Subanon, Western: Kitab Bogu Pasad talu' nog Mikpongon New Testament

Subanon, Western - WBT Version (NT) No Drama

Subanon, Western - WBT Version (NT) Drama

<div class="version vid1324 iso6393suc" data-vid="1324" data-iso6393="suc">
    <div class="book bkMAT">
        <div class="chapter ch8" data-usfm="MAT.8">
            <div class="label">8</div><div class="s"><span class="heading">Kiuli&#42892;an ni Isus og gotow nog gipulon</span></div><div class="r"><span class="heading">  </span><span class="heading">Mark 1:40-45</span><span class="heading">, </span><span class="heading">Luk 5:12-16</span></div><div class="p"><span class="content">  </span><span class="verse v1" data-usfm="MAT.8.1"><span class="label">1</span><span class="content">Dinumiksun si Isus tidu sog bontud koyon. Dangan minatong sog dotagan, modakol og gotowanan nog mikpogunut dianon. </span></span><span class="verse v2" data-usfm="MAT.8.2"><span class="label">2</span><span class="content">Bu ngon og sala kotow gipulon nog mikpolani dianon mangka inglu&#42892;ud sog sungu&#42892;an non bu poktalu&#42892; nog, &#8220;Polopanad, somo&#42892; moleg a da, ompokodag mu akon.&#8221;</span></span></div><div class="p"><span class="verse v2" data-usfm="MAT.8.2"><span class="content">  </span></span><span class="verse v3" data-usfm="MAT.8.3"><span class="label">3</span><span class="content">Dadi, dinoponan ion ni Isus mangka poktalu&#42892; nog, &#8220;Moleg u da le. Kuli&#42892;an ka na!&#8221; Bu sododu&#42892;un miawa&#42892; og mosakit nog gotow koyon. </span></span><span class="verse v4" data-usfm="MAT.8.4"><span class="label">4</span><span class="content">Tubus nion, tinolu&#42892;an non og gotow koyon nog, &#8220;Na&#42892; mu ini tokodoy posunon minsan sima. Suga&#42892;id non, angoy mu potongow og glawas mu ditu&#42892; sog bolian mangka a pomalas ma&#42892; nog dinondag ni Muses kitu&#42892; kobon nitu&#42892; po&#42892; bagun nilan kotoksi&#42892;an.&#8221;</span></span></div><div class="s"><span class="heading">Og kopongandol nog kounutan nog sundaluanan</span></div><div class="r"><span class="heading">  </span><span class="heading">Luk 7:1-10</span></div><div class="p"><span class="verse v4" data-usfm="MAT.8.4"><span class="content">  </span></span><span class="verse v5" data-usfm="MAT.8.5"><span class="label">5</span><span class="content">Dangan minatong si Isus sog koliwagan bonua nog Kapernaum, linumpak ion nog kounutan nog sundaluanan mangka pokitabang dianon nog, </span></span><span class="verse v6" data-usfm="MAT.8.6"><span class="label">6</span><span class="content">&#8220;Kounutan, og dodondagon ku ondi&#42892; mokodag bu ondi&#42892; tanan mokopoglilow ditu&#42892; sog baloy. Misinsa tokodoy nog mosakit non.&#8221;</span></span></div><div class="p"><span class="verse v6" data-usfm="MAT.8.6"><span class="content">  </span></span><span class="verse v7" data-usfm="MAT.8.7"><span class="label">7</span><span class="content">Tinabal ion ni Isus nog, &#8220;O&#42892;o, ongoyon ku da ion pokodagoy.&#8221;</span></span></div><div class="p"><span class="verse v7" data-usfm="MAT.8.7"><span class="content">  </span></span><span class="verse v8" data-usfm="MAT.8.8"><span class="label">8</span><span class="content">Tibua, tinumabal og kounutan nog sundaluanan koyon nog, &#8220;Kounutan, kona&#42892; u patut mokpodangan dianika sog baloy u. Suga&#42892;id non, talu&#42892; mu tibua nog kumodag na og dodondagon ku kitu&#42892;, po&#42892; kumodag na dun. </span></span><span class="verse v9" data-usfm="MAT.8.9"><span class="label">9</span><span class="content">Po&#42892; akon si&#42892;oy, ngon dosop og kounutan nog mogbaya&#42892; dianakon. Bu ongon dosop og sundaluanan nog bila dondagon ku ompanow, mokokunut da dianakon. Bu bila sop dondagon ku mokpolani dianakon, mokokunut ilan dosop. Bu bila dondagon ku og sosugu&#42892;on ku nog moginang nog ain kolegan ku, inangon non dosop.