The Sundanese Bible (Suci Nganggo Basa Sunda Sadidinte 1991)

Suci Nganggo Basa Sunda Sadidinte

<div class="version vid2410 iso6393sun" data-vid="2410" data-iso6393="sun">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Pangandika nu jadi sumberna hirup</div><div class="p"> 1Ari nu disebut Pangandika teh geus jumeneng ti memeh ieu dunya dijadikeun; Pangandika sasarengan jeung Allah, Pangandika sarua jeung Allah. 2Ti mimiti keneh Pangandika teh geus sasarengan jeung Allah. 3Allah ngajadikeun sagala rupa teh nya ku Pangandika; teu aya hiji oge ciciptan Allah anu dijadikeunana henteu jeung Pangandika. 4Pangandika teh nya eta anu jadi sumberna hirup; ari hirup nya eta anu mere caang ka manusa. 5Eta caang cahayaan gumebyar di nu poek, ari poek teu bisaeun mareuman eta caang.</div><div class="p"> 6Allah ngintunkeun utusana-Na, jenenganana Yohanes, 7pikeun nerangkeun caang tea ka jalma-jalma, sangkan tarerangeun jeung palercayaeun kana hal eta. 8Yohanes ku anjeun lain anu disebut caang tea; anjeunna mah anu mere terang hal eta caang, 9caang sajati, anu turun ka ieu dunya, nyaangan sakumna manusa.</div><div class="p"> 10Pangandika lungsur ka dunya, tapi dunya teu nyahoeun ka Anjeunna, padahal dunya dijadikeunana ku Allah teh nya ku Pangandika. Dunya teh kagungana-Na, manusa teh umat-Na, 11Dunya anu disumpingana-Na teh nagri kagungana-Na, tapi umat-Na embungeun narima. 12Tapi loba oge anu narima jeung palercaya ka Anjeunna teh; jelema-jelema anu kitu ku Anjeunna dipaparin hak jadi putra-putra Allah. 13Jadina putra-putra Allah teh lain ku cara anu lumrah di manusa, lain ku cara anu yuga ti bapa sipat manusa; Rama maranehna teh Allah ku manten.</div><div class="p"> 14Pangandika teh terus mijalma, jadi manusa, hirup di kalangan urang, jembar kurnia jeung saestu sipat-Na tur mulya kaayaana-Na, sarta kamulyaana-Na teh tembong ka urang, kamulyaan ti nu jadi Rama ka Putra tunggal.</div><div class="p"> 15Hal Anjeunna, kieu ditetelakeunana ku Yohanes, &#8221;Anjeunna teh nya eta anu ceuk kami kieu tea, &#8217;Sumping-Na pandeurieun kami, tapi ngungkulan kami, reh Anjeunna mah memeh kami dijurukeun oge geus jumeneng.&#8217; &#8221;</div><div class="p"> 16Ku kajembaran manah-Na, Anjeunna teu kendat-kendat maparin berkah ka urang. 17Ku jalan Musa, Allah ka urang maparin Hukum-Na. Tapi ku jalan Yesus Kristus Allah nganyatakeun sih kurnia jeung kasayaktiana-Na. 18Jelema can aya anu geus ningal Allah. Tapi urang bakal terang ka Mantenna ti Yesus Kristus, Putra tunggal Allah, anu sarua jeung Allah, anu salawasna sasarengan jeung Allah.</div><div class="s">Pangakuan Yohanes Jurubaptis</div><div class="r">(Mat. 3:1-12; Mar. 1:1-8; Luk. 3:1-18)</div><div class="p"> 19Para gegeden urang Yahudi di Yerusalem ngutus sawatara imam jeung jelema-jelema urang Lewi, nanyakeun kieu ka Yohanes, &#8221;Anjeun teh saha?&#8221; </div><div class="p"> 20Ku Yohanes diwaler sajujurna, saurna, &#8221;Kaula lain Kristus.&#8221;</div><div class="p"> 21&#8221;Upami sanes, saha?