Psalmet 51:15-17
Psalmet 51:15-17 Bibla Shqip "Së bashku" 2020 (me DK) (AL1)
Do t'u mësoj ligjshkelësve udhët e tua e mëkatarët do të kthehen te ti. Shpëtomë nga gjakderdhja, o Perëndi, Perëndia i shpëtimit tim, gjuha ime do të brohorasë për drejtësinë tënde. O ZOT, hapi buzët e mia e goja ime do të shpallë lavdinë tënde.
Psalmet 51:15-17 Psalmet Gegërisht - Konstandin Kristoforidhi 1872 (PSGEKK1872)
Zot, çil buzët’ e mia, edhe goja eme ka me dëftyem lavdiminë tand. Se, të dashëkeshe kurban, do të kishiem prumë, por kurbane gjithë-dieguna nukë të pëlqejënë. Kurban’ i Perëndisë ashtë frym’ e thyeme, zemërën’ e thyeme edhe të përvume s’ke me e hedhunë tej, o Perëndi.
Psalmet 51:15-17 Bibla Shqip 1994 (ALBB)
O Zot, hap buzët e mia, dhe goja ime do të shpallë lëvdimin tënd. Ti në fakt nuk ndjen ndonjë kënaqësi në flijim, përndryshe do ta ofroja, nuk të pëlqen as holokausti. Flijimet e Perëndisë janë frymë e thyer; o Perëndi, ti nuk e përçmon zemrën e thyer dhe të penduar.