If you have would like a copy of this version please contact info@davaraudiobibles.org

The Gofa Bible, CC-BY-SA-4.0, The Word for the World International and The Word for the World Ethiopia. (Text). Gofa Audio Bible, CC-BY-SA-4.0, Davar Partners International, 2018. (Audio).

ጌሻ ማፃፋ

<div class="version vid4045 iso6393gof" data-vid="4045" data-iso6393="gof">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s1">Yesuusi Lo77o Henthancho</div><div class="p"> 1Yesuusi, &#8220;Taani hintew tuma odayis; dorsa girbe giddo pengera gidonna harasoora geliya oonika kaysonne panga. 2Shin pengera geleysi dorsata heemmeysa. 3Pengiya naageysi iyaw pengiya dooyees; dorsatika iya qaala si7oosona. I ba dorsata enta sunthan sunthan xeegees; enta kaalethidi kare kessees. 4I ba dorsata kare kessidaape guye enta sinthan hemetees. Enti iya qaala eriya gisho iya kaalloosona. 5Hara uraa qaala enti eronna gisho iyape baqatoosonape attishin, iya geedo kaallokona&#8221; yaagis.</div><div class="p"> 6Yesuusi entaw ha leemisuwa odis, shin I ay gidaako enti akeekibokona.</div><div class="p"> 7Zaaridi Yesuusi entako, &#8220;Taani hintew tuma odayis; taani dorsatas penge. 8Taape sinthe yida ubbay kaysonne panga, shin dorsati enta si7ibookona. 9Pengey tana; ta baggara geliya oonika attana. I ta baggara gelananne keyana; lo77o heemetiya bessi demmana. 10Kaysoy kaysotanaw, shukanawunne dhaysanaw yeesipe attishin, harabas yeenna. Taani entaw de7oy daana melanne kumidi palahana mela yas.</div><div class="p"> 11&#8220;Taani lo77o henthancho; lo77o henthanchoy ba dorsata gisho ba shempuwa aathidi immees. 12Une heemmiya asi dorsata godanne henthancho gidonna gisho suudhumey yaa wode be7idi dorsata aggidi bees. Hessa gisho, suudhumey dorsata oykidi laallees. 13Une heemmeysi miishes heemmiya gishonne dorsatabay iya qofisonna gisho dorsata aggidi baqatees.</div><div class="p"> 14-15&#8220;Taani lo77o henthancho. Ta Aaway tana ereysada taanika ta Aawa erayis. Hessadaka, taani ta dorsata erayis; ta dorsatika tana eroosona. Taani ta dorsata gisho ta shempuwa aatha immayis.#Maato 11:27; Luqa 10:22. 16Ha wudiyan bayna hara dorsati taw de7oosona. Taani entaka ehanaw bessees. Enti ta qaala si7ana; enti issi wude gidana; henthanchoyka issuwa.</div><div class="p"> 17&#8220;Taani ta shempuwa aatha immada zaara ekiya gisho ta Aaway tana dosees. 18Ta dosada ta shempuwa aatha immaysipe attishin, taape oonika ekenna. Taani ta shempuwa aatha immanawunne zaara ekanaw maati taw de7ees. Taani oothana mela ta Aaway tana kiittidaysi haysa&#8221; yaagis.</div><div class="p"> 19Hessa I gida gisho, Ayhudeta giddon qassika shaaketethi medhetis. 20Entafe dariya baggay, &#8220;Iyan tuna ayyaanay de7ees! I gooyees! I giyaba ayis si7eetii?