San Andres Islander Creole - 2015 Edition ( Non-Drama NT)

San Andres Islander Creole - 2015 Edition (Non-Drama NT)

San Andres Islander Creole - 2015 Edition (Drama NT)

<div class="version vid1451 iso6393icr" data-vid="1451" data-iso6393="icr">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">How Lazarus ded ahn kom bak tu laif</div><div class="p"> 1Now wan man niem Lazarus wehn sik. Him ahn ihn two sista dem, weh niem Mary ahn Martha, wehn liv dah Bethany toun. 2Dat dah wehn di siem Mary weh wehn chruo som swiit aintment pahn di Laad ahn waip ihn fut wid ihn hier. Wel, dah wehn fi shii breda weh wehn sik. 3So di two sista dem sen mesij tu Jesus seh, &#8220;Laad, yo gud fren weh yo lov sik bad.&#8221;</div><div class="p"> 4Bot wen Jesus hier dat, ihn seh, &#8220;Lazarus no gwain ded sieka dis siknis. Dis deh hapm so pipl kyan si God powa, ahn dah chruu dis siem siknis dehn gwain kyan si how God Son powaful ahn gi'im gluory tu.&#8221; 5-6Now Jesus wehn lov Mary ahn Martha ahn dehn breda Lazarus, bot iivn afta ihn hier seh Lazarus wehn sik, ihn stil stie dah di plies upaa ihn wende fi two muo diez.</div><div class="p"> 7Den afta dat, ihn seh tu ihn disaipl dem, &#8220;Mek wi go bak Judea.&#8221;</div><div class="p"> 8Bot di disaipl dem tel im, &#8220;Rabbi, di Jewish liida dem dah Judea jos wende trai lik yo dong, ahn yuu waahn go bak deh agen?&#8221;</div><div class="p"> 9Jesus ansa dem seh, &#8220;Dah twelve owaz iina iich die, no chruut? So dem pipl weh waak iina braad die-lait no gwain bok'op wid notn, bikaaz dehn si di Lait fi dis worl. 10Bot if dehn waak dah nait, den dehn gwain bok'op ahn faal dong, bikaaz dehn no gat di Lait fi help dem si.&#8221;</div><div class="p"> 11Den Jesus seh, &#8220;Wi fren Lazarus gaan sliip, bot Ah gwain go wiek'im op.&#8221;</div><div class="p"> 12Di disaipl dem seh, &#8220;Wel, Laad, if ihn ongl deh sliip, den dat miin ihn gwain get beta.&#8221; 13Dehn wehn tink seh Jesus wende seh Lazarus jos gaan sliip, bot Jesus wehn miin ihn wehn ded, fi chruut.</div><div class="p"> 14-15So Jesus kom out klier ahn tel dem, &#8220;Lazarus ded. Bot fi unu uon siek, Ah glad Ah neva dedeh, bikaaz now unu gat di chaans fi laan fi chros mi. Kom, mek wi go si'im.&#8221;</div><div class="p"> 16Thomas, weh dehn yuuztu kaal Didymus, or di Twin, tel di ada disaipl dem, &#8220;Mek aala wi go wid Jesus; mek wi ded wid im tu!&#8221;</div><div class="s">Jesus chier'op Mary ahn Martha</div><div class="p"> 17Wen Jesus get Bethany, ihn fain out seh dehn don ber Lazarus iina wan tuum#11.17 Nuotis seh: Wan tuum dah wan plies weh dehn ber pipl; dis no siem laik di griev wen dehn ber iina di ort. fi four diez aredy. 18Now Bethany wehn ongl deh bout two mailz fahn Jerusalem, 19ahn plenty a di Jew dem wehn kom, kom chier'op Mary ahn Martha fi weh dehn breda ded. 20Wen Martha hier seh Jesus wende kom, ihn gaan out gaan miit im, bot Mary stie huom.