Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkLUK">
 <div class="chapter ch3" data-usfm="LUK.3">
 <div class="label">3</div><div class="s">Jo&#227;o Batista Makore Jiboe Reo</div><div class="p"> 1-3Jorure quinze Tib&#233;rio C&#233;sar boe eimijera kurireure ema nono Roma ba kurireu keje duji. Dukeje Jud&#233;ia moto kejewuge eimijera governador iere P&#244;ncio Pilatos. Galil&#233;ia moto kejewuge eimijera iere Herodes. Itureia moto kejewuge eimijera iere Filipe. Traconites moto kejewuge eimijera nure ema jamedu. Herodes umana nure ema. Abilene moto kejewuge eimijera iere Lis&#226;nias. Jerusal&#233;m ba kurireu tadare nou ure Judeu doge enomea maku Pao Kurireu aiwuge eimijera kurireuge ere pobe. Ia iere Caif&#225;s. Metia iere An&#225;s. Emugu kimore dutabo Pao Kurireu bataru aregodure Zacarias onaregedu Jo&#227;o Batista ae. Ema rakojere boe maereu keje. Dukejere Jo&#227;o Batista kodure Jord&#227;o Po okwaji tumago tabo boei. Akore: &#8211; Tagera ra taro pegareu boe piji. Nono imode tagao pegodo. Nono Pao Kurireu biagodumode taro pegareu boe piji jamedu.</div><div class="p"> 4-6Dujire nou makore Pao Kurireu bataru jiwu imedu Isa&#237;as makore marigudu. Akore:</div><div class="q">&#8211; Ia boe kudugodumode boe maereu keje boe ewo awara jetorodo boe eimijera aregodu pemegawo boe etae. Kudugodumode boe ewo moto ri butudo ewo barigu koiareuto korobaduwo moto tabo. Moto ri jamedu boe butumode dukeje nou tori jamedu ao kororogodumode. Nono boe emode awara mekireu jetorodo. Boeiako mode awara keje boe emode korau boe ewo ao kororogo jamedu nou umode boe ekinorudowu imedu aregodu pemegawo boe etae. Mare tori ji karega akoino. Awara ji karega akoino. Boe ewo tumeardae jetorodo. Dujire akoino. Boe ewo turo pemegado. Dujire akoino. Boe ewo tugera bararedo pui, umode boe ekinorudowu imedu aregodumode Pao Kurireu piji dukodi. Dujire akoino. Aino boe eiamedu boe erduwamode nuba Pao Kurireu romode tuwo boe ekinorudo.#3.4-6 Awu bataru padure Isa&#237;as 40.3-5 keje.</div><div class="p"> 7-9Boe emagare taregodu tabo Jo&#227;o Batista ae tuwiapagawo bataruji. Emagore Jo&#227;o Batistaji uiago etao pegodo. Mare Jo&#227;o Batista makore ei. Akore: &#8211; Nou iguru tudu pegare dukeje boe ere butudo tuwo jerigido ema. Tagi tagagomode tamoduie tagera ra taro pegareu piji mare taro pemegamodukare, tameardae pemegamodukare dukeje Pao Kurireu ro pegamode tai jamedu nono boe erore nou jerigi jitu mogadure. Mare jerigi ji karega inagoino. Boe pegamode tai rugadu. Dujire inagoino. Boe pegareuge nure tagi. Tagagore boe etuo Abra&#227;o ore enuie tagi dukodire Pao Kurireu uwobe enuie tagi. Ainore tagagore. Boe jokodu jire tagagoino. Abra&#227;o uwobe nure tagi rugadu. Mare dukodi karega Pao Kurireu ro pegamodukare tai taro pegareu mori&#269;e. Ro pegareuge nure tagi rugadu. Dukodire tagare nono Abra&#227;o uwobe remawuge emogadure pugeje. Pao Kurireu roiware tuwo tori udo nono Abra&#227;o uwobe maiwuge emogadure tamugato. Tamodukare tagera ra taro pegareu piji dukeje tamodukare taginorudo Pao Kurireu piji rugadu. Umode boe pegado tai rugadu tameartorukare Pao Kurireu bataruji kodi.</div><div class="p"> 10Dukodire nou boe enarare Jo&#227;o Batistaji. Egore: &#8211; Nuba akaidure &#269;erowo?