&#8221; ceuk utusan, &#8221;Anjeun teh Elias?&#8221;</div><div class="p">&#8221;Lain, lain eta,&#8221; waler Yohanes.</div><div class="p">&#8221;Sanes Nabi nu diarep-arep tea?&#8221; ceuk utusan.</div><div class="p">&#8221;Lain,&#8221; walerna.</div><div class="p"> 22&#8221;Saha atuh, wartoskeun,&#8221; ceuk utusan. &#8221;Sim kuring kedah ngahaturkeun jawaban anu pasti ka nu ngutus. Cobi, ceuk anjeun, anjeun teh saha?&#8221;</div><div class="p"> 23Yohanes ngawalerna ku pilahir Nabi Yesaya:</div><div class="q1">&#8221;Kaula teh, &#8217;Soara anu cumeluk di gurun keusik:</div><div class="q1">Sadiakeun jalan anu lempeng, pikeun Pangeran!&#8217; &#8221;</div><div class="p"> 24Eta para utusan anu diutus ku urang Parisi, 25naranya deui, &#8221;Kristus sanes, Elias sanes, Nabi tea sanes, naha atuh anjeun ngabaptis?&#8221;</div><div class="p"> 26Waler Yohanes, &#8221;Kaula ngabaptis teh ku cai. Tapi di aranjeun aya saurang anu aranjeun teu wawuh. 27Sumpingna pandeurieun kaula, tapi kaula pikeun mangudarankeun tali tarumpah-Na ge teu layak.&#8221;</div><div class="p"> 28Eta kajadian teh di Betania sisi Walungan Yordan peuntas wetan, paragi Yohanes ngabaptis.</div><div class="s">Nu disebut Anak Domba Allah</div><div class="p"> 29Poe isukna Yohanes ningali Yesus anu rek ka anjeunna. Yohanes ngalahir, &#8221;Tuh itu Anjeunna, Anak Domba Allah, anu bakal ngaleungitkeun dosa ti alam dunya! 30Nya Anjeunna anu ceuk kami, &#8217;Anu sumpingna pandeurieun kami tapi ngungkulan kami, reh Anjeunna mah memeh kami dijurukeun oge geus jumeneng.&#8217; 31Mimitina mah kami henteu terang Anjeunna teh saha. Tapi kami ngabaptis ku cai teh nya eta pikeun ngenalkeun Anjeunna ka bangsa Israil.&#8221;</div><div class="p"> 32Geus kitu Yohanes ngucapkeun panyaksi kieu, &#8221;Kami geus nenjo Anjeunna diauban ku Roh Allah anu lungsur ti sawarga ngarupakeun manuk japati. 33Nepi ka harita ge kami can terang keneh yen Anjeunna teh Anjeunna. Tapi memeh eta kami geus didawuhan kieu ku Allah, anu ngutus kami supaya ngabaptis ku cai, &#8217;Maneh bakal nenjo Roh Kami ti sawarga turun ka hiji jelema; nya Anjeunna engke anu bakal ngabaptis ku Roh Suci.&#8217; 34Ieu anu diaku ku kami teh hiji kajadian anu geus katenjo ku kami,&#8221; saurna deui, &#8221;nu matak ayeuna kami ngabejaan ka maraneh: Anjeunna teh Putra Allah.&#8221;</div><div class="s">Murid-murid Yesus nu mimiti</div><div class="p"> 35Poe isukna deui, waktu Yohanes keur ngadeg di tempat kamari jeung dua muridna, 36ningali Yesus ngalangkung. &#8221;Tuh, Anak Domba Allah!&#8221; saurna.</div><div class="p"> 37Sanggeus anjeunna ngalahir kitu, eta dua murid teh arindit naluturkeun ka Yesus. 38Yesus nyoreang, ningalieun ka nu naluturkeun tuluy mariksa, &#8221;Keur nareangan naon?&#8221;</div><div class="p">Jawabna, &#8221;Di mana Rabi linggih?&#8221; (Rabi hartina &#8221;Guru&#8221;).