Fjalët e urta 25:11-15
Fjalët e urta 25:11-15 Bibla Shqip "Së bashku" 2020 (me DK) (AL1)
Si mollë e artë në enë argjendi është fjala e thënë kur duhet. Si vath i artë e si stoli ari të kulluar është i urti që qorton veshin e dëgjueshëm. Si freskia e dëborës në kohë të korrash është lajmëtari besnik për atë që e dërgon. Si retë dhe era, por pa shi, është edhe kush mburret për dhuratat që s'i bën. Princi mund të bindet me durim e gjuha e butë i thyen kockat.
Fjalët e urta 25:11-15 Bibla Shqip 1994 (ALBB)
Një fjalë e thënë në kohën e duhur është si molla të arta mbi një enë argjendi. Për një vesh të bindur, një i urtë që qorton është si një vath i artë, një zbukurim prej ari të kulluar. Një lajmëtar besnik është, për ata që e dërgojnë, si freskia e borës në kohën e korrjes, sepse ai e freskon shpirtin e zotit të tij. Ai që mburret duke gënjyer se ka bërë një dhuratë është si retë dhe era pa shi. Me durimin i mbushet mendja një princi dhe gjuha e ëmbël thyen kockat.