&#8221;</span></span></div><div class="p"><span class="verse v9" data-usfm="MAT.8.9"><span class="content">  </span></span><span class="verse v10" data-usfm="MAT.8.10"><span class="label">10</span><span class="content">Dangan midongog ni Isus og tinalu&#42892; nog gotow koyon, kisobu&#42892;an ion dun nog boya&#42892;an tinolu&#42892;an non og gotowanan koyon nog mikpogunut dianon nog, &#8220;Totu da, da&#42892; u pa sibon pokolumpak nog gotow nog ma&#42892; nini kopagon og kopongandol non, minsan si&#42892;oy sog bansa Israel. </span></span><span class="verse v11" data-usfm="MAT.8.11"><span class="label">11</span><span class="content">Tolu&#42892;on ku dianiu, nog modakol og gotowanan nog mokpoktidu sog silangan sindopan madap ilan kuman dia ni lo&#42892; Abraham, si Isak, bu si Jakub sog pigdotu&#42892;an ditu&#42892; sog glangit. </span></span><span class="verse v12" data-usfm="MAT.8.12"><span class="label">12</span><span class="content">Tibua, og gotowanan kitu&#42892; nog mokampu&#42892; bosia sog pigdotu&#42892;an nog Mikpongon, tikpu&#42892;on ilan sog glowasan ditu&#42892; sog kodoloman. Bu ditu&#42892; ilan poglulad bu mongolongot og ngisianan nilan.&#8221;</span></span></div><div class="p"><span class="verse v12" data-usfm="MAT.8.12"><span class="content">  </span></span><span class="verse v13" data-usfm="MAT.8.13"><span class="label">13</span><span class="content">Tubus nion, miktalu&#42892; si Isus sog kounutan nog sundaluanan koyon nog, &#8220;Uli&#42892; a na. Po&#42892; motuman da dianika og tud mu koyon.&#8221; Bu og tang koyon kiuli&#42892;an doda&#42892; og dodondagon non kitu&#42892;.</span></span></div><div class="s"><span class="heading">Modakol og di&#42892; mokokodag nog kiuli&#42892;an ni Isus</span></div><div class="r"><span class="heading">  </span><span class="heading">Mark 1:29-34</span><span class="heading">, </span><span class="heading">Luk 4:38-41</span></div><div class="p"><span class="verse v13" data-usfm="MAT.8.13"><span class="content">  </span></span><span class="verse v14" data-usfm="MAT.8.14"><span class="label">14</span><span class="content">Tubus nitu&#42892;, minangoy si Isus sog baloy ni Piter. Dangan sinumolod ion, mitongow non og ponugangan ni Piter nog glibun nog pogbolilid po&#42892; mipanas. </span></span><span class="verse v15" data-usfm="MAT.8.15"><span class="label">15</span><span class="content">Dadi, dinoponan ni Isus og komot non bu kiowasan ion. Dadi, migbuat ion mangka non tologadoy si Isus.</span></span></div><div class="p"><span class="verse v15" data-usfm="MAT.8.15"><span class="content">  </span></span><span class="verse v16" data-usfm="MAT.8.16"><span class="label">16</span><span class="content">Dangan sinumindop na gondow, modakol og gotowanan nog pinosopan nog glatdiwataanan nog pingoit ditu&#42892; non. Pimugow non og glatdiwataanan kitu&#42892; bianan sog talu&#42892; non. Bu og glam nog ondi&#42892; mokokodag koyon dion kiuli&#42892;an non. </span></span><span class="verse v17" data-usfm="MAT.8.17"><span class="label">17</span><span class="content">Ion non ini og kotumanan nog tinalu&#42892; kitu&#42892; nog polomolatas nog talu&#42892; nog Mikpongon nog si Isaya kobon nitu&#42892; nog, &#8220;Kiuli&#42892;an non ita mangka non owa&#42892;oy og mokosakitanan ta.