</div><div class="p"> 21Martha seh tu Jesus, &#8220;Laad, if yu wende yah, mi breda wuda neva ded. 22Bot iivn now Ah nuo seh God gwain gi'yo enyting yu aks im fah.&#8221;</div><div class="p"> 23Jesus tel Martha, &#8220;Yo breda gwain riez'op, yu nuo.&#8221;</div><div class="p"> 24Martha seh, &#8220;Ah nuo seh ihn gwain riez'op pahn dah Laas Die wen evrybady riez bak op.&#8221;</div><div class="p"> 25Jesus tel im, &#8220;Dah mii dah di Rezorekshan ahn di Laif, di Wan weh riez'op pipl ahn mek dem liv agen. Enybady weh chros iina mii &#8212;iivn if ihn ded&#8212; ihn stil gwain liv; 26ahn enybady weh deh liv, weh chros iina mii, no gwain ded nontaim. Yuu biliiv dat?&#8221;</div><div class="p"> 27Martha ansa seh, &#8220;Yees Laad! Ah wehn aalwiez biliiv seh yuu dah God Son, weh dah di Christ weh God sen tu di worl.&#8221;</div><div class="p"> 28Den Martha lef ahn gaan bak, gaan kaal ihn sista Mary, ahn ihn haal'im wan-said ahn tel im, &#8220;Di Tiicha deh yah ahn ihn deh aks fi yo.&#8221; 29Wen Mary hier dat, ihn get'op kwik ahn gaan tu Jesus.</div><div class="p"> 30Now Jesus neva get Bethany yet; ihn wehn stil deh weh paat Martha wehn miit im. 31Ahn som a di Jewish liida dem wende iina di hous wid Mary deh chier'im op, bot wen dehn si'im get'op kwik ahn gaan, dehn fala im. Dehn wehn tink seh ihn wehn gwain dah Lazarus griev, go hala.</div><div class="p"> 32So, wen Mary get upaa Jesus wende ahn ihn si'im, ihn faal dong fronta im ahn seh, &#8220;Laad, if yuu wende yah, mi breda wudn ded.&#8221;</div><div class="p"> 33Wen Jesus si Mary deh baal, ahn di pipl dem weh wende wid im deh baal out tu, ih trobl im plenty ahn mek im uova sad diip dong iina ihn haat. 34So, Jesus aks dem, &#8220;Dah weh unu put Lazarus?&#8221;</div><div class="p">Dehn tel im seh, &#8220;Kom si, Laad.&#8221;</div><div class="p"> 35Den Jesus staat krai.</div><div class="p"> 36Di pipl dem seh, &#8220;Hm, unu si deh; him mosy wehn lov Lazarus tu.&#8221;</div><div class="p"> 37Bot som a dem seh, &#8220;Dis dah no di man weh kyuor di blain man, mek ihn kyan si? So, how him kudn kiip Lazarus fahn ded?&#8221;</div><div class="s">Jesus riez Lazarus bak op fahn di ded</div><div class="p"> 38So Jesus wehn trobl ahn uova sad bai di taim ihn get dah di tuum. Dah wehn wan kiev, ahn wan big rak wende fronta ih. 39So ihn seh, &#8220;Muuv di rak!&#8221;</div><div class="p">Martha, di sista a di ded man, tel im seh, &#8220;Bot Laad, dah four diez now sins Lazarus ded ahn ihn mosy stink aredy.&#8221;</div><div class="p"> 40Jesus tel im, &#8220;Ah neva tel yo seh, if yu ongl biliiv, yo gwain si ho moch powa God gat?&#8221;</div><div class="p"> 41So dehn muuv di rak, ahn Jesus luk op tu hevn ahn seh, &#8220;Faada, Ah tank yo seh yo don hier mi. 42Ah wehn nuo seh yu aalwiez hier mi, bot Ah seh dis fi di kroud weh deh stan op yah, so dehn kyan biliiv dah yuu sen mi.&#8221;</div><div class="p"> 43Wen ihn don seh dat, ihn hala out uova haad, &#8220;Lazarus, kom out!