Psalmet 119:14-20
Psalmet 119:14-20 Psalmet Gegërisht - Konstandin Kristoforidhi 1872 (PSGEKK1872)
U gëzushë nd’ udhët të deshmimevet tu, si për çdo pasëje. Kam me shkumë ndër mend urdhënimet’ e tu, ende kam me ngjoftun’ udhët’ e tua. Kam me u gëzumë për urdhënimet e tu, s’kam me harrumë fjalët’ e tua. Shpagui shërbëtorinë tand, ban-më me rrumë, e me ruitunë fjalënë tande. Çil syt’ e mi, ende kam me pamë mërekullitë prei ligjësë s’ate. Unë jam i huj ndë dhet, mos mpshif prei meje porosit’ e tua. Shpirti em dëshëron për malltqi kam për gjyqet e tu përherë.
Psalmet 119:14-20 Bibla Shqip "Së bashku" 2020 (me DK) (AL1)
Gëzohem kur ndjek dëshmitë e tua, si të ishin gjithë pasuria ime. Do të përsiat porositë e tua, do të thellohem në shtigjet e tua. Me rregullat e tua do të kënaqem, fjalën tënde nuk do ta harroj. Tregohu i mirë me shërbëtorin tënd, që të jetoj e të ruaj fjalën tënde. Hapmi sytë, që të sodis mrekullitë e ligjit tënd. Kalimtar jam unë mbi tokë, mos m'i fshih urdhërimet e tua. Tretet shpirti im prej dëshirës që ka për vendimet e tua kurdoherë.
Psalmet 119:14-20 Bibla Shqip 1994 (ALBB)
Gëzohem duke ndjekur porositë e tua, ashtu sikur të zotëroja tërë pasuritë. Do të mendoj thellë mbi urdhërimet e tua dhe do të marrë në konsideratë shtigjet e tua. Do të kënaqem me statutet e tua dhe nuk do ta harroj fjalën tënde. Bëji të mirë shërbëtorit tënd, dhe unë do të jetoj dhe do të respektoj fjalën tënde. Hapi sytë e mi dhe unë do të sodit mrekullitë e ligjit tënd. Unë jam i huaji mbi dhe; mos m'i fshih urdhërimet e tua. Shpirti im tretet nga dëshira e dekreteve të tua në çdo kohë.