Psalmet 147:15-18
Psalmet 147:15-18 Bibla Shqip "Së bashku" 2020 (me DK) (AL1)
Urdhër ai dërgon mbi tokë, fjala e tij përhapet me shpejtësi. Borën e hedh porsi lesh, brymën e derdh porsi hi. Breshrin e lëshon si thërrime, kush i bën ballë të ftohtit të tij? Dërgon fjalën e tij dhe i shkrin, lëshon erën dhe ujërat rrjedhin.
Psalmet 147:15-18 Psalmet Gegërisht - Konstandin Kristoforidhi 1872 (PSGEKK1872)
Dërgon urdhënin’ e vet dheut, fjala e ati ecën shpeit. Ep borë porsi lesh, mbiell brymënë porsi hi. Heth akullin’ e vet porsi copa; kush mundetë me qindruem përpara të ftoftit ati? Dërgon fjalën’ e vet, edhe i shkrin, fryn erën’ e vet, edhe ujënat’ ecinë.
Psalmet 147:15-18 Bibla Shqip 1994 (ALBB)
Dërgon mbi tokë urdhrin e tij, fjala e tij merr dheun. Dërgon borën si lesh dhe përhap brymën si hi. Hedh breshrin e tij si me copa; kush mund t'i bëjë ballë të ftohtit të tij? Dërgon fjalën e tij dhe i shkrin ato; bën që të fryjë era e tij, dhe ujërat rrjedhin.