&#8221;</span><span class="note f"><span class="label">#</span><span class=" body"><span class="fr">8:17 </span><span class="ft">Isaya 53:4 </span></span></span></span></div><div class="s"><span class="heading">Og kobianbianan nog gotow ain mokokunut dia ni Isus</span></div><div class="r"><span class="heading">  </span><span class="heading">Luk 9:57-62</span></div><div class="p"><span class="verse v17" data-usfm="MAT.8.17"><span class="content">  </span></span><span class="verse v18" data-usfm="MAT.8.18"><span class="label">18</span><span class="content">Dangan mitongow ni Isus nog modakol og gotowanan nog miglibut dianon, tinolu&#42892;an non og sulanggu&#42892;anan non koyon nog, &#8220;Tumolipag ita ditu&#42892; sog dipag nog danow koni.&#8221; </span></span><span class="verse v19" data-usfm="MAT.8.19"><span class="label">19</span><span class="content">Sog da&#42892; ilan pa gonat, mikpolani dianon og polopanad nog botad nog bansa Hudyu mangka poktalu&#42892; nog, &#8220;Kounutan, mogunut u dianika minsan ain ka angoy.&#8221;</span></span></div><div class="p"><span class="verse v19" data-usfm="MAT.8.19"><span class="content">  </span></span><span class="verse v20" data-usfm="MAT.8.20"><span class="label">20</span><span class="content">Tinumabal si Isus nog, &#8220;Og tinggalung togo pogonongan, bu og manukmanuk togo salag. Tibua, og Binata&#42892; sog Kilawan, da&#42892;idun tanan og dolopa&#42892;an non.&#8221;</span></span></div><div class="p"><span class="verse v20" data-usfm="MAT.8.20"><span class="content">  </span></span><span class="verse v21" data-usfm="MAT.8.21"><span class="label">21</span><span class="content">Og sala kotow sop nog sulanggu&#42892; non miktalu&#42892; dianon nog, &#8220;Kounutan, ondi&#42892; u pa mokodunut dianika po&#42892; lobongon ku pa poguna og gama&#42892; u.&#8221;</span></span></div><div class="p"><span class="verse v21" data-usfm="MAT.8.21"><span class="content">  </span></span><span class="verse v22" data-usfm="MAT.8.22"><span class="label">22</span><span class="content">Tinabal ion ni Isus nog, &#8220;Pogunut a dianakon. Potiang nika na ain og di&#42892; bololaga&#42892; dianilan og pigdotu&#42892;an nog Mikpongon nog ilan dona og lumobong nog bangkoy nilan.&#8221;</span></span></div><div class="s"><span class="heading">Pilota&#42892; ni Isus og goyup</span></div><div class="r"><span class="heading">  </span><span class="heading">Mark 4:35-41</span><span class="heading">, </span><span class="heading">Luk 8:22-25</span></div><div class="p"><span class="verse v22" data-usfm="MAT.8.22"><span class="content">  </span></span><span class="verse v23" data-usfm="MAT.8.23"><span class="label">23</span><span class="content">Tubus nitu&#42892;, sinumakoy si Isus ilan nog sulanggu&#42892;anan non koyon dia sog bolangoy mangka ilan tulak. </span></span><span class="verse v24" data-usfm="MAT.8.24"><span class="label">24</span><span class="content">Gomonsunoy pa, tinumokow moglogoyup nog landu&#42892; na kolandos dia sog danow koyon boya&#42892;an nog kisigoban nog nabok og bolangoy nilan koyon. Tibua, si Isus poktulug. </span></span><span class="verse v25" data-usfm="MAT.8.25"><span class="label">25</span><span class="content">Dadi, inangoy ion tonudoy nog sulanggu&#42892;anan non koyon, &#8220;Kounutan, tabang! Mogla&#42892;at ita!&#8221;</span></span></div><div class="p"><span class="verse v25" data-usfm="MAT.8.25"><span class="content">  </span></span><span class="verse v26" data-usfm="MAT.8.26"><span class="label">26</span><span class="content">Tubus nitu&#42892;, tinolu&#42892;an non ilan nog, &#8220;Iduma kondokan amu ma? Kulang doda&#42892; og kopongandol niu!