&#8221; yaagidosona.</div><div class="p"> 21Harati qassi, &#8220;Xalahey oykida asi haysada odetenna. Tuna ayyaani qooqe ayfe xeelisanaw danda7iyee?&#8221; yaagidosona.</div><div class="s1">Yesuusi Asa Na7a</div><div class="p"> 22Yerusalaamen Xoossa Keetha anjisida gallasata bonchiya ba7aaley gakis; he wode sa7i balgo. 23Yesuusi xoossa keethan Solomone barandan simeretees. 24Ayhudeti Yesuusa yuushon shiiqi eqidi, &#8220;Neeni nuna awude gakanaw sidhera wothanee? Neeni Kiristoosa gidiko ane nuus geeshshada oda&#8221; yaagidosona.</div><div class="p"> 25Yesuusi zaaridi entako, &#8220;Taani hintew odas; shin tana ammaneketa. Taani ta Aaway taw immida maatan oothiya oosoy tabaa markatees. 26Shin taani hintew odidaysada hinte ta dorse gidonna gisho ammaneketa. 27Ta dorsati ta qaala si7oosona. Taani enta erayis; entika tana kaalloosona. 28Taani entaw merinaa de7uwa immayis; enti ubbaraka dhayokona. Oonika ta kushepe enta bonqi ekanaw danda7enna. 29Enta taw immida ta Aaway ubbaafe aadhees#10:29 Ta Aaway ubbaafe aadhees: Issi issi beni maxaafati, &#8220;Ta Aaway taw immida enti ubbaafe aadhosona&#8221; yaagosona. Oonika ta Aawa kushepe enta bonqi ekanaw danda7enna. 30Tanne ta Aaway issino&#8221; yaagis.</div><div class="p"> 31Ayhudeti Yesuusa caddanaw qassika shuchi denthidosona. 32Yesuusi entako, &#8220;Taani oothana mela ta Aaway taw immida daro lo77o oosota hintena ootha bessaas. Hessatape awusa gisho tana shuchan caddanaw koyeetii?&#8221; yaagis.</div><div class="p"> 33Ayhudeti zaaridi, &#8220;Nuuni nena ne lo77o ooso gisho shuchan caddanaw koyoko. Shin neeni Xoossaa cayiya gishonne ase gidashe neeni, nena Xoosse giya gishosa&#8221; yaagidosona.#Leewe 24:16.</div><div class="p"> 34Yesuusi zaaridi, &#8220;Geeshsha Maxaafan Xoossay, &#8216;Hinte xoossata&#8217; gidaysi xaafetibeennee?#Maz 82:6. 35Geeshsha Maxaafay merinaw laametenna. Xoossay ba qaala immida asata, &#8216;xoossata&#8217; gidi xeegiko, 36Aaway dooridi ha alamiya kiitida tana Xoossaa Na7a waatidi &#8216;Xoossaa cayaasa&#8217; yaagetii? 37Taani ta Aaway ootheysa oothonna ixiko tana ammanopite. 38Shin taani oothiyaba gidiko hinte tana ammanonna ixikoka, ta Aaway tanan de7eysanne taka ta Aawan de7eysa hinte erana mela ta oosuwa ammanite&#8221; yaagis.</div><div class="p"> 39Qassika enti iya oykanaw koydosona, shin I entafe kessi ekis.</div><div class="p"> 40Yohaanisi kase xammaqiya bessaa, Yordaanose Shaafape hefinthi Yesuusi pinnidi yan de7is.#Yoha 1:28. 41Daro asay Yesuusako yidi, &#8220;Yohaanisi malaata oothibeenna, shin I ha addiyaba odidabay ubbay tuma&#8221; yaagidosona. 42Yan daro asay Yesuusa ammanidosona.</div>
 </div>
 </div>
</div>