</div><div class="p"> 11Jo&#227;o Batista akore: &#8211; Nou ukudau areiare pobewu dukeje metia maku nou ukudau areia bokwareu imedu ai. Nou ukereu umode ia tuge maku uke bokwareuge etai.</div><div class="p"> 12Dukeje iage enaragodure Jo&#227;o Batistaji etaidure Jo&#227;o Batista uwo tao pegodo kodi. Egore: &#8211; &#268;egire &#269;emode &#269;egeragu imposto moriji boe epiji makuduwo boe eimijera kurireu ai. Nuba &#269;eromode?</div><div class="p"> 13Jo&#227;o Batista akore: &#8211; Tagiwogukaba. Tagaba boe eno imposto mori utudo tugori.</div><div class="p"> 14Tugobaigarege enarare Jo&#227;o Batistaji jamedu. Egore: &#8211; Nuba &#269;eromode?</div><div class="p">Jo&#227;o Batista akore: &#8211; Tagorigodukaba boei. Taroreru kaba boei. Tagaba tageragu dieroji epiji. Tawudugugo tu je tamaragodae mori makudure tagai duji.</div><div class="p"> 15Nou boe epagare rugadu umode boe ekinorudowu imedu bagai. Emeardaere nou umode boe ekinorudowu nuie nou Jo&#227;o Batista&#269;e. Dukodire enaragodure Jo&#227;o Batistaji. Egore: &#8211; Aki na, amode boe ekinorudo? Amode boe ekinorudo boe pegareu piji?</div><div class="p"> 16-17Mare Jo&#227;o Batista akore: &#8211; Ire boe etao pegodo pobo tabo mare ia imedu tuginaiwu aregodumode. Ro kodumode ikori. Boe pemegareu nure ema, boe kurireu mode ema rugadu. Dukodire ipogurumode ipureduwo ji, kurikareu nure imi dukodi. Emare umode Tuwari tugu boe emeardaeto boe ero pemegawo. Umode ro pegareuge ewarigu joruto jamedu. Romode nono ia imedu ro mogadure. Imedu umode trigo jukodo baku tabo nou pegareu uwo tudawuje nou trigo piji. Nou trigo remawu umode remo baito. Nou iwore umode barigu joruto. Umode boe ekinorudowu romode aino boei jamedu. Meartorure Pao Kurireu jiwuge ere nono trigo mogadure. Mare trigo ji karega inagoino. Umode boe ekinorudowu umode meartorure Pao Kurireu jiwuge etawuje ro pegareuge epiji tuwo edudo pudabo. Dujire inagoino. Umode ro pegareuge ewarigu bope doge eda kejewu joru pegareuto. Dujire inagoino. Nou joru akedumodukare rugadu.</div><div class="p"> 18Ainore Jo&#227;o Batista mako raire boei tuwo erduwado Pao Kurireu bataruji, tuwo e mekido emeardae pegareu piji tuwo edo tugera ra turo pegareu piji. 19Jo&#227;o Batista mako pegare boe eimijera kurireu Herodes rore jiboeji. Herodes ure tugeragu tumana oredujeji tumana piji tumuguwo nou tumana oreduje apo. Nou aredu iere Herodias. Herodes ro pegare ia turo pegareuji jamedu. Ro pegare jiboe makare. Dukodire Jo&#227;o Batista mako pegare nou Herodes rore jiboeji. 20Dukodire Herodes ure Jo&#227;o Batista tugu bai&#269;oreuto. Kodire ro pegareu kuri&#269;igore nouia turo pegareu kori.</div><div class="s">Jesus Aora Pegododure</div><div class="p"> 21-22Jo&#227;o Batista rakojekare raga bai&#269;oreu tada dukejere maragodaere tuwo boe etao pegodo kimo. Boe ere tugera ra turo pegareu piji dukeje Jo&#227;o Batista ure nou boe etao pegodo pobo tabo. &#268;are Jesus aregodure Jo&#227;o Batista ae jamedu uwo tao pegodo pobo tabo jamedu. Jo&#227;o Batista ure Jesus ao pegodo pobo tabo rugadu. Nono Jesus makore baruto tuo bagai. Dukejere Pao Kurireu Uwari ure turawuje Jesus ae. Ure tudo nono metugore. Ure tumugudo Jesus keje. Nono Pao Kurireu makore Jesusji baru piji. Akore: &#8211; Imeardu kuri&#269;igore jiwu itonaregedu unure aki. Are iagare kuri&#269;igodo i ai.