&#8221; 44Den di ded man kom out! Ihn han ahn ihn fut dem wehn rap roun ahn roun wid som lang piis a klaat, ahn wan klaat wehn rap roun ihn fies tu.</div><div class="p">So Jesus tel dem, &#8220;Tek di klaat aafa him; mek ihn go.&#8221;</div><div class="s">Di Jewish liida dem plan fi kil Jesus</div><div class="r">(Matthew 26.1-5; Mark 14.1-2; Luke 22.1-2)</div><div class="p"> 45-46So, plenty a di Jew dem &#8212;weh wehn gaan vizit Mary&#8212; si weh Jesus du, ahn dehn staat chros iina im. Bot som a dem ron gaan tel di Pharisee pipl dem weh wehn hapm. 47So di chiif priis ahn Pharisee dem kaal'op wan miitn a di Jewish Kongsl; ahn wen dehn get tugeda, dehn seh, &#8220;Dah weh wi fi du now? Dis man deh du aala dem mirakl. 48If wi mek him go hed laik dat, den evrybady gwain chros iina im, ahn di Roman suoldya dem gwain kom ahn mash'op wi Templ ahn wi nieshan.&#8221;</div><div class="p"> 49Bot wan a dem weh wehn niem Caiphas, weh dah wehn di Hai Priis dah yier, seh tu dem, &#8220;Unu no nuo notn ataal! 50Unu no nuo seh ih beta fi unu mek wan man ded fi di pipl dem an fi mek di huol nieshan get distrai?&#8221;</div><div class="p"> 51Him neva riiyalaiz weh ihn wende seh, bot laik how him dah wehn di Hai Priis dah yier, ihn wende prafisai seh Jesus wehn gwain ded fi aal di Jew pipl dem 52&#8212;ahn no ongl fi dem&#8212; bot fi gyada aala God pipl dem weh wehn skyata aal uova di worl, mek dem kom tugeda az wan.</div><div class="p"> 53Ahn fahn dah die, dehn wende plan fi kil Jesus. 54So, Jesus stap go bout iina poblik mongs di Jewish liida dem. Ihn lef fahn deh ahn gaan dah wan toun weh niem Ephraim, weh wende nier tu di dezart, ahn ihn stie deh wid ihn disaipl dem.</div><div class="p"> 55Now dah wehn niely taim fi di Jew dehn Paasuova selibrieshan. Ahn plenty pipl fahn outa di kontry gaan op dah Jerusalem som diez bifuor di selibrieshan, bikaaz dehn wehn waahn go chruu di washin serimony weh wehn gwain mek dem kliin iina God sait. 56So dehn wende luk fi si if dehn wehn gwain si Jesus ahn wende aks wan anada seh, &#8220;Unu no tink seh ihn gwain kom dah di selibrieshan?&#8221; 57Dehn seh dis bikaaz di chiif priis ahn di Pharisee dem wehn don gi aadaz seh if enybady wehn nuo upaa Jesus wende, dehn wehn fi kom ahn tel dem so dehn kuda grab im.</div>
 </div>
 </div>
</div>

Now wan man niem Lazarus wehn sik. Him ahn ihn two sista dem, weh niem Mary ahn Martha, wehn liv dah Bethany toun. Dat dah wehn di siem Mary weh wehn chruo som swiit aintment pahn di Laad ahn waip ihn fut wid ihn hier. Wel, dah wehn fi shii breda weh wehn sik. So di two sista dem sen mesij tu Jesus seh, “Laad, yo gud fren weh yo lov sik bad.”
Bot wen Jesus hier dat, ihn seh, “Lazarus no gwain ded sieka dis siknis. Dis deh hapm so pipl kyan si God powa, ahn dah chruu dis siem siknis dehn gwain kyan si how God Son powaful ahn gi'im gluory tu.” Now Jesus wehn lov Mary ahn Martha ahn dehn breda Lazarus, bot iivn afta ihn hier seh Lazarus wehn sik, ihn stil stie dah di plies upaa ihn wende fi two muo diez.
