelogke paas rahab? Aur ham kab lek toelogke kam-bieswaas sahab?” Oe bolies: „Oe larka ke hia laaw.” Tab oe bhoet ke daaties. Bhoet niekar gail, aur larka toerant attjha hoi gail.
Ekare baad djab tjela log Jiesoe ke sanghe akele raha, tab poetjhies: „Hamlog bhoet ke kaahe ke na niekaar pailie?” Tab oe bolies: „Toelogke bieswaas bahoet tjhota hai, ohie se toelog na kar paile. Ham toelogse satj boliela kie djab toelogke bieswaas sarso ke bia ghat tjhota rahat, tab toelog ie pahaar se bol sakte kie: ‘Hia se hoewa dja!’ aur oe tjal djaat. Toelog sab tjiedj kar sakte.” Aur oe bhie bolies: „Toelog ie rakam bhoet log ke khaalie niekaar sakiehe djab toelog praatna kariehe aur bhoekha rahiehe.”


Jiesoe aapan tjela log ke saath Gaalielea ke diehaat me raha. Tab oe bolies kie: „Iensaan ke Beta manai ke haath me saupal djaaiga aur oelog oke maar dhaarie. Tab tiesara dien oe djie oethaawal djaaiga.” Tab tjela log ie baat soenke bahoet oedaas hoi gail.

Djab oesab Kaapernaum sahar me pahoetjal tab hoewa ke djoetie bharwaawe waalan Petras ke paas aaike poetjhies: „Tor maastar Parmeswar ke mahal ke djoetie bhariega kie na?” Tab Petras bolies: „Ha, djaroer.”
Djaise Petras ghare pahoetjal oisane Jiesoe ose poetjhies: „Siemon, toe ka sotje hai, doenia ke raadja logan paisa pardesie logan se maange hai kie aapan betwan se?” Tab Petras bolies: „Pardesie logan se.” Tab oe bolies: „Thiek. Ekar matlab hai kie betwan ke djoetie ke paisa na bhare ke parie. Tabbo hamlog ie paisa bharab. Hamlog na maangiela kie bharwaawe waalan ghoermoesaai. Toe samoendar ke paas dja aur katia lagaaw. Tab pahiela matjharie ke moeh me toe ek tjaanie ke paisa paihe. Ie paisa leike hamlog doeno miela khaatien Parmeswar ke mahal ke djoetie bhar de.”

Slušaj Mateas 17