The Word for the World International and The Word for the World Ethiopia

Yesuusi, “Taani hintew tuma odayis; dorsa girbe giddo pengera gidonna harasoora geliya oonika kaysonne panga. Shin pengera geleysi dorsata heemmeysa. Pengiya naageysi iyaw pengiya dooyees; dorsatika iya qaala si7oosona. I ba dorsata enta sunthan sunthan xeegees; enta kaalethidi kare kessees. I ba dorsata kare kessidaape guye enta sinthan hemetees. Enti iya qaala eriya gisho iya kaalloosona. Hara uraa qaala enti eronna gisho iyape baqatoosonape attishin, iya geedo kaallokona” yaagis.
Yesuusi entaw ha leemisuwa odis, shin I ay gidaako enti akeekibokona.
Zaaridi Yesuusi entako, “Taani hintew tuma odayis; taani dorsatas penge. Taape sinthe yida ubbay kaysonne panga, shin dorsati enta si7ibookona. Pengey tana; ta baggara geliya oonika attana. I ta baggara gelananne keyana; lo77o heemetiya bessi demmana. Kaysoy kaysotanaw, shukanawunne dhaysanaw yeesipe attishin, harabas yeenna. Taani entaw de7oy daana melanne kumidi palahana mela yas.
“Taani lo77o henthancho; lo77o henthanchoy ba dorsata gisho ba shempuwa aathidi immees. Une heemmiya asi dorsata godanne henthancho gidonna gisho suudhumey yaa wode be7idi dorsata aggidi bees. Hessa gisho, suudhumey dorsata oykidi laallees. Une heemmeysi miishes heemmiya gishonne dorsatabay iya qofisonna gisho dorsata aggidi baqatees.
“Taani lo77o henthancho. Ta Aaway tana ereysada taanika ta Aawa erayis. Hessadaka, taani ta dorsata erayis; ta dorsatika tana eroosona. Taani ta dorsata gisho ta shempuwa aatha immayis. Ha wudiyan bayna hara dorsati taw de7oosona. Taani entaka ehanaw bessees. Enti ta qaala si7ana; enti issi wude gidana; henthanchoyka issuwa.
“Taani ta shempuwa aatha immada zaara ekiya gisho ta Aaway tana dosees. Ta dosada ta shempuwa aatha immaysipe attishin, taape oonika ekenna. Taani ta shempuwa aatha immanawunne zaara ekanaw maati taw de7ees. Taani oothana mela ta Aaway tana kiittidaysi haysa” yaagis.
Hessa I gida gisho, Ayhudeta giddon qassika shaaketethi medhetis. Entafe dariya baggay, “Iyan tuna ayyaanay de7ees! I gooyees! I giyaba ayis si7eetii?” yaagidosona.
Harati qassi, “Xalahey oykida asi haysada odetenna. Tuna ayyaani qooqe ayfe xeelisanaw danda7iyee?” yaagidosona.

Yerusalaamen Xoossa Keetha anjisida gallasata bonchiya ba7aaley gakis; he wode sa7i balgo. Yesuusi xoossa keethan Solomone barandan simeretees. Ayhudeti Yesuusa yuushon shiiqi eqidi, “Neeni nuna awude gakanaw sidhera wothanee? Neeni Kiristoosa gidiko ane nuus geeshshada oda” yaagidosona.
Yesuusi zaaridi entako, “Taani hintew odas; shin tana ammaneketa. Taani ta Aaway taw immida maatan oothiya oosoy tabaa markatees. Shin taani hintew odidaysada hinte ta dorse gidonna gisho ammaneketa. Ta dorsati ta qaala si7oosona. Taani enta erayis; entika tana kaalloosona. Taani entaw merinaa de7uwa immayis; enti ubbaraka dhayokona. Oonika ta kushepe enta bonqi ekanaw danda7enna. Enta taw immida ta Aaway ubbaafe aadhees Oonika ta Aawa kushepe enta bonqi ekanaw danda7enna. Tanne ta Aaway issino” yaagis.
Ayhudeti Yesuusa caddanaw qassika shuchi denthidosona. Yesuusi entako, “Taani oothana mela ta Aaway taw immida daro lo77o oosota hintena ootha bessaas. Hessatape awusa gisho tana shuchan caddanaw koyeetii?” yaagis.
Ayhudeti zaaridi, “Nuuni nena ne lo77o ooso gisho shuchan caddanaw koyoko. Shin neeni Xoossaa cayiya gishonne ase gidashe neeni, nena Xoosse giya gishosa” yaagidosona.
Yesuusi zaaridi, “Geeshsha Maxaafan Xoossay, ‘Hinte xoossata’ gidaysi xaafetibeennee? Geeshsha Maxaafay merinaw laametenna. Xoossay ba qaala immida asata, ‘xoossata’ gidi xeegiko, Aaway dooridi ha alamiya kiitida tana Xoossaa Na7a waatidi ‘Xoossaa cayaasa’ yaagetii? Taani ta Aaway ootheysa oothonna ixiko tana ammanopite. Shin taani oothiyaba gidiko hinte tana ammanonna ixikoka, ta Aaway tanan de7eysanne taka ta Aawan de7eysa hinte erana mela ta oosuwa ammanite” yaagis.
Qassika enti iya oykanaw koydosona, shin I entafe kessi ekis.
Yohaanisi kase xammaqiya bessaa, Yordaanose Shaafape hefinthi Yesuusi pinnidi yan de7is. Daro asay Yesuusako yidi, “Yohaanisi malaata oothibeenna, shin I ha addiyaba odidabay ubbay tuma” yaagidosona. Yan daro asay Yesuusa ammanidosona.

Slušaj Yohaanisa 10