</div><div class="s">Jesus Uwobe Reo</div><div class="p"> 23Jesus ure tugera tugu tumaragodaeto tuwo boe ewie Pao Kurireu bataruji tuwo boe erdudo turomode jiboeji kodire o jorure trinta. Boe emeardaere Jos&#233; onaregedu nuie ema duji. Jos&#233; uo iere Eli. 24Eli uo iere Matate. Matate uo iere Levi. Levi uo iere Melqui. Melqui uo iere Janai. Janai uo iere Jos&#233;. 25Jos&#233; uo iere Matatias. Matatias uo iere Am&#243;s. Am&#243;s uo iere Naum. Naum uo iere Esli. Esli uo iere Nagai. 26Nagai uo iere Maate. Maate uo iere Matatias. Matatias uo iere Semei. Semei uo iere Jos&#233;. Jos&#233; uo iere Jod&#225;. 27Jod&#225; uo iere Joan&#227;. Joan&#227; uo iere Resa. Resa uo iere Zorobabel. Zorobabel uo iere Salatiel. Salatiel uo iere Neri. 28Neri uo iere Melqui. Melqui uo iere Adi. Adi uo iere Cos&#227;. Cos&#227; uo iere Elmad&#227;. Elmad&#227; uo iere Er. 29Er uo iere Josu&#233;. Josu&#233; uo iere Eli&#233;zer. Eli&#233;zer uo iere Jorim. Jorim uo iere Matate. Matate uo iere Levi. 30Levi uo iere Sime&#227;o. Sime&#227;o uo iere Jud&#225;. Jud&#225; uo iere Jos&#233;. Jos&#233; uo iere Jon&#227;. Jon&#227; uo iere Eliaquim. 31Eliaquim uo iere Mele&#225;. Mele&#225; uo iere Men&#225;. Men&#225; uo iere Matat&#225;. Matat&#225; uo iere Nat&#227;. Nat&#227; uo iere Davi. 32Davi uo iere Jess&#233;. Jess&#233; uo iere Obede. Obede uo iere Boaz. Boaz uo iere Sala. Sala uo iere Nasom. 33Nasom uo iere Aminadabe. Aminadabe uo iere Admim. Admim uo iere Arni. Arni uo iere Esrom. Esrom uo iere Peres. Peres uo iere Jud&#225;. 34Jud&#225; uo iere Jac&#243;. Jac&#243; uo iere Isaque. Isaque uo iere Abra&#227;o. Abra&#227;o uo iere Tera. Tera uo iere Nacor. 35Nacor uo iere Serugue. Serugue uo iere Re&#250;. Re&#250; uo iere Pelegue. Pelegue uo iere &#201;ber. &#201;ber uo iere Sel&#225;. 36Sel&#225; uo iere Cain&#227;. Cain&#227; uo iere Arpaxade. Arpaxade uo iere Sem. Sem uo iere No&#233;. No&#233; uo iere Lameque. 37Lameque uo iere Matusal&#233;m. Matusal&#233;m uo iere Enoque. Enoque uo iere Jarede. Jarede uo iere Maalalel. Maalalel uo iere Cain&#227;. 38Cain&#227; uo iere Enos. Enos uo iere Sete. Sete uo iere Ad&#227;o. Imedu boetojiwu nure Ad&#227;o&#269;e. Pao Kurireu koiare ure Ad&#227;o towuje.</div>
 </div>
 </div>
</div>

Jorure quinze Tibério César boe eimijera kurireure ema nono Roma ba kurireu keje duji. Dukeje Judéia moto kejewuge eimijera governador iere Pôncio Pilatos. Galiléia moto kejewuge eimijera iere Herodes. Itureia moto kejewuge eimijera iere Filipe. Traconites moto kejewuge eimijera nure ema jamedu. Herodes umana nure ema. Abilene moto kejewuge eimijera iere Lisânias. Jerusalém ba kurireu tadare nou ure Judeu doge enomea maku Pao Kurireu aiwuge eimijera kurireuge ere pobe. Ia iere Caifás. Metia iere Anás. Emugu kimore dutabo Pao Kurireu bataru aregodure Zacarias onaregedu João Batista ae. Ema rakojere boe maereu keje. Dukejere João Batista kodure Jordão Po okwaji tumago tabo boei. Akore: – Tagera ra taro pegareu boe piji. Nono imode tagao pegodo. Nono Pao Kurireu biagodumode taro pegareu boe piji jamedu.
