Gapapaiwa

<div class="version vid1180 iso6393pwg" data-vid="1180" data-iso6393="pwg">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">Tavine kamna Keina kwanatuna kamonai.</div><div class="p"> 1Mara viarobina kamonai tavine itupuwa kwanatu kana vava Keina, Gariri dobunai. Ma Yesu ina maduwa na nani kamonai. 2Ma bade Yesu kana kivikivina yavata ivonesi da nani ku kamna irui. 3Ma wain ikovi na ina maduwa Yesu ivonei bo, &#8220;Wain ivi kovini.&#8221;</div><div class="p"> 4Ma Yesu ivonapotei bo, &#8220;Wavine, avi kubiine kuvoneku da aviyavisina ana berai. Aku mara ke ita pisi.&#8221;</div><div class="p"> 5Ma kegha da ina maduwa bigabiga wawayisi ivonesi bo, &#8220;Aviyavisina ina vonemi na koberai.&#8221;</div><div class="p"> 6Ma ririsiyai na okowa kibubusi ghamaghamasi miikovimasago iruwanamiimiiri. Nani kibubusi wakimiyai ipapa na Jiu damsi i kiki inununuri da imasi itepotepokowakowa, tuna ivi matakira da nuwanuwasi na yagharina. 7Yesu bigabiga wawayisi ivonesi bo, &#8220;Kibubusi na okowa kovi tupotupo.&#8221; Damsi okowa itepo da ighe kawa barasiyai. 8Ma ivonesi bo, &#8220;Wekarakava na gisina kotaraivui ma kokavari konae da kam badana kurina.&#8221; Ikavari inae da iverei, 9ma badana nani okowina ikaratovoni. Okowina na namada ivi viravira da wain. Ma ke itakovi da mimei ipisi ma bigabiga wawayisi na iakovi, iyamna okowa na ti ivui. Tuna kubiine kam badana tomowina itatavine ikwatui ma itinaviviri ku ririna. 10Ma ivonei bo, &#8220;Wawaya peyarisi karenai na wain biibiina evereverena ma wawaya eumuma da damisi eviiviiya ma muriyai berona evovokiibuwei. Ma tam na biibiina kuvotani da wekarakava kuvokiibuwei.&#8221;</div><div class="p"> 11Weni tuna na Yesu ina bera ghamana karena iberai Keina kwanatunai, Gariri kamonai. Kana kadara ivi debei da kana kivikivina ivi tumaghanei.</div><div class="p"> 12Weni berana murinai Yesu ma ina maduwa, titina yoghyogho ma kana kivikivina yavata ioru ku Kapeniyam. Ma nani dobunai imakii mara gisina.#Mat 4:13</div><div class="s1">Yesu Taparoro Numana igigiri.</div><div class="r">(Mat 21:12-13; Mak 11:15-17; Luk 19:45-46)</div><div class="p"> 13Marana inenekiibau da Jiu damsi i kamporagha kana vava Pasova ma Yesu ighae ku Jerusalem.#Exod 12:1-27 14Ma Taparoro Numana garina kamonai ipanani da tomotomowa kau, sipu ma gabubu ivivi gimara. Ma viya na kemakema tepasiyai imakamakai ma mane ivivi vovivirana. 15Tuna kubiine Yesu urava iviiya da wasira iyamoni ma peyarisi Taparoro Numana garina kamonai wawaya i sipu ma kau yavata ikugerisi. Ma bade mane vivovivirana wawayisi i mane ikiiririghi ma i kemakema ivi kuvirevire. 16Ma iyavo kava gabubu ivivi gimara na kurisi ivona bo, &#8220;Weni sawarisi koturakiikiibuwana. Avi kubiine tami aku Mamai ina Numa koruvovirei da vigimagimara gawarina?&#8221; 17Ma kana kivikivina inotapanani da giruma katamana ivona bo, &#8220;Am Taparoro Numana na aku kayowana ghamana, tuna kubiine nuwapoyina ekiikiivunuku.&#8221;#Psa 69:9</div><div class="p"> 18Ma Jiu babadisi ivonei bo, &#8220;Avi matakirina ghamana kuna berai da kanakovi da am rewapana imakamakai na weni berana kuberai?&#8221;</div><div class="p"> 19Yesu ivonapotesi bo, &#8220;Weni Taparoro Numana kona tinarikai ma mara viarobina kamonai ana ruepa meyei.&#8221;#Mat 26:61, 27:40; Mak 14:58, 15:29</div><div class="p"> 20Ma Jiu babadisi ivonapotei bo, &#8220;Weni Taparoro Numana madegha 46 kamonai ivowai ma tam, kovokovoghim da mara aroba kamonai kuna ruepa meyei, bo?&#8221;</div><div class="p"> 21Ma Yesu na ke Taparoro Numana ita vonavonei ma tuna mani tupuwina ivivi sisiyei. 22Maranai rabobowai ivomiiri, kana kivikivina inotai da Yesu ikikava ivi sisiya. Ma nani sisiyina ma giruma katamana ivi tumaghanei da vonavaghata.</div><div class="s1">Yesu wawaya peyarisi i nota iakovi.</div><div class="p"> 23Yesu na Jerusalem kamonai Pasova kamna kubiine, ma matakira ghamaghamasi iberai da wawaya peyarisi ikitai ma ivi tumaghana da tuna na God ina Vivinevine Wawayina. 24Ma Yesu na wawaya peyarisi i nota iakovi, tuna kubiine ke iti tumaghanesi. 25Tuna ke wawaya gwabisiyai nota ita viiya da ti na ikikava, iyamna namada iakovi da aviyavisina nuwanuwasi kamonai emakamakai.</div>
 </div>
 </div>
</div>