</div><div class="p"> 39&#8221;Hayu ka ditu, tenjo engke,&#8221; waler-Na. (Harita kira-kira geus pukul opat sore.) Maranehna tuluy marilu, jadi nyarahoeun ka tempat Anjeunna. Poe eta maranehna aya di Anjeunna.</div><div class="p"> 40Anu saurang ngaranna Andreas, boga dulur ngaranna Simon Petrus. 41Gancang Andreas manggihan Simon, tuluy nyarita, &#8221;Kuring geus papanggih jeung Mesias.&#8221; (Mesias teh hartina &#8221;Kristus&#8221;, Jurusalamet.) 42Simon tuluy dideuheuskeun ka Yesus.</div><div class="p">Yesus neuteup ka Simon, tuluy ngalahir, &#8221;Ngaran maneh Simon, anak Yonas. Tapi maneh bakal disebut Kepas.&#8221; (Kepas saharti keneh jeung Petrus, nya eta &#8221;batu karang&#8221;.)</div><div class="s">Yesus nyaur Pilipus jeung Natanael</div><div class="p"> 43Poe isukna Yesus angkat ka Galilea. Anjeunna pendak jeung Pilipus, tuluy diajak, saur-Na, &#8221;Milu ka Kami!&#8221; (44Pilipus asal ti Betsaida, lemburna Andreas jeung Petrus.) 45Pilipus manggihan Natanael, nyarita, &#8221;Kuring geus papanggih jeung anu disebut-sebut ku Musa dina Kitab Hukum Allah jeung anu ditulis ku nabi-nabi tea. Anjeunna teh Yesus, putra Yusup urang Nasaret.&#8221;</div><div class="p"> 46&#8221;Na aya kitu anu hade ti Nasaret?&#8221; Natanael nanya.</div><div class="p">&#8221;Hayu, tenjo sorangan,&#8221; jawab Pilipus.</div><div class="p"> 47Barang ningali Natanael datang, Yesus terus ngalahir ngeunaan dirina, saur-Na, &#8221;Tah ieu urang Israil tulen, taya pisan kapalsuanana!&#8221;</div><div class="p"> 48&#8221;Geuning Bapa uninga ka abdi?&#8221; Natanael nanya.</div><div class="p">Yesus ngawaler, &#8221;Memeh maneh dicalukan ku Pilipus, ku Kami katenjo di handapeun tangkal kondang.&#8221;</div><div class="p"> 49&#8221;Pa Guru!&#8221; jawab Natanael, &#8221;Pa Guru teh geuning Putra Allah! Raja bangsa Israil!&#8221;</div><div class="p"> 50Saur Yesus, &#8221;Maneh percaya kitu teh naha pedah bieu Kami nyebutkeun yen maneh ku Kami katenjo handapeun tangkal kondang? Loba keneh anu leuwih aheng, bakal kasaksian ku maneh.&#8221; 51Saur-Na deui ka sarerea, &#8221;Sing percaya kana benerna ieu omongan Kami: Maraneh bakal narenjo langit muka, para malaikat turun unggah ti sawarga ka Putra Manusa.&#8221;</div>
 </div>
 </div>
</div>

Ari nu disebut Pangandika teh geus jumeneng ti memeh ieu dunya dijadikeun; Pangandika sasarengan jeung Allah, Pangandika sarua jeung Allah. Ti mimiti keneh Pangandika teh geus sasarengan jeung Allah. Allah ngajadikeun sagala rupa teh nya ku Pangandika; teu aya hiji oge ciciptan Allah anu dijadikeunana henteu jeung Pangandika. Pangandika teh nya eta anu jadi sumberna hirup; ari hirup nya eta anu mere caang ka manusa. Eta caang cahayaan gumebyar di nu poek, ari poek teu bisaeun mareuman eta caang.
Allah ngintunkeun utusana-Na, jenenganana Yohanes, pikeun nerangkeun caang tea ka jalma-jalma, sangkan tarerangeun jeung palercayaeun kana hal eta. Yohanes ku anjeun lain anu disebut caang tea; anjeunna mah anu mere terang hal eta caang, caang sajati, anu turun ka ieu dunya, nyaangan sakumna manusa.
