Psalmet 36:7-10
Psalmet 36:7-10 Bibla Shqip "Së bashku" 2020 (me DK) (AL1)
Drejtësia jote është si malet e larta, gjykimet e tua si humnera e thellë. Njerëz e kafshë, o ZOT, ti i shpëton. Sa e çmuar është mirësia jote, o Perëndi! Nën hijen e krahëve të tu njerëzit gjejnë strehë. Ngihen me begatinë e shtëpisë sate, në përroin e ëndjeve të tua shuajnë etjen. Se pranë teje është burimi i jetës, në dritën tënde shohim dritën.
Psalmet 36:7-10 Psalmet Gegërisht - Konstandin Kristoforidhi 1872 (PSGEKK1872)
Sa i pa-çimueshim ashtë përdëllimi yt, o Perëndi! Përandai të bijt’ e njerëzëvet shpërejënë mbë hie të fletëvet tua. Kanë me u ngimë prei të maimit shtëpisë s’ate, edhe ke me u dhanë ujë prei purroit të praitunit tand. Sepse përanë teje ashtë kroi i jetësë, ndë dritët tande kemi me pamë dritë. Shtri përdëlliminë tand mb’ata qi të ngjofinë, edhe dreitëninë tande mbë zemërë-dreitëtë.
Psalmet 36:7-10 Bibla Shqip 1994 (ALBB)
O Perëndi, sa e çmuar është mirësia jote! Prandaj bijtë e njerëzve gjejnë strehë nën hijen e krahëve të tu; ata ngopen me bollëkun e shtëpisë sate, dhe ti u heq etjen në përroin e kënaqësive të tua. Sepse pranë teje është burimi i jetës, dhe me anë të dritës sate ne shohim dritën. Zgjate mirësinë tënde ndaj atyre që të njohin dhe drejtësinë tënde ndaj atyre që janë të drejtë nga zemra.