Dujire nou makore Pao Kurireu bataru jiwu imedu Isaías makore marigudu. Akore:
– Ia boe kudugodumode boe maereu keje boe ewo awara jetorodo boe eimijera aregodu pemegawo boe etae. Kudugodumode boe ewo moto ri butudo ewo barigu koiareuto korobaduwo moto tabo. Moto ri jamedu boe butumode dukeje nou tori jamedu ao kororogodumode. Nono boe emode awara mekireu jetorodo. Boeiako mode awara keje boe emode korau boe ewo ao kororogo jamedu nou umode boe ekinorudowu imedu aregodu pemegawo boe etae. Mare tori ji karega akoino. Awara ji karega akoino. Boe ewo tumeardae jetorodo. Dujire akoino. Boe ewo turo pemegado. Dujire akoino. Boe ewo tugera bararedo pui, umode boe ekinorudowu imedu aregodumode Pao Kurireu piji dukodi. Dujire akoino. Aino boe eiamedu boe erduwamode nuba Pao Kurireu romode tuwo boe ekinorudo.
Boe emagare taregodu tabo João Batista ae tuwiapagawo bataruji. Emagore João Batistaji uiago etao pegodo. Mare João Batista makore ei. Akore: – Nou iguru tudu pegare dukeje boe ere butudo tuwo jerigido ema. Tagi tagagomode tamoduie tagera ra taro pegareu piji mare taro pemegamodukare, tameardae pemegamodukare dukeje Pao Kurireu ro pegamode tai jamedu nono boe erore nou jerigi jitu mogadure. Mare jerigi ji karega inagoino. Boe pegamode tai rugadu. Dujire inagoino. Boe pegareuge nure tagi. Tagagore boe etuo Abraão ore enuie tagi dukodire Pao Kurireu uwobe enuie tagi. Ainore tagagore. Boe jokodu jire tagagoino. Abraão uwobe nure tagi rugadu. Mare dukodi karega Pao Kurireu ro pegamodukare tai taro pegareu moriče. Ro pegareuge nure tagi rugadu. Dukodire tagare nono Abraão uwobe remawuge emogadure pugeje. Pao Kurireu roiware tuwo tori udo nono Abraão uwobe maiwuge emogadure tamugato. Tamodukare tagera ra taro pegareu piji dukeje tamodukare taginorudo Pao Kurireu piji rugadu. Umode boe pegado tai rugadu tameartorukare Pao Kurireu bataruji kodi.
Dukodire nou boe enarare João Batistaji. Egore: – Nuba akaidure čerowo?
João Batista akore: – Nou ukudau areiare pobewu dukeje metia maku nou ukudau areia bokwareu imedu ai. Nou ukereu umode ia tuge maku uke bokwareuge etai.
Dukeje iage enaragodure João Batistaji etaidure João Batista uwo tao pegodo kodi. Egore: – Čegire čemode čegeragu imposto moriji boe epiji makuduwo boe eimijera kurireu ai. Nuba čeromode?
João Batista akore: – Tagiwogukaba. Tagaba boe eno imposto mori utudo tugori.
Tugobaigarege enarare João Batistaji jamedu. Egore: – Nuba čeromode?
João Batista akore: – Tagorigodukaba boei. Taroreru kaba boei. Tagaba tageragu dieroji epiji. Tawudugugo tu je tamaragodae mori makudure tagai duji.
Nou boe epagare rugadu umode boe ekinorudowu imedu bagai. Emeardaere nou umode boe ekinorudowu nuie nou João Batistače. Dukodire enaragodure João Batistaji. Egore: – Aki na, amode boe ekinorudo? Amode boe ekinorudo boe pegareu piji?
Mare João Batista akore: – Ire boe etao pegodo pobo tabo mare ia imedu tuginaiwu aregodumode. Ro kodumode ikori. Boe pemegareu nure ema, boe kurireu mode ema rugadu. Dukodire ipogurumode ipureduwo ji, kurikareu nure imi dukodi. Emare umode Tuwari tugu boe emeardaeto boe ero pemegawo. Umode ro pegareuge ewarigu joruto jamedu. Romode nono ia imedu ro mogadure. Imedu umode trigo jukodo baku tabo nou pegareu uwo tudawuje nou trigo piji. Nou trigo remawu umode remo baito. Nou iwore umode barigu joruto. Umode boe ekinorudowu romode aino boei jamedu. Meartorure Pao Kurireu jiwuge ere nono trigo mogadure. Mare trigo ji karega inagoino. Umode boe ekinorudowu umode meartorure Pao Kurireu jiwuge etawuje ro pegareuge epiji tuwo edudo pudabo. Dujire inagoino. Umode ro pegareuge ewarigu bope doge eda kejewu joru pegareuto. Dujire inagoino. Nou joru akedumodukare rugadu.