Mara viarobina kamonai tavine itupuwa kwanatu kana vava Keina, Gariri dobunai. Ma Yesu ina maduwa na nani kamonai. Ma bade Yesu kana kivikivina yavata ivonesi da nani ku kamna irui. Ma wain ikovi na ina maduwa Yesu ivonei bo, “Wain ivi kovini.”
Ma Yesu ivonapotei bo, “Wavine, avi kubiine kuvoneku da aviyavisina ana berai. Aku mara ke ita pisi.”
Ma kegha da ina maduwa bigabiga wawayisi ivonesi bo, “Aviyavisina ina vonemi na koberai.”
Ma ririsiyai na okowa kibubusi ghamaghamasi miikovimasago iruwanamiimiiri. Nani kibubusi wakimiyai ipapa na Jiu damsi i kiki inununuri da imasi itepotepokowakowa, tuna ivi matakira da nuwanuwasi na yagharina. Yesu bigabiga wawayisi ivonesi bo, “Kibubusi na okowa kovi tupotupo.” Damsi okowa itepo da ighe kawa barasiyai. Ma ivonesi bo, “Wekarakava na gisina kotaraivui ma kokavari konae da kam badana kurina.” Ikavari inae da iverei, ma badana nani okowina ikaratovoni. Okowina na namada ivi viravira da wain. Ma ke itakovi da mimei ipisi ma bigabiga wawayisi na iakovi, iyamna okowa na ti ivui. Tuna kubiine kam badana tomowina itatavine ikwatui ma itinaviviri ku ririna. Ma ivonei bo, “Wawaya peyarisi karenai na wain biibiina evereverena ma wawaya eumuma da damisi eviiviiya ma muriyai berona evovokiibuwei. Ma tam na biibiina kuvotani da wekarakava kuvokiibuwei.”
Weni tuna na Yesu ina bera ghamana karena iberai Keina kwanatunai, Gariri kamonai. Kana kadara ivi debei da kana kivikivina ivi tumaghanei.
Weni berana murinai Yesu ma ina maduwa, titina yoghyogho ma kana kivikivina yavata ioru ku Kapeniyam. Ma nani dobunai imakii mara gisina.


Marana inenekiibau da Jiu damsi i kamporagha kana vava Pasova ma Yesu ighae ku Jerusalem. Ma Taparoro Numana garina kamonai ipanani da tomotomowa kau, sipu ma gabubu ivivi gimara. Ma viya na kemakema tepasiyai imakamakai ma mane ivivi vovivirana. Tuna kubiine Yesu urava iviiya da wasira iyamoni ma peyarisi Taparoro Numana garina kamonai wawaya i sipu ma kau yavata ikugerisi. Ma bade mane vivovivirana wawayisi i mane ikiiririghi ma i kemakema ivi kuvirevire. Ma iyavo kava gabubu ivivi gimara na kurisi ivona bo, “Weni sawarisi koturakiikiibuwana. Avi kubiine tami aku Mamai ina Numa koruvovirei da vigimagimara gawarina?” Ma kana kivikivina inotapanani da giruma katamana ivona bo, “Am Taparoro Numana na aku kayowana ghamana, tuna kubiine nuwapoyina ekiikiivunuku.”
Ma Jiu babadisi ivonei bo, “Avi matakirina ghamana kuna berai da kanakovi da am rewapana imakamakai na weni berana kuberai?”
Yesu ivonapotesi bo, “Weni Taparoro Numana kona tinarikai ma mara viarobina kamonai ana ruepa meyei.”
Ma Jiu babadisi ivonapotei bo, “Weni Taparoro Numana madegha 46 kamonai ivowai ma tam, kovokovoghim da mara aroba kamonai kuna ruepa meyei, bo?”
Ma Yesu na ke Taparoro Numana ita vonavonei ma tuna mani tupuwina ivivi sisiyei. Maranai rabobowai ivomiiri, kana kivikivina inotai da Yesu ikikava ivi sisiya. Ma nani sisiyina ma giruma katamana ivi tumaghanei da vonavaghata.

Yesu na Jerusalem kamonai Pasova kamna kubiine, ma matakira ghamaghamasi iberai da wawaya peyarisi ikitai ma ivi tumaghana da tuna na God ina Vivinevine Wawayina. Ma Yesu na wawaya peyarisi i nota iakovi, tuna kubiine ke iti tumaghanesi. Tuna ke wawaya gwabisiyai nota ita viiya da ti na ikikava, iyamna namada iakovi da aviyavisina nuwanuwasi kamonai emakamakai.

Slušaj Jon 2