Pangandika lungsur ka dunya, tapi dunya teu nyahoeun ka Anjeunna, padahal dunya dijadikeunana ku Allah teh nya ku Pangandika. Dunya teh kagungana-Na, manusa teh umat-Na, Dunya anu disumpingana-Na teh nagri kagungana-Na, tapi umat-Na embungeun narima. Tapi loba oge anu narima jeung palercaya ka Anjeunna teh; jelema-jelema anu kitu ku Anjeunna dipaparin hak jadi putra-putra Allah. Jadina putra-putra Allah teh lain ku cara anu lumrah di manusa, lain ku cara anu yuga ti bapa sipat manusa; Rama maranehna teh Allah ku manten.
Pangandika teh terus mijalma, jadi manusa, hirup di kalangan urang, jembar kurnia jeung saestu sipat-Na tur mulya kaayaana-Na, sarta kamulyaana-Na teh tembong ka urang, kamulyaan ti nu jadi Rama ka Putra tunggal.
Hal Anjeunna, kieu ditetelakeunana ku Yohanes, ”Anjeunna teh nya eta anu ceuk kami kieu tea, ’Sumping-Na pandeurieun kami, tapi ngungkulan kami, reh Anjeunna mah memeh kami dijurukeun oge geus jumeneng.’ ”
Ku kajembaran manah-Na, Anjeunna teu kendat-kendat maparin berkah ka urang. Ku jalan Musa, Allah ka urang maparin Hukum-Na. Tapi ku jalan Yesus Kristus Allah nganyatakeun sih kurnia jeung kasayaktiana-Na. Jelema can aya anu geus ningal Allah. Tapi urang bakal terang ka Mantenna ti Yesus Kristus, Putra tunggal Allah, anu sarua jeung Allah, anu salawasna sasarengan jeung Allah.


Para gegeden urang Yahudi di Yerusalem ngutus sawatara imam jeung jelema-jelema urang Lewi, nanyakeun kieu ka Yohanes, ”Anjeun teh saha?”
Ku Yohanes diwaler sajujurna, saurna, ”Kaula lain Kristus.”
”Upami sanes, saha?” ceuk utusan, ”Anjeun teh Elias?”
”Lain, lain eta,” waler Yohanes.
”Sanes Nabi nu diarep-arep tea?” ceuk utusan.
”Lain,” walerna.
”Saha atuh, wartoskeun,” ceuk utusan. ”Sim kuring kedah ngahaturkeun jawaban anu pasti ka nu ngutus. Cobi, ceuk anjeun, anjeun teh saha?”
Yohanes ngawalerna ku pilahir Nabi Yesaya:
”Kaula teh, ’Soara anu cumeluk di gurun keusik:
Sadiakeun jalan anu lempeng, pikeun Pangeran!’ ”
Eta para utusan anu diutus ku urang Parisi, naranya deui, ”Kristus sanes, Elias sanes, Nabi tea sanes, naha atuh anjeun ngabaptis?”
Waler Yohanes, ”Kaula ngabaptis teh ku cai. Tapi di aranjeun aya saurang anu aranjeun teu wawuh. Sumpingna pandeurieun kaula, tapi kaula pikeun mangudarankeun tali tarumpah-Na ge teu layak.”
Eta kajadian teh di Betania sisi Walungan Yordan peuntas wetan, paragi Yohanes ngabaptis.

Poe isukna Yohanes ningali Yesus anu rek ka anjeunna. Yohanes ngalahir, ”Tuh itu Anjeunna, Anak Domba Allah, anu bakal ngaleungitkeun dosa ti alam dunya! Nya Anjeunna anu ceuk kami, ’Anu sumpingna pandeurieun kami tapi ngungkulan kami, reh Anjeunna mah memeh kami dijurukeun oge geus jumeneng.’ Mimitina mah kami henteu terang Anjeunna teh saha. Tapi kami ngabaptis ku cai teh nya eta pikeun ngenalkeun Anjeunna ka bangsa Israil.”