&#8221; Mangka ion pogbuat bu polota&#42892;oy og galu&#42892; koyon bu og nabok nog mokoluksang. Sododu&#42892;un tinumodo&#42892; tokodoy og danow koyon.</span></span></div><div class="p"><span class="verse v26" data-usfm="MAT.8.26"><span class="content">  </span></span><span class="verse v27" data-usfm="MAT.8.27"><span class="label">27</span><span class="content">Kisobu&#42892;an tokodoy og sulanggu&#42892;anan non koyon mangka ilan poktalu&#42892; nog, &#8220;Sima gidoy og gotow koni nog minsan si&#42892;oy og galu&#42892; bu og nabok mogbilang ma dianon!&#8221;</span></span></div><div class="s"><span class="heading">Kiuli&#42892;an ni Isus og dua&#42892; kotow nog tinosopannog glatdiwataanan</span></div><div class="r"><span class="heading">  </span><span class="heading">Mark 5:1-20</span><span class="heading">, </span><span class="heading">Luk 8:26-39</span></div><div class="p"><span class="verse v27" data-usfm="MAT.8.27"><span class="content">  </span></span><span class="verse v28" data-usfm="MAT.8.28"><span class="label">28</span><span class="content">Sokali&#42892; ilan dinumonggu&#42892; ditu&#42892; sog dipag nog danow koyon sog bonua nog ngalan non Gadarinis. Linumpak ion nog dua&#42892; kotow nog tinosopan nog glatdiwata nog ditu&#42892; ilan miktidu sog kolobongan. Bu kondokondok ilan tokodoy nog boya&#42892;an nog da&#42892;idun tanan og mokobian sog dalan koyon. </span></span><span class="verse v29" data-usfm="MAT.8.29"><span class="label">29</span><span class="content">Bu mikpoktalu&#42892; ilan nog mosikad nog, &#8220;Olo og dunon mu dianami, Ika og Bata&#42892; a nog Mikpongon? Ongoyon mu ta&#42892; ami posinsaoy nog saka da&#42892; pa datong og tang non?&#8221;</span></span></div><div class="p"><span class="verse v29" data-usfm="MAT.8.29"><span class="content">  </span></span><span class="verse v30" data-usfm="MAT.8.30"><span class="label">30</span><span class="content">Sog molayu&#42892;layu&#42892; nilan koyon, ngon og panun nog babuy nog pokponungkal. </span></span><span class="verse v31" data-usfm="MAT.8.31"><span class="label">31</span><span class="content">Og glatdiwataanan koyon, migbubut ilan dia ni Isus nog bila bugowon non ilan, dia ilan sangon sog babuyanan koyon.</span></span></div><div class="p"><span class="verse v31" data-usfm="MAT.8.31"><span class="content">  </span></span><span class="verse v32" data-usfm="MAT.8.32"><span class="label">32</span><span class="content">Dadi, sinagda ilan ni Isus mokpongluas. Bu mikpongluas ilan tidu sog dua&#42892; kotow koyon mangka ilan sangon sog babuyanan koyon. Bu og panun nog babuy koyon, mikponggobok ilan dumiksun mangka pokpongokpu sog danow koyon bu mitipot ilan pomogla&#42892;at. </span></span><span class="verse v33" data-usfm="MAT.8.33"><span class="label">33</span><span class="content">Dangan mitongow nog polongipat nog babuyanan koyon og ma&#42892; nion koyon, mikponggobok ilan mangka nilan poguksugoy ditu&#42892; sog koliwagan bonua og glam nion bu asta og kibianbianan nog dua&#42892; kotow kitu&#42892; nog bakas tinosopan nog glatdiwataanan. </span></span><span class="verse v34" data-usfm="MAT.8.34"><span class="label">34</span><span class="content">Dadi, og glam nog gotowanan ditu&#42892; sog koliwagan bonua kitu&#42892;, inangoy nilan lumpakoy si Isus bu pigbubut nilan nog mawa&#42892; pa dion sog bonua nilan koyon.</span></span></div>
        </div>
    </div>
</div>

Dinumiksun si Isus tidu sog bontud koyon. Dangan minatong sog dotagan, modakol og gotowanan nog mikpogunut dianon. Bu ngon og sala kotow gipulon nog mikpolani dianon mangka ingluꞌud sog sunguꞌan non bu poktaluꞌ nog, “Polopanad, somoꞌ moleg a da, ompokodag mu akon.”