Den afta dat, ihn seh tu ihn disaipl dem, “Mek wi go bak Judea.”
Bot di disaipl dem tel im, “Rabbi, di Jewish liida dem dah Judea jos wende trai lik yo dong, ahn yuu waahn go bak deh agen?”
Jesus ansa dem seh, “Dah twelve owaz iina iich die, no chruut? So dem pipl weh waak iina braad die-lait no gwain bok'op wid notn, bikaaz dehn si di Lait fi dis worl. Bot if dehn waak dah nait, den dehn gwain bok'op ahn faal dong, bikaaz dehn no gat di Lait fi help dem si.”
Den Jesus seh, “Wi fren Lazarus gaan sliip, bot Ah gwain go wiek'im op.”
Di disaipl dem seh, “Wel, Laad, if ihn ongl deh sliip, den dat miin ihn gwain get beta.” Dehn wehn tink seh Jesus wende seh Lazarus jos gaan sliip, bot Jesus wehn miin ihn wehn ded, fi chruut.
So Jesus kom out klier ahn tel dem, “Lazarus ded. Bot fi unu uon siek, Ah glad Ah neva dedeh, bikaaz now unu gat di chaans fi laan fi chros mi. Kom, mek wi go si'im.”
Thomas, weh dehn yuuztu kaal Didymus, or di Twin, tel di ada disaipl dem, “Mek aala wi go wid Jesus; mek wi ded wid im tu!”

Wen Jesus get Bethany, ihn fain out seh dehn don ber Lazarus iina wan tuum fi four diez aredy. Now Bethany wehn ongl deh bout two mailz fahn Jerusalem, ahn plenty a di Jew dem wehn kom, kom chier'op Mary ahn Martha fi weh dehn breda ded. Wen Martha hier seh Jesus wende kom, ihn gaan out gaan miit im, bot Mary stie huom.
Martha seh tu Jesus, “Laad, if yu wende yah, mi breda wuda neva ded. Bot iivn now Ah nuo seh God gwain gi'yo enyting yu aks im fah.”
Jesus tel Martha, “Yo breda gwain riez'op, yu nuo.”
Martha seh, “Ah nuo seh ihn gwain riez'op pahn dah Laas Die wen evrybady riez bak op.”
Jesus tel im, “Dah mii dah di Rezorekshan ahn di Laif, di Wan weh riez'op pipl ahn mek dem liv agen. Enybady weh chros iina mii —iivn if ihn ded— ihn stil gwain liv; ahn enybady weh deh liv, weh chros iina mii, no gwain ded nontaim. Yuu biliiv dat?”
Martha ansa seh, “Yees Laad! Ah wehn aalwiez biliiv seh yuu dah God Son, weh dah di Christ weh God sen tu di worl.”
Den Martha lef ahn gaan bak, gaan kaal ihn sista Mary, ahn ihn haal'im wan-said ahn tel im, “Di Tiicha deh yah ahn ihn deh aks fi yo.” Wen Mary hier dat, ihn get'op kwik ahn gaan tu Jesus.
Now Jesus neva get Bethany yet; ihn wehn stil deh weh paat Martha wehn miit im. Ahn som a di Jewish liida dem wende iina di hous wid Mary deh chier'im op, bot wen dehn si'im get'op kwik ahn gaan, dehn fala im. Dehn wehn tink seh ihn wehn gwain dah Lazarus griev, go hala.
So, wen Mary get upaa Jesus wende ahn ihn si'im, ihn faal dong fronta im ahn seh, “Laad, if yuu wende yah, mi breda wudn ded.”
Wen Jesus si Mary deh baal, ahn di pipl dem weh wende wid im deh baal out tu, ih trobl im plenty ahn mek im uova sad diip dong iina ihn haat. So, Jesus aks dem, “Dah weh unu put Lazarus?”