Geus kitu Yohanes ngucapkeun panyaksi kieu, ”Kami geus nenjo Anjeunna diauban ku Roh Allah anu lungsur ti sawarga ngarupakeun manuk japati. Nepi ka harita ge kami can terang keneh yen Anjeunna teh Anjeunna. Tapi memeh eta kami geus didawuhan kieu ku Allah, anu ngutus kami supaya ngabaptis ku cai, ’Maneh bakal nenjo Roh Kami ti sawarga turun ka hiji jelema; nya Anjeunna engke anu bakal ngabaptis ku Roh Suci.’ Ieu anu diaku ku kami teh hiji kajadian anu geus katenjo ku kami,” saurna deui, ”nu matak ayeuna kami ngabejaan ka maraneh: Anjeunna teh Putra Allah.”

Poe isukna deui, waktu Yohanes keur ngadeg di tempat kamari jeung dua muridna, ningali Yesus ngalangkung. ”Tuh, Anak Domba Allah!” saurna.
Sanggeus anjeunna ngalahir kitu, eta dua murid teh arindit naluturkeun ka Yesus. Yesus nyoreang, ningalieun ka nu naluturkeun tuluy mariksa, ”Keur nareangan naon?”
Jawabna, ”Di mana Rabi linggih?” (Rabi hartina ”Guru”).
”Hayu ka ditu, tenjo engke,” waler-Na. (Harita kira-kira geus pukul opat sore.) Maranehna tuluy marilu, jadi nyarahoeun ka tempat Anjeunna. Poe eta maranehna aya di Anjeunna.
Anu saurang ngaranna Andreas, boga dulur ngaranna Simon Petrus. Gancang Andreas manggihan Simon, tuluy nyarita, ”Kuring geus papanggih jeung Mesias.” (Mesias teh hartina ”Kristus”, Jurusalamet.) Simon tuluy dideuheuskeun ka Yesus.
Yesus neuteup ka Simon, tuluy ngalahir, ”Ngaran maneh Simon, anak Yonas. Tapi maneh bakal disebut Kepas.” (Kepas saharti keneh jeung Petrus, nya eta ”batu karang”.)

Poe isukna Yesus angkat ka Galilea. Anjeunna pendak jeung Pilipus, tuluy diajak, saur-Na, ”Milu ka Kami!” (Pilipus asal ti Betsaida, lemburna Andreas jeung Petrus.) Pilipus manggihan Natanael, nyarita, ”Kuring geus papanggih jeung anu disebut-sebut ku Musa dina Kitab Hukum Allah jeung anu ditulis ku nabi-nabi tea. Anjeunna teh Yesus, putra Yusup urang Nasaret.”
”Na aya kitu anu hade ti Nasaret?” Natanael nanya.
”Hayu, tenjo sorangan,” jawab Pilipus.
Barang ningali Natanael datang, Yesus terus ngalahir ngeunaan dirina, saur-Na, ”Tah ieu urang Israil tulen, taya pisan kapalsuanana!”
”Geuning Bapa uninga ka abdi?” Natanael nanya.
Yesus ngawaler, ”Memeh maneh dicalukan ku Pilipus, ku Kami katenjo di handapeun tangkal kondang.”
”Pa Guru!” jawab Natanael, ”Pa Guru teh geuning Putra Allah! Raja bangsa Israil!”
Saur Yesus, ”Maneh percaya kitu teh naha pedah bieu Kami nyebutkeun yen maneh ku Kami katenjo handapeun tangkal kondang? Loba keneh anu leuwih aheng, bakal kasaksian ku maneh.” Saur-Na deui ka sarerea, ”Sing percaya kana benerna ieu omongan Kami: Maraneh bakal narenjo langit muka, para malaikat turun unggah ti sawarga ka Putra Manusa.”

Slušaj YOHANES 1