Dadi, dinoponan ion ni Isus mangka poktaluꞌ nog, “Moleg u da le. Kuliꞌan ka na!” Bu sododuꞌun miawaꞌ og mosakit nog gotow koyon. Tubus nion, tinoluꞌan non og gotow koyon nog, “Naꞌ mu ini tokodoy posunon minsan sima. Sugaꞌid non, angoy mu potongow og glawas mu dituꞌ sog bolian mangka a pomalas maꞌ nog dinondag ni Muses kituꞌ kobon nituꞌ poꞌ bagun nilan kotoksiꞌan.”


Dangan minatong si Isus sog koliwagan bonua nog Kapernaum, linumpak ion nog kounutan nog sundaluanan mangka pokitabang dianon nog, “Kounutan, og dodondagon ku ondiꞌ mokodag bu ondiꞌ tanan mokopoglilow dituꞌ sog baloy. Misinsa tokodoy nog mosakit non.”
Tinabal ion ni Isus nog, “Oꞌo, ongoyon ku da ion pokodagoy.”
Tibua, tinumabal og kounutan nog sundaluanan koyon nog, “Kounutan, konaꞌ u patut mokpodangan dianika sog baloy u. Sugaꞌid non, taluꞌ mu tibua nog kumodag na og dodondagon ku kituꞌ, poꞌ kumodag na dun. Poꞌ akon siꞌoy, ngon dosop og kounutan nog mogbayaꞌ dianakon. Bu ongon dosop og sundaluanan nog bila dondagon ku ompanow, mokokunut da dianakon. Bu bila sop dondagon ku mokpolani dianakon, mokokunut ilan dosop. Bu bila dondagon ku og sosuguꞌon ku nog moginang nog ain kolegan ku, inangon non dosop.”
Dangan midongog ni Isus og tinaluꞌ nog gotow koyon, kisobuꞌan ion dun nog boyaꞌan tinoluꞌan non og gotowanan koyon nog mikpogunut dianon nog, “Totu da, daꞌ u pa sibon pokolumpak nog gotow nog maꞌ nini kopagon og kopongandol non, minsan siꞌoy sog bansa Israel. Toluꞌon ku dianiu, nog modakol og gotowanan nog mokpoktidu sog silangan sindopan madap ilan kuman dia ni loꞌ Abraham, si Isak, bu si Jakub sog pigdotuꞌan dituꞌ sog glangit. Tibua, og gotowanan kituꞌ nog mokampuꞌ bosia sog pigdotuꞌan nog Mikpongon, tikpuꞌon ilan sog glowasan dituꞌ sog kodoloman. Bu dituꞌ ilan poglulad bu mongolongot og ngisianan nilan.”
Tubus nion, miktaluꞌ si Isus sog kounutan nog sundaluanan koyon nog, “Uliꞌ a na. Poꞌ motuman da dianika og tud mu koyon.” Bu og tang koyon kiuliꞌan dodaꞌ og dodondagon non kituꞌ.


Tubus nituꞌ, minangoy si Isus sog baloy ni Piter. Dangan sinumolod ion, mitongow non og ponugangan ni Piter nog glibun nog pogbolilid poꞌ mipanas. Dadi, dinoponan ni Isus og komot non bu kiowasan ion. Dadi, migbuat ion mangka non tologadoy si Isus.
Dangan sinumindop na gondow, modakol og gotowanan nog pinosopan nog glatdiwataanan nog pingoit dituꞌ non. Pimugow non og glatdiwataanan kituꞌ bianan sog taluꞌ non. Bu og glam nog ondiꞌ mokokodag koyon dion kiuliꞌan non. Ion non ini og kotumanan nog tinaluꞌ kituꞌ nog polomolatas nog taluꞌ nog Mikpongon nog si Isaya kobon nituꞌ nog, “Kiuliꞌan non ita mangka non owaꞌoy og mokosakitanan ta.”