Dehn tel im seh, “Kom si, Laad.”
Den Jesus staat krai.
Di pipl dem seh, “Hm, unu si deh; him mosy wehn lov Lazarus tu.”
Bot som a dem seh, “Dis dah no di man weh kyuor di blain man, mek ihn kyan si? So, how him kudn kiip Lazarus fahn ded?”

So Jesus wehn trobl ahn uova sad bai di taim ihn get dah di tuum. Dah wehn wan kiev, ahn wan big rak wende fronta ih. So ihn seh, “Muuv di rak!”
Martha, di sista a di ded man, tel im seh, “Bot Laad, dah four diez now sins Lazarus ded ahn ihn mosy stink aredy.”
Jesus tel im, “Ah neva tel yo seh, if yu ongl biliiv, yo gwain si ho moch powa God gat?”
So dehn muuv di rak, ahn Jesus luk op tu hevn ahn seh, “Faada, Ah tank yo seh yo don hier mi. Ah wehn nuo seh yu aalwiez hier mi, bot Ah seh dis fi di kroud weh deh stan op yah, so dehn kyan biliiv dah yuu sen mi.”
Wen ihn don seh dat, ihn hala out uova haad, “Lazarus, kom out!” Den di ded man kom out! Ihn han ahn ihn fut dem wehn rap roun ahn roun wid som lang piis a klaat, ahn wan klaat wehn rap roun ihn fies tu.
So Jesus tel dem, “Tek di klaat aafa him; mek ihn go.”


So, plenty a di Jew dem —weh wehn gaan vizit Mary— si weh Jesus du, ahn dehn staat chros iina im. Bot som a dem ron gaan tel di Pharisee pipl dem weh wehn hapm. So di chiif priis ahn Pharisee dem kaal'op wan miitn a di Jewish Kongsl; ahn wen dehn get tugeda, dehn seh, “Dah weh wi fi du now? Dis man deh du aala dem mirakl. If wi mek him go hed laik dat, den evrybady gwain chros iina im, ahn di Roman suoldya dem gwain kom ahn mash'op wi Templ ahn wi nieshan.”
Bot wan a dem weh wehn niem Caiphas, weh dah wehn di Hai Priis dah yier, seh tu dem, “Unu no nuo notn ataal! Unu no nuo seh ih beta fi unu mek wan man ded fi di pipl dem an fi mek di huol nieshan get distrai?”
Him neva riiyalaiz weh ihn wende seh, bot laik how him dah wehn di Hai Priis dah yier, ihn wende prafisai seh Jesus wehn gwain ded fi aal di Jew pipl dem —ahn no ongl fi dem— bot fi gyada aala God pipl dem weh wehn skyata aal uova di worl, mek dem kom tugeda az wan.
Ahn fahn dah die, dehn wende plan fi kil Jesus. So, Jesus stap go bout iina poblik mongs di Jewish liida dem. Ihn lef fahn deh ahn gaan dah wan toun weh niem Ephraim, weh wende nier tu di dezart, ahn ihn stie deh wid ihn disaipl dem.
Now dah wehn niely taim fi di Jew dehn Paasuova selibrieshan. Ahn plenty pipl fahn outa di kontry gaan op dah Jerusalem som diez bifuor di selibrieshan, bikaaz dehn wehn waahn go chruu di washin serimony weh wehn gwain mek dem kliin iina God sait. So dehn wende luk fi si if dehn wehn gwain si Jesus ahn wende aks wan anada seh, “Unu no tink seh ihn gwain kom dah di selibrieshan?” Dehn seh dis bikaaz di chiif priis ahn di Pharisee dem wehn don gi aadaz seh if enybady wehn nuo upaa Jesus wende, dehn wehn fi kom ahn tel dem so dehn kuda grab im.

Slušaj John 11