Ainore João Batista mako raire boei tuwo erduwado Pao Kurireu bataruji, tuwo e mekido emeardae pegareu piji tuwo edo tugera ra turo pegareu piji. João Batista mako pegare boe eimijera kurireu Herodes rore jiboeji. Herodes ure tugeragu tumana oredujeji tumana piji tumuguwo nou tumana oreduje apo. Nou aredu iere Herodias. Herodes ro pegare ia turo pegareuji jamedu. Ro pegare jiboe makare. Dukodire João Batista mako pegare nou Herodes rore jiboeji. Dukodire Herodes ure João Batista tugu baičoreuto. Kodire ro pegareu kuričigore nouia turo pegareu kori.

João Batista rakojekare raga baičoreu tada dukejere maragodaere tuwo boe etao pegodo kimo. Boe ere tugera ra turo pegareu piji dukeje João Batista ure nou boe etao pegodo pobo tabo. Čare Jesus aregodure João Batista ae jamedu uwo tao pegodo pobo tabo jamedu. João Batista ure Jesus ao pegodo pobo tabo rugadu. Nono Jesus makore baruto tuo bagai. Dukejere Pao Kurireu Uwari ure turawuje Jesus ae. Ure tudo nono metugore. Ure tumugudo Jesus keje. Nono Pao Kurireu makore Jesusji baru piji. Akore: – Imeardu kuričigore jiwu itonaregedu unure aki. Are iagare kuričigodo i ai.

Jesus ure tugera tugu tumaragodaeto tuwo boe ewie Pao Kurireu bataruji tuwo boe erdudo turomode jiboeji kodire o jorure trinta. Boe emeardaere José onaregedu nuie ema duji. José uo iere Eli. Eli uo iere Matate. Matate uo iere Levi. Levi uo iere Melqui. Melqui uo iere Janai. Janai uo iere José. José uo iere Matatias. Matatias uo iere Amós. Amós uo iere Naum. Naum uo iere Esli. Esli uo iere Nagai. Nagai uo iere Maate. Maate uo iere Matatias. Matatias uo iere Semei. Semei uo iere José. José uo iere Jodá. Jodá uo iere Joanã. Joanã uo iere Resa. Resa uo iere Zorobabel. Zorobabel uo iere Salatiel. Salatiel uo iere Neri. Neri uo iere Melqui. Melqui uo iere Adi. Adi uo iere Cosã. Cosã uo iere Elmadã. Elmadã uo iere Er. Er uo iere Josué. Josué uo iere Eliézer. Eliézer uo iere Jorim. Jorim uo iere Matate. Matate uo iere Levi. Levi uo iere Simeão. Simeão uo iere Judá. Judá uo iere José. José uo iere Jonã. Jonã uo iere Eliaquim. Eliaquim uo iere Meleá. Meleá uo iere Mená. Mená uo iere Matatá. Matatá uo iere Natã. Natã uo iere Davi. Davi uo iere Jessé. Jessé uo iere Obede. Obede uo iere Boaz. Boaz uo iere Sala. Sala uo iere Nasom. Nasom uo iere Aminadabe. Aminadabe uo iere Admim. Admim uo iere Arni. Arni uo iere Esrom. Esrom uo iere Peres. Peres uo iere Judá. Judá uo iere Jacó. Jacó uo iere Isaque. Isaque uo iere Abraão. Abraão uo iere Tera. Tera uo iere Nacor. Nacor uo iere Serugue. Serugue uo iere Reú. Reú uo iere Pelegue. Pelegue uo iere Éber. Éber uo iere Selá. Selá uo iere Cainã. Cainã uo iere Arpaxade. Arpaxade uo iere Sem. Sem uo iere Noé. Noé uo iere Lameque. Lameque uo iere Matusalém. Matusalém uo iere Enoque. Enoque uo iere Jarede. Jarede uo iere Maalalel. Maalalel uo iere Cainã. Cainã uo iere Enos. Enos uo iere Sete. Sete uo iere Adão. Imedu boetojiwu nure Adãoče. Pao Kurireu koiare ure Adão towuje.

Slušaj Lucas 3