Dangan mitongow ni Isus nog modakol og gotowanan nog miglibut dianon, tinoluꞌan non og sulangguꞌanan non koyon nog, “Tumolipag ita dituꞌ sog dipag nog danow koni.” Sog daꞌ ilan pa gonat, mikpolani dianon og polopanad nog botad nog bansa Hudyu mangka poktaluꞌ nog, “Kounutan, mogunut u dianika minsan ain ka angoy.”
Tinumabal si Isus nog, “Og tinggalung togo pogonongan, bu og manukmanuk togo salag. Tibua, og Binataꞌ sog Kilawan, daꞌidun tanan og dolopaꞌan non.”
Og sala kotow sop nog sulangguꞌ non miktaluꞌ dianon nog, “Kounutan, ondiꞌ u pa mokodunut dianika poꞌ lobongon ku pa poguna og gamaꞌ u.”
Tinabal ion ni Isus nog, “Pogunut a dianakon. Potiang nika na ain og diꞌ bololagaꞌ dianilan og pigdotuꞌan nog Mikpongon nog ilan dona og lumobong nog bangkoy nilan.”


Tubus nituꞌ, sinumakoy si Isus ilan nog sulangguꞌanan non koyon dia sog bolangoy mangka ilan tulak. Gomonsunoy pa, tinumokow moglogoyup nog landuꞌ na kolandos dia sog danow koyon boyaꞌan nog kisigoban nog nabok og bolangoy nilan koyon. Tibua, si Isus poktulug. Dadi, inangoy ion tonudoy nog sulangguꞌanan non koyon, “Kounutan, tabang! Moglaꞌat ita!”
Tubus nituꞌ, tinoluꞌan non ilan nog, “Iduma kondokan amu ma? Kulang dodaꞌ og kopongandol niu!” Mangka ion pogbuat bu polotaꞌoy og galuꞌ koyon bu og nabok nog mokoluksang. Sododuꞌun tinumodoꞌ tokodoy og danow koyon.
Kisobuꞌan tokodoy og sulangguꞌanan non koyon mangka ilan poktaluꞌ nog, “Sima gidoy og gotow koni nog minsan siꞌoy og galuꞌ bu og nabok mogbilang ma dianon!”


Sokaliꞌ ilan dinumongguꞌ dituꞌ sog dipag nog danow koyon sog bonua nog ngalan non Gadarinis. Linumpak ion nog duaꞌ kotow nog tinosopan nog glatdiwata nog dituꞌ ilan miktidu sog kolobongan. Bu kondokondok ilan tokodoy nog boyaꞌan nog daꞌidun tanan og mokobian sog dalan koyon. Bu mikpoktaluꞌ ilan nog mosikad nog, “Olo og dunon mu dianami, Ika og Bataꞌ a nog Mikpongon? Ongoyon mu taꞌ ami posinsaoy nog saka daꞌ pa datong og tang non?”
Sog molayuꞌlayuꞌ nilan koyon, ngon og panun nog babuy nog pokponungkal. Og glatdiwataanan koyon, migbubut ilan dia ni Isus nog bila bugowon non ilan, dia ilan sangon sog babuyanan koyon.
Dadi, sinagda ilan ni Isus mokpongluas. Bu mikpongluas ilan tidu sog duaꞌ kotow koyon mangka ilan sangon sog babuyanan koyon. Bu og panun nog babuy koyon, mikponggobok ilan dumiksun mangka pokpongokpu sog danow koyon bu mitipot ilan pomoglaꞌat. Dangan mitongow nog polongipat nog babuyanan koyon og maꞌ nion koyon, mikponggobok ilan mangka nilan poguksugoy dituꞌ sog koliwagan bonua og glam nion bu asta og kibianbianan nog duaꞌ kotow kituꞌ nog bakas tinosopan nog glatdiwataanan. Dadi, og glam nog gotowanan dituꞌ sog koliwagan bonua kituꞌ, inangoy nilan lumpakoy si Isus bu pigbubut nilan nog mawaꞌ pa dion sog bonua nilan koyon.

Listen to Matiu 8